MATTHE 21:45 - Cho Bible Common Language 2016

⁴⁵ Bawipa Jesuh naw, cun na m’tumtäng nak am thein gui cu taigüpa gui la pharisee gui naw, ng’ya u netah, ngami k’ü nak gui ah a pyein ah hmat ci gui.

MATTHE 21:45 Referans Kwoze

LUKA 20:19

Thukhän saya gui la taigü ng’vai gui cu, Bawipa Jesuh naw ngami-am ci gui ah amtumtäng cu hmat u netah, Bawipa Jesuh cu pha hlük ci gui. Cun ung phi chang gui cu kyih gui ci gui.

LUKA 11:45

Thukhän saya tumat naw, Sayapa, nang naw cun ah na pyein cu, keimi na na k’shedam nak gui ah kyak ci” cine pyein ci.

MATTHE 12:12

Chang cu htome ah mä hlüngtai pi ci. Cun ah kyasei m’htei phyak ci m’htei tu vai cu, thukhän naw phi khüng ci,” cine kyak na gui ci.

MATTHE 13:3

Bawipa Jesuh naw cun ah chang gui-am, m’tumtäng bäng bäng ne a mawng akda m’thein gui ci. Bawipa Jesuh naw, “Hnüüp ät ung chang tumat cu m’shi phu khai ah hteit ci.

MATTHE 21:44

(Cun ah lung ah khan ah kya lawk ciah chang cu hngetbät khai, ak khan ah cun ah lung naw a kyak ah chang cun phi deng ne khui khai)” cine kyak na gui ci.

MATTHE 21:46

Cun ah kyasei ngami naw Bawipa Jesuh cu phaa vai ah k’tha nak ci gui. Cun ung phi ngami naw, “Bawipa Jesuh cu profet nei,’ cine yum ciah chang gui cu kyih gui ci gui.