MATTHE 22:15 - Cho Bible Common Language 2016

¹⁵ Cun kawn ah pharisee gui cu hteit ba u netah, ani cu a i i ah thuvi ne ng’shi vai ang’ cine ng’gepai ci gui.

MATTHE 22:15 Referans Kwoze

SAM 2:2

Ami ghangpughang gui ng’tuk so u ne, uk ciah chang gui ng’sük u ne, Bawipa hnu ng’tuk püi ci gui, A ghü ah ghangpughang cu hnung’tuk püi ci gui.

SAM 59:3

Teng vä! Ngami naw na ngawn vai ne, na ngäng ci gui nei; chang gat gui cu ng’bum ne na hnu ng’tuk püi ci gui nei. Cun cu kei naw hma katnak ka bi ah hmawk ah kä kyak ci nei,

HEBRU 12:3

Chang shekhaa gui naw a i hlawk ah ami thüigen nak cu ngaih tüh u netah, käng yocho käm lungksi phung ne nami om vai nei.

JEREMIAH 20:10

Chang nü naw na pyen sa u sei ka ng’yak ci nei, “khaw nü ung m’ghämce nak om ci! Cun ah kyasei huham bawi ah mi chak khai nei!” cik ci gui. Ka khawt püi gui pi ah a teihpüi gui naw phi kei ah yung kyak vai cu na ngäng ci gui nei. Ngami naw, “Ani cu mi thei leh nak khai, cun kawn ah ani cu mi phak khai, phu mi tuk nak khai” cik ci gui.

JEREMIAH 18:18

Cun kawn ah chang gui naw pyen ci gui, “Jeremiah ah mawng tumat mat ah mi bik khai nei! Na m’cumcäi gui ciah taigü gui, napüi gui ciah cüivai chang gui, Khanpughi ah ng’thu ng’shäu ciah prophet gui cu akphlüt ah om man ci nei. Ani ah khan ah k’bün nak law püi ne mi hnungtuk püi khai nei, ani ah pyen cu kä mi ngai ba khai nei.”

ISAIAH 29:21

M’thüi ciah chang, ngawnphak ci m’kyuk nak vai shungvong ciah cang, düng ciah chang naw taga nak kä gah khai ah hleei hlak ne pyen ciah chang gui cu khanpughi naw m’di gui khai.

SAM 57:6

Ka gaa gui naw ami na pha nak vai ng’vai cung ci gui; kei naw thüi lü nak awn ka phlän ci. Ngami naw ka lam ung m’vam co ci gui, cun ung phi ami mät kya ba ci gui.

SAM 41:6

Kei na teng lawk ci gui cu kä ng’awi gi ci gui; Ngami cu ng’bum u ne, kei ah mawng akshe ah pyen ci gui, ami hteh nak päng ah ngak ci gui.

MATTHE 12:14

Pharisee gui cu pum im ungka hteit ba u netah Bawipa Jesuh cu ngawn vai ah ng’ge ci gui.

1 KORIN 7:35

Kei naw shin ah ka pyein cu nangmi ka ning khüivawng nak gui hlü ah kyak ci. Nangmi ka ning shum gui khai ah ka k’tha nak ah kä kyak ci. Nangmi ng’düng ne nami bä vai la Bawipa ah khuut cu kä ng’yu ng’yawn ne ng’ap ne nami bi vai ah ka ng’yak hlü ah hmawk ah kyak ci.