MATTHE 21:31 - Cho Bible Common Language 2016

³¹ Cun ung phi kä hteh ah om ci. Cun ah chang goi ungka a u naw ang apa ah beit ng’yak ciah a kyak kaw!” cine ng’shi gui ci. Ngami naw, “Hta vaipi naw beit yak ci nei,” cik ci gui. Bawipa Jesuh naw, “Kei naw akcang ka pyein cu, khawn look ci gui la chang hlawhlang gui cu, nangmi ah mä ma pi ne, Khanpughi ah uknak kho ah gawk khai gui nei.

MATTHE 21:31 Referans Kwoze

LUKA 7:29

Khanpughi ah ng’thu ngai ne Johan ah tuihnim nak gah ci gui ah akhawn look ci gui la chang akda cu, acun ah ng’thu ng’ya u netah yeikyai ci gui nei.

MATTHE 7:21

‘Bawipa, Bawipa,’ cine na khü ciah chang van düt, khankho ah kä lut hlawt khai, khankho ah om ciah ka Pa ah ang yak hlü ah om ciah chang bäng vah gawk hlawt khai.

2 PETER 3:9

Chang amshah ah ngaih ah mäih ah, Bawipa cu a shaitaak ah mäih ah bi abi vai ah kä shokshü ci, chang tumat hta phi kä dimaih ne, chang avan cu cheishoh nak ungka ami ng’hlah law ba vai ah ng’ya hlü ne, hnimgei ne om ci.

ROMAN 5:20

Cheishoh nak ada law pi vai ah Khanpughi naw thukhän cu am hnüt ah kyak ci. Cun ung phi katnak ada law pi ung Khanpughi ah m’gein nak cun phi däm law pi ci.

ROMAN 3:19

Thukhän ung om ciah thu gui phung cu, thukhän ah kaa ah om ci gui ah hmawk ah kyak ci, cicu mi hmat ci. Cun cu hnicim chang gui naw thu m’kha ät phi kä pyein u sei, khomdek khan avan cu Khanpughi ah m’khoichaa nak ung a gawk vai ah kyak ci.

MATTHE 20:16

Cun kawn ah Bawipa Jesuh naw, “Cun ah kyasei hnu lawk ciah chang gui cu ma u ne, ma ciah chang gui cu hnu khai gui nei,” cine kyak na gui ci.

LAMKTU 17:30

Khanpughi naw i kä ami hmuhhmat yah ung chang gui cu kä a teng kheng gui ung phi, tuk bäi ung kho ng’nü ah om ciah chang gui am, “Na mi katnak cu ng’yu ba yawp vä” cine ng’thu khän gui ci.

LUKA 19:22

Ghangpughang naw, “Nang changshe, namät ah ng’thu awn ka ning m’khoi m’chak khai. Kei cu nget ne kä ka kaa phi ka lak ah mawng, kä ka geit phi ka khäm ah mawng, cu hmat lang ne,

LUKA 15:10

A cun ah mäih ah Khanpughi ah khankho chang gui cu, changshe tumat ang yu ba ah hmawk ah yeikyai ci gui nei” cik ci.

MATTHE 18:3

“Kei naw akcang ka pyein cu, nangmi cu ak hmawhta ah mäih ah nami m’lung kä nami m’thawng ung, khankho uknak ung kä nami gawk khai.

MATTHE 12:50

Khankho ah om ciah Kapa Khanpughi ah ang yak hlü ah bik ciah chang phung cu, kei ah phäi, kei ah nau, kei ah be, kei ah nu ah kyak ci nei,” cine m’thein gui ci.

MATTHE 9:9

Bawipa Jesuh naw cun ungka a hteh nak ba lam ah, ayung kyong ah ngok ciah, akhawn look ciah Matthe cu hmu netah, “Ka hnu ah na läk ä,” cine kyak na sei, Matthe cu tho law ne a hnu ah läk tuk ci.

JOB 15:6

Nang cu kei naw ka ning m’kyuk vai kä hlü ci nei, na mät ah na ng’thu päng naw na mät cu ning m’kyuk ci nei.

MATTHE 6:5

‘Nangmi cu nami taigü ung mingthang hlük ciah chang gui ah mäih ah kä nami taigü vai. Ngami cu chang ah hmuh gui vai ah, pum im kyong ung la lam kyum gui ung ng’düi ne taigü ci gui. Kei naw akcang ka pyein cu, ngami cu ami mät ah ng’yak hlü gah pyii ci gui nei.

MATTHE 5:18

Kei naw akcang ka pyein cu, khomdek la khankho a om yah ah chuih cacim ung kaa, ca ng’lung ät, ca ng’ma ät phi kä dimaih düt khai. Cacim ung om ci phung avan küm yawp khai nei.

EZEKIEL 33:11

M’thein gui vä, akcang ah kei, uktu Bawipa, Ghing ciah Khanpughi cu, katnak bik ciah chang a sih ka hmuh ung kä ka yei ci nei. Katnak nawng ne ghing ci va kei naw ka hmu hlük ci nei. Israel gui, akshe gui nami bi cu m’düm vä. A i ah kyasei nami sih hlü ang?

MATTHE 5:46

Ning m’hni gui ci bäng nami m’hni tu ba ung, a i chaa ah Khanpughi naw m’cümhnah nak ning pe gui khai ang? Akhawn look ciah chang gui naw phi acun ah mäih ah bik ci gui nei.

MATTHE 21:30

Ani pa cu a hta hmawpi ah mä hteit ne acun ah mäih ah pyein ci. A hta hmawpi naw, ‘Ka hteit khai nei, pa oi,’ cik ci.

JOHAN 3:3

Bawipa Jesuh naw, “Kei naw akcang ka pyein cu, hnih vei ng’tüi nak kä gah ci naw Khanpughi ah uknak kho kä hmuk khai” ci ne kiak nak ci.

JOHAN 3:5

Bawipa Jesuh naw, “Kei naw akcang ka pyein cu, tui la Mumcha Theing awn kä ng’tüi cicu Khanpughi ah uknak kho ah kä lut hlawt khai.