MATTHE 21:44 - Cho Bible Common Language 2016

⁴⁴ (Cun ah lung ah khan ah kya lawk ciah chang cu hngetbät khai, ak khan ah cun ah lung naw a kyak ah chang cun phi deng ne khui khai)” cine kyak na gui ci.

MATTHE 21:44 Referans Kwoze

1 PETER 2:8

A hei cacim ung, “Cun ah lung cu chang gui ah m’thuihshawng nak vai la, Chang gui ah ng’vawn ng’täät nak vai ah kyak ci”, ciah om ci. Ngami cu thucim kä yum ci gui ah kya ne, ‘Thuihshawng ci gui, cun cu ngami ah hmawk ah Khanpughi naw am’hnüt ah kyak ci.

ROMAN 9:33

Cacim Theing ung; “Teng vä, chang gui naw ami ng’vawn nak vai ah, lung tumat cu Zion m’htung khan ah ka m’shän khai nei, Chang gui cu cun ah lung ung ng’vawn ne ng’täng khai gui nei. Cun ung phi Lung ah kyak ciah Bawi Khrit yum ciah chang gui cu, a i yah ung phi ami thüisei nak kä om khai nei,” ciah om ci.

LUKA 20:18

A cun ah lung ah khan ah yu kyak ciah chang cu hnget ne ng’bät khai, acun ah lung naw a kyak shi ah chang cu khui ne ng’piäüh khai” cine m’thein gui ci.

MATTHE 27:25

Chang gui naw, “Shin ah chang asih nak cu, keimi la keimi ah hta nau gui naw kamik chaw nak khai nei,” cik ci gui.

1 THESSALONIAN 2:16

Keimi naw hun nak ah mawng changpakhui hei gui-am ng’thu kami m’thein phi tha na ne na ma na gui ci gui. Cun ah ami kyak cu ang täi sei ami cheishoh nak ami kümbe sak nak ah kyak ci. Cun ah kiasei tuhbäi ak hnu ah Khanpughi ah m’lungshe nak cu ngami ah khan ah gawk pyi ci nei.

MATTHE 26:24

Cacim ung om ciah mäih ah chang ah Htapa cu sik khai nei, cun ung phi chang ah Htapa ga ah kut ung ap ci cu, thüisei nak om ci nei. Kä ang tüi tu ge vai sü ung ani ah hmawk ah ni pi khai süte,” cine pyein ci.

ZEKHARIAH 12:3

Cun ah khin a gawk law ung Jerusalem cu, lung k’song ah ka pyang khai — acun ah lung sawchang ciah chang phung cu geih geep khai. Khomdek khan ung pakhui avan cu ani tuk vai ah ng’chum lawk khai gui.

JOHAN 19:11

Bawipa Jesuh naw, “Kei ah khan ah cun ah na bi nak hning vai cu, Khanpughi ah ning peit ah kyak ci. Nang ah kut ung kei na ap lawk ciah chang cu a katnak däm pi ci” cine pyen nak ci.

ISAIAH 60:12

Cun ung phi, nangmi ah bi kä bik ciah chang pakhui gui cu, ng’pyi khai gui ah m’di gui khai nei.

SAM 2:12

Kä cun ung ani ak yaang ah m’lung she law sei, Nangmi ang ghit ah nami si lawk khai. Am lungshe nak awn ang ghit ah nami maih khai, Ani ung yii ciah chang phung cu yeikyai nak om ci nei.

SAM 2:9

Nang naw ngami cu, m’si hteipawng awn uk gui ne; M’dek am gep ciah mäih ah na m’shet gui khai.”

ISAIAH 28:13

Cun ah kyasei Bawipa naw ca ng’lung päng, ca kiawngpäng, amawng päng a ning m’thei thang gui ah kyak ci nei. Cun ah kyasei nangmi cu nami m’khan päng ung nami ng’täng khai nei. Nangmi cu nami leim khai, cun ung nami awk khai, thawng ung nami kium khai nei.

MATTHE 21:43

“Cun ah kyasei kei naw akcang ka pyein cu, Khanpughi ah uknak kho cu nangmi ungka la ba ne, düng nak awn vuipai khai ah chang gui-am pe gui khai.

MATTHE 21:45

Bawipa Jesuh naw, cun na m’tumtäng nak am thein gui cu taigüpa gui la pharisee gui naw, ng’ya u netah, ngami k’ü nak gui ah a pyein ah hmat ci gui.

LUKA 2:34

Simeon naw hrilham pe gui netah, Nu Mari-am a pyein nak cu; Israel chang da gui ami didap vai la hun nak ami gah vai ah hmawk ah shin ah ak hmawhta cu Khanpughi naw a ghü pyi nei. Ani cu Khanpughi m’hnüt nak ah kya ne, chang gui naw hnu ng’tuk püi ne ami ng’thu nak awn, ami mät ah m’lung kyong cu dang sak khai gui nei.