MATTHE 22:7 - Cho Bible Common Language 2016

⁷ Ghangpughang cu ang htei ah m’lung she netah, gakap gui cu tüi gui ne, cun ah chang gui cu ngawn sak gui ne, ami pigaw phi mei awn m’khih gui ci.

MATTHE 22:7 Referans Kwoze

LUKA 19:27

Cun kawn ah kei ah uknak kä ng’ya hlük ciah kei ah gaa gui cu, kama ah lawpüi ne ngawn gui vä, cine pyein ci” cine m’thein gui ci.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

1 THESSALONIAN 2:16

Keimi naw hun nak ah mawng changpakhui hei gui-am ng’thu kami m’thein phi tha na ne na ma na gui ci gui. Cun ah ami kyak cu ang täi sei ami cheishoh nak ami kümbe sak nak ah kyak ci. Cun ah kiasei tuhbäi ak hnu ah Khanpughi ah m’lungshe nak cu ngami ah khan ah gawk pyi ci nei.

LUKA 21:21

Cun yah ung Judea kho ung om ci gui khomhtung lam ah dawng u sä, pigaw kyong ah om ci gui, pigaw k’pung ah hteit u sä, pigaw pei ah om ci gui pigaw kyong ah kä hteit-en u sä.

JOEL 3:2

Kei naw changpakhui gui avan ka bum gui khai m’khoicha nak ah khong nawi ung ka law püi gui khai. Acu ah ka m’khoicha gui khai cun cu ka chang gui ah khan ah ami bi avan ah phäh ah kyak khai. Ngami naw Israel gui cu akho hei ungka ng’phyiitpai sak gui ci gui, ka khaw Israel cu ng’pai sak ci gui.

JOEL 2:25

Na shum nak gui cu ka ning pe ba khai ng’hlom ciah khanpeh gui naw na geit gui ami ei ah kum ung ka ah kyak ci. Shin ah gakap cu nang ning hnungtuk püi khai ah ka tüih law ah kyak ci nei.

JOEL 2:11

Bawipa naw khong hmum ah mäih ah agakap gui thumkhän gui ci. Ani ngai ciah ga-mo cu chün ne m’gäi ci. Bawipa ah hnüüp cu kyih aih vai kyak ci nei! A u pawih ba hning khai aw?

DANIEL 9:26

Cun ah khin ang pyi law hlü ung, Khanpughi naw a ghü ah ang vaihta cu kä taga ciah ngawn khai gui. Mang gaw la Taigüim cu huham mah ciah uktu ah m’gäi ciah gakap naw m’di khai. Ang pyi nak vai cu tuii hlaw ah mäih ah lawk khai. Khanpughi naw a pawng püi ah ng’tuk nak la dishum nak cu law püi khai.

MATTHE 22:6

Ahei tumat cu sumlei khai ah hteit ci, amshah gui naw khü lawk ciah chang gui cu pha ne tuthat ci gui.

MATTHE 22:8

Cun awn ah ak changshäm gui khü ba gui netah, ‘Hta m’um nak ei awk vai cu küm pyi te ci, cun ung phi khü ah chang gui cu kä khinkha ci gui ah kyak ci.