MATTHE 22:16 - Cho Bible Common Language 2016

¹⁶ Ngami naw a ming khah püi gui la Herod ah pati chang gui cu, tüi gui u netah, Bawipa, nang naw akcang pyein ne chang ah hmawk ah Khanpughi ah ng’yak hlü cu nam theithang ci, chang gui ah m’lung ngaih cu kä nam tung ci, chang ah hmai phi kä na teng ci.

MATTHE 22:16 Referans Kwoze

MAKUH 3:6

Pharisee gui cu acun vai-am lut law ba u ne, Bawipa Jesuh cu ngawn vai ah k’bäi ci gui.

LUKA 20:21

Ngami naw “Sayapa, na ng’thu la na m’theithang cu hman ciah kami hmat ci. Nang cu chang ah hmai kä teng-en ah Khanpughi ah ng’düng nak ah mawng bäng na pyein ci.

MAKUH 12:14

Cun ah chang gui cu Bawipa Jesuh ah law u netah, “Bawipa, nang naw ng’düng nak awn thu na pyein ci, chang ah ngaih kä nam tung ci, chang ah hmai kä na teng ci, Khanpughi ah ang yak hlü ah ng’düng ciah nam theithang nak cu kami hmat ci nei. Cun ah kyasei Roman ghangpughang-am k’phlam peit vai ang, kä peit vai ang, keimi naw mä kami pek khai ang kä kami pek khai ang? cine phawtcam nak awn ng’shik ci gui.

MAKUH 8:15

Bawipa Jesuh naw, “Nang mi naw Pharisee gui ah k’caw la Herod ah k’caw cu geing nah ne nami hlawi vai nei” cine ang düihpüi gui cu m’cäi gui ci.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

JOHAN 18:37

Pilat naw, “Cun ung nang cu ghangpughang ma?” cine ng’shi ba ci. Bawipa Jesuh naw, “Nang naw kei cu ghangpughang ah na na pyein ci, kei cu düngnak bäng ka pyein khai ah ng’tüi ne m’dek khan ah ka lawk ci. Düngnak awn om ciah chang phung naw kei ah ng’thu cu ngai ci gui” ci nak ci.

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

JOHAN 7:18

Amät ah ng’yak hlü pyeinsak ci cu, amät ah mingthang nak vai ah kyak ci. Cun ung phi tüi lawk ciah mingthang vai ng’ya hlük ci naw, düng nak awn ng’thu pyein ci, ani ung hleeihlak nak kä om ci.

JAMES 3:17

Cun ung phi Khankho ah kaa cüivai nak läi cu ak htük bäi ah theingcim netah dimdeeih nak, ng’awigi nak la khawtsheng nak gui cu dang sak ci. Cun cu chimgein nak awn kümbe ne, nikiom nak cu vuipai sak ci, m’khoi m’hnga nak kä om ci, thuvi nak kä om ci.

1 THESSALONIAN 2:4

Khanpughi naw ang yak hlü ah ana ng’thu sak gui ah mäih ah keimi angtäi sei thu kami pyein ci; a i ah kyasei ci ung ani awn ng’müi ne ng’Thu Ni awn ng’ap vai ah a nam khoi m’cha gui pyi ah hmawk ah kyak ci. Keimi cu chang naw ana yei nak gui vai ah kä kami k’tha nak ci, kami m’lung kyong nam nüm gui ciah Khanpughi naw ana yei nak gui vai ah kami tha nak ci.

KALATIAN 2:6

Ang vai ah ng’shei ci gui, a u naw phi kei-am ak thai kä na m’shüm thein tuk ci gui. Ngami ang vai ah ami kyak la kä ami kyak cu kei ah hmawk ah kä küikyang ci, a i ah kyasei ci ung Khanpughi naw ak pung a teng nak awn a i kä m’khoichak ci.

KALATIAN 1:10

Cun ah ka pyein cu chang naw a na k’bääi vai ah ka pyein ah kya ne ang? Cun ah kä kyak ci, Kei ah ng’yak hlü cu Khanpughi ah nak bääi vai bäng ah kyak ci. Kei cu chang ah na chang m’sui vai ah ka k’tha nak ciah kya ne ang? Cun ah ka k’tha nak ciah a kyak ung kei cu Bawi Khrit ah changshäm ah kä ka kyak khai.

2 KORIN 5:16

Cun ah kyasei keimi naw chang ah m’hnüt nak awn, a u kä kami m’khoi cha ba ci. Yanä keimi naw, Bawi Khrih cu chang ah m’hnüt nak awn kami m’khoichaa man ung phi, tuhbäi cun ah kä kami kya ba ci.

