MATTHE 22:4 - Cho Bible Common Language 2016

⁴ ghangpughang naw ak changshäm gui tüi ba mä gui ne,’ mü ei ei vai kya lawk ci nei, sei gui phi ngawn pyi nei, ei awk ghet vai kyak ci kyasei, hta m’um nak ah law tuh hlah vä,” cine ng’khü sak gui ci.

MATTHE 22:4 Referans Kwoze

LAMKTU 13:46

Paul la Barnabas naw ayan kaa ah tah thamah nak pi awn,” Ak htük bäih ah keimi naw Khanpughi ah thu ni cu kami ning m’thein tu gui ci, Cun ung phi nang mi naw cun ah thu cu hnu nah ne, ang täi ghin nak awn kä nami khin thäk tuk ciah nami k’bäi pyi ci nei. Cun ah kyasei keimi cu, nangmi ungka ng’düi law ba ne chang pakhui hei gui ah om nak ah kami hteit khai nei.

MATTHE 21:36

Cun kawn ah lo mah naw chang akda pi tüi ba gui sei, cun gui cun phi acun bä ah ci ba ci gui.

ROMAN 8:32

Khanpughi naw amät ah Htapa cu kä ng’vang nah ne, chang van ah hmawk ah pe ne, na küikyan gui ci nei. A Htapa hngaw mikmi ah hmawk ah pek ciah Khanpughi naw, a päng avan cu, kä ng’vangca ah kä na pe gui ne kä om khai nei.

LAMKTU 1:8

Cun ung phi na mi khan ah Mumcha Theing a kyum law ah a kyak ung, nang mi cu hlüng tai nak awn nami be khai. Cun kawn ah nang mi cu Jerusalem, Judea, Samaria lah khaw cawi ah khüt neh kei ah mawng pyein ciah saksi ah nami kyak khai” ci neh kyak na gui ci.

LUKA 14:17

Ei awk vai a khin gawk law sei chang tumat cu tüi ne, akhü tu gui ah chang gui ami law ba vai ah khaw ba sak gui ci.

MATTHE 22:8

Cun awn ah ak changshäm gui khü ba gui netah, ‘Hta m’um nak ei awk vai cu küm pyi te ci, cun ung phi khü ah chang gui cu kä khinkha ci gui ah kyak ci.

SOLOMON NG’Ä~ 5:1

Kei cu ka u-yin ung ka lut pyi ci, ka m’lung ung tuihlim ciah ka ng’lami hta. Ka tui ng’ui la ka muran cu ka k’bum pyi ci; Ka khoi tui la ka khoi phyai cu ka ei pyi ci; Ka seisuuk la sapyit tui cu ka awk ci nei.

SAM 86:5

Nang cu na nik ci, na na m’gein sei gui ci, nang ah taigü ci van ah khan ah na m’hni nak akbe om ci.

NEHEMIAH 9:17

Na ng’thu läk vai ah mak ci gui; nang ah bi gui avan m’hnih ci gui; Nang naw na m’dang ah cäi aih vai gui phi m’hnih ci gui. Chang ah ami ng’shei nak awn Egypt khaw ah changshäm ah kyak ba vai ah hteh püi ba gui khai ah ami ng’vai cu ghü ci gui. Cun ung phi nang cu m’geinsei ciah Khanpughi ah na kyak ci; Nang cu na m’gein ci, na m’hni ci, kä na m’lungshe yäi ci. Na chimgein nak cu dämduh ci, nang naw kä na nawng gui ci.

NG'THU K'THUUK~ 15:17

Khawtsheng neta thui-an ei cu, ng’gen tu neta meh nga ei ah ta bä tuba ci.

MATTHE 22:5

Cun ung phi ami khü gui ah chang gui cu, khü lawk ciah chang gui a i ah kä tä ne, tumat cu lo ah hteit ci.