MATTHE 21:37 - Cho Bible Common Language 2016

³⁷ Cun kawn ah ani naw, ‘Ka mät ah hta läi cu kyih aa khai gui,’ cine ngai netah a mät ah hta cu tüi ne k’phlam cu soh sak gui ci.

MATTHE 21:37 Referans Kwoze

ZEPHANIAH 3:7

Kei ah ka ngaih u ka chang gui naw na kyih aa u ne, ka m’cäi dou u ne, ka m’theithang gui kä m’hnih phung khai gui. Cun ung phi tuhbäi ngami cu ami shet man ah she lä ci gui nei.

JOHAN 3:16

Khanpughi naw khomdek chang gui m’hni aih netah tumat bäng ah A htapa cu yuk m’kyum lawk ci, Ani yum ciah chang phung cu sihnak ung kä gawk ne angtäi ghin nak gah ci.

JOHAN 1:34

Cun ah chang cu kei naw ka hmu pyi ci kyasei, “Ani cu Khanpughi ah Htapa ah kyak ci nei, cine ka ning m’thein gui nei” cik ci.

LUKA 20:13

Cun kawn ah lo mah naw, “Ka hta tumat om ci, acun baw ka tüi khai, ani a hteh läi ung kyih aa khai gui” ci netah, a hta cu tüi ci.

MAKUH 12:6

Kho mah ung a hta pami tumat om ci. Cun ah kya sei, ‘Ka hta läi cu kyih aa khai gui’ cine ak hnu ah a hta pami cu tüi ci.

MATTHE 3:17

Cun kawn ah, “Shin cu kei ah ka m’hni ah Ka Htapa nei, ani cu ang htei ah ka yei nak ci nei,” ciah khankho ah k’aw ng’shan lawk ci.

ISAIAH 5:4

Ani ah hmawk ah kei naw ka bi vai häi ci a i om ne ang? A i ah kya gei kei naw ka ngaih u ah mäih ah sapyit akni ah kä m’theih ne, ak thui ah an theih ang?”

JOHAN 1:18

Khanpughi cu a u naw kä hmu man ci, cun ung phi Khanpughi awn täng ne ani ah coi ung om ciah A Htapa naw Khanpughi cu m’dang pyi ci.

JEREMIAH 36:3

Ngami ah khan ah kei naw ka law püi vai ah ka pawng püi ah m’dishum nak gui avan cu Judah chang gui naw ami ng’yak ung, ami shetkat nak ungka ng’hlat tei law ba hman khai gui aw. Cun ung ami cheishoh nak la ami katnak gui cu kei naw ka m’geinsei gui khai.”

MATTHE 21:36

Cun kawn ah lo mah naw chang akda pi tüi ba gui sei, cun gui cun phi acun bä ah ci ba ci gui.

MATTHE 21:38

Cun ung phi ngami naw lo mah ah hta cu hmu law u netah, ‘Shin ah chang cu lo mah ah pakhui m’düng khai ah chang ah kyak ci, lawvä, ani cu mi ngawn u ne, ak chaw vai a khawh cham avan mi lak khai nei,’ cine ng’ge u netah,