MATTHE 21:5 - Cho Bible Common Language 2016

⁵ “Zion mang gaw-am thu nami m’thein vai cu, ‘Teng tu vä, nami ghangpughang cu nami om nak ah gawk law ci nei! Ani cu hniphnoi ng’awi gi ne, Phuih näng ciah a hta ng’sehta ung cun ci nei,” ciah kya ci.

MATTHE 21:5 Referans Kwoze

ISAIAH 62:11

Bawipa naw khomdek khan avan ung ng’thu ng’shäu ci nei: “Bawipa naw ning hun gui khai ah lawk ci nei, cine Jerusalem chang gui am m’thein gui vä. Ani naw a gun ah chang gui cu, amät awn atäng ah law püi gui vä.”

ISAIAH 12:6

Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

HOSEA 1:7

Cun ung phi Judah chang gui ah khan ah kei naw ka m’hni nak ka m’dang khai. Kei, Bawipa ami na Khanpughi naw, ka hun gui khai, cun ung phi ng’tuk nak — Khim, li, m’la la ng’se ng’cum ciah chang gui awn kä ka bik khai.”

ISAIAH 40:9

Jerusalem, m’htung hlüng ah hang kai ne, thuni cu ng’shäu ä! Zion, ak’aw ng’shan awn ng’khü ä; thuni cu ng’shäu ä! Ng’thu ä, kä kyi en ä. Judah khaw ung ami gawnu gui m’thein gui vä, ami khanpughi law sang ci nei!

EZEKIEL 37:24

Ka changshäm David ghangpughang ah mäih cu ghangpughang nak khai gui. Ngami cu uktu tumat ah ka ah om u ne, kei ah thukhän gui cu bekhüt ne läk khai gui.

EZEKIEL 34:24

Kei, Bawipa cu ami na Khanpughi ah ka kyak khai, ka changshäm David ah mäih ah kyak ciah ghangpughang cu ngami ah uktu ah kyak khai kei naw ka pyen nei.

MATTHE 11:29

Kei ah ka kawh cu kawt ne, kei ah ng’thei law vä, Nangmi cu hüiyang nak nami hmuk khai.

MATTHE 2:6

‘Judea kho ung om ciah Bethlehem gawnu, Nang cu Judea kho gawnu gui ung, Ak yaw pibäih ah kä na kyak ci nei, Ka chang Israel gui, lam shüm gui khai cu, Nang ungka dang lawk khai nei’ ciah om ci,” ci ne m’thein ba gui ci.

MATTHE 2:2

“Tuhbäi ng’tüi lawk ciah Jew chang gui ah ghangpughang cu a hawi ang? Hnilaw lam ah ani ah aisi dang sei hmu u ne, ani cu khawihnah vai ah kami lawk ci nei,” cine ng’shi gui ci gui.

MIKHAH 5:2

Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.

2 KORIN 10:1

Kei Paul Naw Ka ning m’cäi gui hlü cu, — Kei cu nangmi ah ma ah hnawhdeh ne, kä nami hmuh nak ung ka lingtha ciah nami ngai khai. Bawi Khrih ah m’Lung neim nak la ng’awi ng’gi nak awn ka ning hui na gui ci nei,

SAM 9:14

Cun ung kei cu Jerusalem chang gui ah ma ah ng’düi ne, Nang ka ning zeinak ah mawng avan cu ngami am ka m’thein gui khai nei. Nang naw na na hun ah hmawk ah ka yei kyai khai nei.

1 GHANGPUGHANG GUI 10:26

Solomon naw ng’tuk nak yatha phia gha lei phli la ng’tuk nak se phia phia lei goi m’düih ci. Amshah cu Jerusalem ah tha ne, amshah cu mang gaw gui ung tha ci.

1 GHANGPUGHANG GUI 1:33

a pyen nak gui cu, “Ka yungbawi gui la gui ne, ka hta Solomon am ka ng’sela ng’cum sak ne, Kihon tuihta pei ah hteh püi vä,

2 SAMUEL 16:2

Ghangpughang David naw, “Shin gui awn a i na cik khai ang?” cine ng’shik ci. Ziba naw, “La goi cu nang bawi mang la na kyongchang naw nami kium nak vai, m’htut la ak theih gui cu chang gui naw ami ei vai, sapyit tui cu ngami bungpuk ah ami bawngbai ung ami awk vai” cik ci.

SUKI GUI 12:14

Ani ung a htapa phli kip la a hta ah hta thum kip om ci, ngami cu ng’sela chih kiip ung ng’cum ci gui. Abdon naw Israel gui cu kum cheit ung matawn gui ci,

SUKI GUI 5:10

la bawk ung ng’cum ne, yih phah ung ngoh ciah chang gui, khaw awn hteit ciah chang gui, nami hteh nak päng ah nami ngaih-tüh vai nei.

THULÄÄN NAK 17:16

Ghangpughang naw amät ah gakap ah phäh ah ng’sela akda kä a tha vai. Ani naw Egypt khaw ah chang tüi ne sela kä ak hleih sak vai. A i ah kyasei ci ung Bawipa naw a chang gui cu acun ah khaw ah kä ami ng’hlah ba vai ah pyen ci.

KHEI NAK 24:19

Israel pakhui naw ngami cu ng’thüng sak gui khai nei. Ak hnu ah pawih ba ci gui cu tuthat gui khai gui nei.”

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

MATTHE 21:6

Ang düihpüi goi cu ana ma ni ne Bawipa Jesuh ah am cäi goi ah mäih ah bik ci goi.

LUKA 24:27

Cun kawn ah Bawipa Jesuh naw, Messiah ung tün ne profet gui naw, ngami ah mawng ami guk ah cacim gui cu tän ne pyein ne m’thein goi ci.