MATTHE 22:17 - Cho Bible Common Language 2016

¹⁷ Cun ah kyasei nang naw a i ah na ngaih cu nam thein gui ä, ‘Ghangpughang-am a khon look ne peit vai ang, kä peit vai ang?” cine ng’shik ci gui.

MATTHE 22:17 Referans Kwoze

LUKA 2:1

Cun yah ung ghangpughang Aukustus naw Roman khopäng avan ung chang sing avan khei vai ah k’bäi ci.

MATTHE 17:25

Peter naw, “Ä! Pek ci nei,” cine pyein ci. Cun kawn ah Peter cu kyong ah va lut ba khätah Bawipa Jesuh naw, “Simon, nang naw a i ah nei na ngaih, m’dek khan ghangpughang gui naw, ami mät ah kho chang gui-am ang a khawn ami m’cun sak; a kho hei ah kaa om tuk ciah chang gui-am ang a khawn ami m’cun sak?” cine ma ne ng’shik ci.

LAMKTU 28:22

Cun ung phi chang akda naw, a hawi hawi baw, nang ah pati ah mawng cu hnu ng’tuk püi ne ng’thu ci gui nei. Cun ah kya sei nang ah pati ah mawng cu keimi naw phi kami ng’ya tu hlük ci nei” cik ci gui.

LAMKTU 25:8

Paul naw, “Kei naw, Judah chang gui ah thukhän ah khan ah phi bäi, Pum im ah khan ah phi bäi, ghangpughang ah khan ah phi bäi, ka shetkat nak tumat hta phi kä om ci,” cine m’hlan tu ba gui ci.

LAMKTU 17:7

Shin ah chang gui naw Jesuh ming nak ciah Ghangpughang a hei om ci ci u ne, nang ghangpughang ah thukhän cu plawh ci gui nei” cine m’lau ne pyein ci gui.

LAMKTU 5:37

Cun kawn ah ming ami k’tä yah ung Galile chang Judas cu ng’dang law ba ne chang gui ng’ge ne m’htawi gui ci. Cunung phi ani cu ngawn u sei ak chang gui phi püi pawng yawp ci gui.

LUKA 3:1

Ghangpughang Tiberius ah uknak khokum gha-lei-hma alaw sangung Pontius Pilat naw Judea uk ci. Herod naw Kalile uk ci, a nau Philip naw Iturea la Trachonitis uk ci, Lisanias cu Abilene uktu ah kyak ci,

JEREMIAH 42:20

nangmi cu aktung ah nami hma ci, nangmi ah hmawk ah Bawipa mi khanpughi ah tiagü vai ah nami na K’thäh ci, ani naw ang thumkhan phung nami bik kai ah phi shai nami tak ci.

NEHEMIAH 9:37

Keimi ka hmakak ci kyasei, kami khaw ung theihpai ci phung cu, kami khan ung na tha ah ghangpughang gui ah gawk yawp ci nei. Keimi la kami seime ah khan ah ngami naw ami m’hni ah bik ci gui nei, cun ah kyasei keimi kami khüikha aih ci nei!”

NEHEMIAH 5:4

Ahei amshah gui naw, “Keimi naw kami lo la sapyitdum ah phäh ah phlam kami pek vai ah ngui kami puk ci” cik ci gui.

EZRA 7:24

Nangmi naw taigü gui, Levit gui, ng’äi awm ci gui, Taigüim ngäng ci gui biik’bi gui a u phi a shin ah Taigüim ah mawng phung ung a i akhon phi kä nami loh vai.

EZRA 4:13

Bawimang aw, shin ah mang gaw co ba u ne, gawpaang cu ami m’üp ba ah akyak ung chang gui naw khophlam gui cu kä pe ba khai gui nei. Nang bawi ah akhon phi yung kyak khai nei.

MATTHE 22:18

Cun ung phi Bawipa Jesuh naw ngami ah shekat ciah ami ngaihtüh cu hmat netah, “Thuvi chang gui, a i ah kyasei nangmi naw thuvi ne nami nang shi ang?

LUKA 20:22

Cun ah kyasei, akcang cu na m’thein gui ä: Roman ghangpughang am k’phlam kami ap khai ang? kä kami ap khai ang?” ci ne ng’shik ci gui.