MATTHE 21:39 - Cho Bible Common Language 2016

³⁹ A hta cu pha u netah lo ng’naw ah hteh püi ne ngawn ci gui.

MATTHE 21:39 Referans Kwoze

LAMKTU 2:23

Khanpughi naw pyein neh ak bäi pyi ah mäih ah Bawipa Jesuh cu, nami kut ung ning ap gui pyi ci; nang mi naw ani cu chang k’she gui am kutlam’tung ung na mi ngawn sak gui pyi ci.

JAMES 5:6

Nangmi naw shetkat nak kä om ciah chang gui ng’thumcha ne nami ngawn ci, cun ung phi ngami naw kä ning ci tuba gui ci gui.

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

JOHAN 18:12

Gabawi ah khawng Roman gakap gui la, im ngäng ciah Jew chang gui naw, Bawipa Jesuh cu pha ne khit u netah, Annas ah hteh püi ci gui.

MATTHE 26:57

Pha lawk ci gui ah chang gui naw Bawipa Jesuh cu taigütung Kaiaphas ah im ah hteh püi ci gui. Acun ah thukhän saya gui la ami ng’vai gui cu ng’cut ne om ci gui.

LAMKTU 5:30

Kami pughi guiah Khanpughi naw kutlamtung ung tai ne nami ngawn ah Bawipa Jesuh cu, thawh ba sak pyi ci.

LAMKTU 4:10

nang mi naw kut lam tung ung tai ne ngawn uk ci seih Khanpughi naw a thawh ba sak ah Nazaret Bawipa Jesuh Khrit ah hlüng tai ciah ang ming awn theek ne gai ne, nami ma ah ang düih cu, nang mi lah Israel chang van naw nami hmat khai nei.

JOHAN 18:24

Cun kawn ah Annas naw khit gäk gäk ne, Taigü Tung Kaiaphas ah hteh püi sak gui ci.

MATTHE 26:50

Bawipa Jesuh naw, “Teihpüi aw, nabi vai cu ang ghit ah nabi vai nei,” cine pyen nak ci. Chang gui naw law u ne, Bawipa Jesuh cu pha ne k’pang ci gui.

MATTHE 21:38

Cun ung phi ngami naw lo mah ah hta cu hmu law u netah, ‘Shin ah chang cu lo mah ah pakhui m’düng khai ah chang ah kyak ci, lawvä, ani cu mi ngawn u ne, ak chaw vai a khawh cham avan mi lak khai nei,’ cine ng’ge u netah,

MATTHE 21:40

Cun ah a kyak ung lo mah a law ung lo ng’vat ne bik ci gui cu, a i ah ci gui khai ang,” cine ng’shi gui ci.