MATTHE 23:13 - Cho Bible Common Language 2016

¹³ “Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

MATTHE 23:13 Referans Kwoze

LUKA 11:52

Thukhän saya gui nangmi ung shetkat nak om ci nei, nangmi cu hmuhmat nak ah im kawt hmawn nak cu gim mei u netah, nami mät phi kä nami lut ci, lut hlük ci phi nami maa nak ci” ci ne kiak na gui ci.

MATTHE 23:29

“Thuvi ciah pharisee gui la thukhän saya gui, nangmi ung thüsei nak om sä. Nangmi cu profet gui ah ng’cim hmun lung gui nami cawih pe gui ci. Changnigui ah cim hmun lung gui nami m’tui m’thau pe gui ci.

MATTHE 23:27

“Thuvi ciah pharisee gui la thukhän saya gui, nangmi cu bawk khai ah hluk ah guh-am awn nami täng ci nei, guh-am gui cu ak pung ah teng ung ami kyom ung phi, ak kyong ah gook ah a guh, ak thu gui awn be ci.

MATTHE 23:23

“Thuvi ciah pharisee gui la thukhän saya gui, nangmi ung thüisei nak om ci. Nangmi cu m’lui, k’bei, an mai nüng bum gha bum ät nami peit ung phi, taga nak, m’gein nak, düngnak gui ah thukhän ung küikyang pi ci gui cu nami nawng ci. Nangmi naw bum gha bum ät phi pe khenggeng ne thukhän phi nami läk vai.

ZEKHARIAH 11:17

Cun ah akholä ah kyak ciah htome shäm cu, akhaw mü ci nei! Ani naw a htome gui cu nawng gui ci. Ng’tuk nak naw a huham avan cu m’di khai nei. Akut cu shuum khai, akpat lam a mik cu m’dauh khai nei” cik ci.

LAMKTU 8:1

Cu hnüüp ung tün neh Jerusalem ung om ciah khritha gui cu, ak she ah dudeiu nah gui ci ci gui. Cun ah kiah sei ngah mi cu Judea khaw lah Samaria khaw yung ah püipiang yawp u sei. Ang düihpüi gui bäng om ba ci gui.

2 TIMOTHI 4:15

Nang naw phi ani cu na ngaih nak vai nei, ani cu mikmi ah thu pyein, hlinghling ah hnu ng’tuk püi ne, thu pyein ciah chang ah kiak ci nei.

ISAIAH 33:14

Zion ung shekak ciah chang gui cu kyi ne ng’hlet u sä. Ngami naw, “Khanpughi ah ng’thumcha nak cu mei ah mäih ah kya ne angtäi sei ui ci nei. Acun ah mäih ah mei ung ka, mikmi mi k’pawih hning khai aw?”

2 TIMOTHI 3:8

Jannes la Jambres naw Moses cu ani hnu ng’tuk püi ah mäih ah, cun ah chang gui naw thu thuuk cu hnu ng’tuk püi ci gui nei. Ngahmi cu lulang cüivai nak kä om sei ami yum nak she pyi ciah chang gui ah kyak ci.

LAMKTU 13:8

Cun ung phi (karik thu awn Elimas ming nak ciah) k’ce naw, gawmang naw kä a yum hlawt vai ah Barnabas la Soul cu ng’cuhcan püi goi ci.

LAMKTU 5:40

Kawngsi ng’vai gui naw Gamaliel ah ng’thu cu ngai u netah ang düihpüi gui cu khü gui ci gui. Cun kawn ah that gui u netah Bawipa Jesuh ah ng’ming awn ng’thu kä ah mi pyein nen ba vai ah, khen neh m’cäi gui netah tüi ba gui ci gui.

LAMKTU 5:28

“A cun ah chang ah ng’ming awn kä na mi m’theithang en ba vai ah, keimi naw ak khengah kami ning maa nah gui pyi ci, Cun ung phi nangmi naw Jerusalem khaw avan ung na mi m’theithang gui pyi ci. Ani ah sih phi keimi ah om ah nami pyein law hlü pyi ci nei” ci ne kyak nah gui ci gui.

JOHAN 9:34

Ngami naw, “Nang cu nanupuk ung katnak awn nang vai lawk ciah kia lang ne, keimi na nam thein gui ci ma, cine pum im ung kaa k’täm ci gui.

JOHAN 9:24

Pharise gui naw, amik m’dauh te ciah chang cu khü ba mä u netah, “Khanpughi ah ma ah thukhän ne, düng nak awn na pyein vai, namik ning m’dei sak ba ciah chang cu katnak bik ciah kami hmat pyi ci” ci nak ci gui.

JOHAN 9:22

Cun ah ami pyein cu Jew chang vai gui naw, Bawipa Jesuh cu Messiah nei, ciah yum ciah chang phung pum nak ung kaa, k’täm vai ah amik bäi pyi ah kyasei, acun ami kyih ah hmawk ah kiak ci.

MATTHE 23:25

“Thuvi ciah pharisee gui la thukhän saya gui, nangmi ung thüisei nak om ci, nangmi cu nami eik-bei la nami m’yakkoi gui ak pung ah theing khai ah nami m’si ung phi, nami m’lung kyong ah ng’yak nak hlü aih la ngetngawng nak cu be ci nei.

MATTHE 3:7

Pharisee gui la Sadducee gui cu tui ng’hnim tuk khai gui ah ami law hmu gui netah Johan naw, “K’Phyu m’äm ah gui aw! Gawk lawk khai ah Khanpughi ah m’lungshe nak phiawn nak vai ah mawng cu a u naw ang a ning m’thein gui?

MATTHE 23:16

“Lam shüm ciah chang mik m’dauh gui, nangmi ung thüisei nak om ci. Chang tumat naw pum im awn m’kyuk ne ang phyun ung, cun ah ng’pyun nak cu kä bä ci, cun ung phi im ung ghui awn m’kyuk ne ang phyun läi ung bä ci nei’ cine nami pyein ci.