MATTHE 22:39 - Cho Bible Common Language 2016

³⁹ Ak hnih nak ah ak hlüngtai pibäih la ak küikyang pi bäih ah thukhän cu, ‘Nak chang paw cu na mät awn m’täng ne nam hni vai,’ ciah thukhän ah kyak ci.

MATTHE 22:39 Referans Kwoze

MAKUH 12:31

Ak hnih nak ah ak küikyang pibäih ah thukhän cu, na mät ah paw chang cu na mät awn m’täng ne nam hni vai’ ciah kyak ci. Shin ah thukhän goi ah kawn ah a hei thukhän kä om ba ci” cine m’thein gui ci.

TAIGÜTHUM 19:18

A u chang ah khan ah phi phu kä na tuk vai, käcung kä na thüi nak lä vai. Cun ung phi na paw chang cu na mät na m’hni ah mäih ah na m’hni vai. Kei cu Bawipa nei.

KALATIAN 5:14

“Na paw chang cu na mät awn m’täng ne nam hni vai,” ciah thukhän läk ci cu, thukhän avan läk ciah kyak ci.

MATTHE 19:19

Na nupa cu nak chang m’sui vai, nak chang paw cu na mät awn m’täng ne nam hni vai,” cine pyen nak ci.

ROMAN 15:2

Mikmi mi van naw ayum nak kä khäng htek tu phak ciah phäi nau gui, ami yum nak a khän htek law tu vai ah, ngami ah yeikyai nak la ni kyom nak cu mi pyang khai.

JAMES 2:8

Khanpughi ah uknak ah thukhän cu nami läk ciah a kyak ung düng cicu nami bi vai nei: Cun ah thukhän cacim ung om ci cu; “Na chang paw cu na mät awn m’täng ne nam hni vai nei,” ciah kiak ci.

KALATIAN 6:10

Cun ah kyasei mikmi naw akhin mi gah päng ung, chang ah hmawk ah ak ni cu mi bik khai, yum ci gui ah kyong khui ah hmawk ah ak tung pi ah mi bik khai.

MATTHE 22:38

Shin cu ak hlüngtai pibäih la ak küikyang pibäih ah thukhän ah kyak ci.

ROMAN 13:8

Nang mi tumat la tumat nami ng’yumhni tu ah kawn ah a i pupawn phi kä om men sä. A paw chang m’hni ciah chang cu thukhän läk ciah kyak ci.