MATTHE 23:16 - Cho Bible Common Language 2016

¹⁶ “Lam shüm ciah chang mik m’dauh gui, nangmi ung thüisei nak om ci. Chang tumat naw pum im awn m’kyuk ne ang phyun ung, cun ah ng’pyun nak cu kä bä ci, cun ung phi im ung ghui awn m’kyuk ne ang phyun läi ung bä ci nei’ cine nami pyein ci.

MATTHE 23:16 Referans Kwoze

MATTHE 15:14

Cun ah kyasei ngami ah hmawk ah kä nami ng’ä vai, ngami cu amik käm dei ci lam shüm tuk ciah amik m’dauh gui ah kyak ci gui. Amik m’dauh naw amik m’dauh cu lam am shüm ah a kyak ung, ani nik hnih cu m’ghawng ah lut khai goi nei,” cine m’cäi gui ci.

MATTHE 23:24

“Lam shüm ciah a mik m’dauh gui, nangmi cu k’pi kä nami K’düh-en vai ah, tui m’cim ne nami awk ci, cun ung phi kala-uk läi nami k’düük ci nei.

MATTHE 23:17

Chang she mik m’dauh gui ngai shüm vä, ghui ang, a küikyang pi, ghui theingthap sak ciah pum im ang a küikyang pi?

JAMES 5:12

Ka phäinau gui aw, thukhän shaitaak nami bi ung kä nami ng’gun ng’hta en vai. Khankho khüi ne, khomdek khü ne kä nami ng’gun nen vai, a i phi khü ne kä nami ng’gun nen vai. Nami ng’thu cu hleei ah a kyak ung hleei ah, cang ah a kyak ung cang ah dang khai ah, nami pyein vai nei. Cun ung nangmi cu Khanpughi ah m’khoichaa nak kä nami gah khai.

MATTHE 23:26

A mi m’dauh ah pharisee gui, nami tui m’yak ah ak kyong cu theingthap sak ma vä, cun ung ak pung phi theingthap lawk khai nei.

MATTHE 23:19

Changshe mik m’dauh gui, peit taak nak ang a küikyang pi, peit taak gui theingthap sak ciah mangkyang ang a küikyang pi?

KALATIAN 5:3

Vun ah nak gah ci phung naw thukhän avan cu a läk vai nei, ciah ka ning m’cäi ba gui mä ci.

ISAIAH 9:16

Shin ah chang gui matawn ci gui naw lam hma sak gui ne, apum ah ng’cawn kan sak gui ci.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.