2 KORIN 4:2

Keimi naw m’yih vai la lü ng’aa nak vai cu kami nawng shüt ci; keimi cu kä kami thuvi ci, Khanpughi ah ng’thu phi hleei ne kä kami pyein ci. Keimi cu Khanpughi ah maa ah düng ciah akdei ung ghing u ne, chang gui ah ni kyom nak vai ah k’tha na ne kami bik ci.

2 KORIN 2:17

Keimi naw a hei chang gui ah so ah, Khanpughi ah ng’thu cu, a phu k’yän khawhchaam ah mäih ah kä kami sumlei nak ci: Khanpughi naw ana tüih gui ah kyasei, amaa ah ang thu cu, Bawi Khrih chang shäm ah kya ne ng’düng sei kami pyein ci.

LUKA 7:40

Cun yah ung Bawipa Jesuh naw ani-am, “Simon, ka ning m’thein vai om ci nei” cine pyein ci. Simon naw, “Bawipa nam thein ä” cik ci.

MAKUH 10:17

Bawipa Jesuh cu a hei lam ung hteit khai ah a pawng yah ung chang tumat cu a pei ah law ne, m’khukdong netah, “Nik ciah sayapa, angtäi ghin nak ka gah vai ah a i ang ka bi kaw?” cine ng’shik ci.

MATTHE 26:49

Judas cu Bawipa Jesuh ah yäih ne dawng law netah “Bawipa Zeikiai nak om sä,” cine Bawipa Jesuh cu m’hnam ne ng’ui ci.

MATTHE 26:18

Bawipa Jesuh naw, “Gawnu kyong ah chang vai tumat ah hteit ne nami pyein vai, Bawipa naw ‘Kei ah ka khin cu gawk lawk ciah kya sei, kang düihpüi gui awn a täng ah nang ah im ung passkha pawi kami bi hlük ci’ cine nam cäi gui ci” cine nami pyein vai cik ci.

MATTHE 22:26

Ak pahnih nak anau, ak thum nak anau la anau gui ami van cu, a cun ah hnumi chu na tuba bäng bäng u netah, a u phi kä hta ne si yawp ci gui.

MATTHE 22:24

Ngami naw, “Bawipa, chang tumat cu kä hta pha ne asih ah a kyak ung, ani ah chu hmei cu anau naw khäm tu ba sä, ani hta law ung cun ah ak hmaw naw, a phäi ah kyong khui cu m’htei khai,’ cine Moses naw pyein ci.

MALAKHI 2:9

Nangmi naw ka ng’yak hlü kä nami läk ci, ka chang gui nami m’thei ung phi, chang päng ah ng’yak hlü ah kä nami m’thei ciah kyasei, kei naw, Israel chang gui naw ami ning päipih gui vai ah ka bik khai.

MALAKHI 2:6

Ngami naw hman cicu m’thei ci gui, hma cicu kä m’thei ci gui, Ngami cu kei awn ng’müi khai ah om ci gui. Ami mät ah hmawk bäng ah hman cicu kä bik ci gui, chang akda naw akshe kä ami bi vai ah m’htei tuk ci gui.

NG'THU K'THUUK~ 29:5

Nang naw kä akni ah na teihpüi na m’tamkhah ung namät ah phä h ah cuun na cuun ah kyak ci.

SAM 55:21

Ani ah ang thu cu suuktui ah hnip pi ci, cun ung phi am lung kyong ah thüi nak om ci; Ani ah angthu cu situi mäih ah a dän ung phi, chim ah mäih ah ghat ci.

SAM 12:2

Chang gui cu tumat naw tumat m’hleei sei; Ami thu a hei, ami ngaih a hei ah kyak ci gui nei.

SAM 5:9

Kei ah ka ga gui ah thu ung bekhüt nak kä om phung ci; Ngami naw ah m’di hlü bäng ci gui. Ngami ah ng’thu cu ng’awi gi müi ne, hnip ci, Cun ung phi chang m’di nak ah hleei awn be ci.

1 GHANGPUGHANG GUI 22:14

Cun ung phi Mikaiah naw, “Ghing ciah Bawipa ung kei naw shai ka tak cu, ani naw ana pyen sak cun vah kei naw ka pyen khai nei!” cik ci.

THULÄÄN NAK 33:9

Ngami naw ami pupa, phäi nau, hta nau gui ah ta, dämduh pi ciah bekhüt nak cu nang ung m’dang ci gui. Ngami naw nang thumkhän gui cu läk ci gui. Nang ah thukhän ung bekhüt ci gui.

MAKUH 12:13

Cun kawn ah pharisee amshah gui la Herod ah pati chang amshah gui cu Bawipa Jesuh ah tüi law u ne, phawtcam nak ah ng’shi sak gui ci gui.