MATTHE 21:41 - Cho Bible Common Language 2016

⁴¹ Ngami naw, “Lo mah naw cun ah changshe gui cu ngawn ne ghawt gui khai nei. Lo cun phi sapyit khäm khin ung akcang ah phlam sook khai ah a hei gui-am bi sak gui khai nei,” cine pyein ci gui.

MATTHE 21:41 Referans Kwoze

LAMKTU 18:6

Ani cu Judah chang gui naw hnu ng’tuk püi ne k’shedam nah u khätah, Paul naw ami ma ah a sui k’khawng ne, “Nangmi nami dimaih ung phi nami mät ah chaw ah kyak khai nei, kei naw kä ka pyein tu ba khai, tuk bäi ung tün ne changpakhui hei gui ah hteit ne ka pyein khai nei” cine pyen na gui ci.

MATTHE 21:43

“Cun ah kyasei kei naw akcang ka pyein cu, Khanpughi ah uknak kho cu nangmi ungka la ba ne, düng nak awn vuipai khai ah chang gui-am pe gui khai.

LAMKTU 28:28

Paul naw a khüüp nak ah, “Cun ah kyasei hun phiawn nak ah mawng Khanpughi ah Thu Ni, changpakhui hei gui ah ma ah pyein khai ah chang cu tüih pyi ah kyasei, ngami naw ngai yak khai gui’ cicu nami hmat vai nei” cine m’thein gui ci.

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

1 THESSALONIAN 2:16

Keimi naw hun nak ah mawng changpakhui hei gui-am ng’thu kami m’thein phi tha na ne na ma na gui ci gui. Cun ah ami kyak cu ang täi sei ami cheishoh nak ami kümbe sak nak ah kyak ci. Cun ah kiasei tuhbäi ak hnu ah Khanpughi ah m’lungshe nak cu ngami ah khan ah gawk pyi ci nei.

LAMKTU 28:8

Publius ah a pa cu a pawi na sei gaw ne ng’yän ci. Paul cu ani ah im kyong ah lut ne taigü ci. Cun kawn ah ani ah khan ah a kut taih ne gai ba sak ci.

LAMKTU 15:7

Ak shou ami pyein kawn ah Peter naw ng’düi law netah, “Phäi nau gui aw, Khanpughi naw kei cu changpakhui hei gui naw ami yum tu vai ah Thu Ni ka pyein khai ah, ayan pui nangmi ungka kei a na ghü cu nami hmat pyi ci,

MATTHE 3:12

Akut ung htang akchü nak vai ah chüdawn kawt ci. Amät ah geitkaw gui cu khäm yawp netah htang ang tak gui cu khei ung thun yawp khai. Ang shi gui läi cu m’sih ne käm khüt vai ah mei awn m’khih yawp khai,” cine m’thein gui ci.

ZEKHARIAH 13:8

Khaw avan ung chang gui bum thum ungka bum goi cu si yawp khai gui.

ZEKHARIAH 12:12

Cun ah khaw ung kyong khui päng cu ami mät kyap khai gui. David ah ng’shon kyong khui, Nathan ah ng’shon kyong khui, Levi ah ng’shon kyong khui, Shimei ah ng’shon kyong khui la ahei kyong khui ami van cu thüi kyap khai gui. Ami kyong khui phäh phäh cu kyap khai gui. Kyong khui ung pami gui la hnumi gui cu a phäh phäh ah kyap khai gui.

DANIEL 9:26

Cun ah khin ang pyi law hlü ung, Khanpughi naw a ghü ah ang vaihta cu kä taga ciah ngawn khai gui. Mang gaw la Taigüim cu huham mah ciah uktu ah m’gäi ciah gakap naw m’di khai. Ang pyi nak vai cu tuii hlaw ah mäih ah lawk khai. Khanpughi naw a pawng püi ah ng’tuk nak la dishum nak cu law püi khai.

SAM 2:9

Nang naw ngami cu, m’si hteipawng awn uk gui ne; M’dek am gep ciah mäih ah na m’shet gui khai.”

ISAIAH 65:15

Kei naw ka ghü ah chang gui naw nang ah ming cu plah taam nak ah mang khai. Kei, Uktu Bawipa naw sih nak ka ning pe gui khai. Cun ung phi kei na ngai ciah chang am ming ak thai ka pek khai.

MATTHE 21:34

Sapyit khäm vai akhin gawk law sei, ak changshäm gui cu lo ng’vat ci gui ah tüi gui ne, a gah vai ah ak phlam cu lak sak gui ci.

MATTHE 21:40

Cun ah a kyak ung lo mah a law ung lo ng’vat ne bik ci gui cu, a i ah ci gui khai ang,” cine ng’shi gui ci.

LUKA 20:16

Ani naw law ne ng’hlawh ci gui avan gawt gui netah, a sapyit lo cu a hei ghüh ba ne bi sak khai nei” cik ci. Chang gui naw cun cu ng’ya u netah, “Cun ah kä kia-en sä” ci ne kyak ci gui.