MATTHE 21:3 - Cho Bible Common Language 2016

³ Chang tumat mat naw, ‘A i vai na ni k’phian ang? A ci ung, ‘Bawipa naw ng’ya hlük ci nei,’ cine na ni pyein vai, cun ung ani naw ng’se cu nani law püi vai ah pyein khai nei,” cine m’cäi ne tüi goi ci.

MATTHE 21:3 Referans Kwoze

LAMKTU 17:25

Khanpughi cu chang avan am hnun gui ghing nak la a päng avan yuk pek ciah kya ne, ang yaak hlü tumatmat om ciah mäih ah chang naw kut awn bi vai kä ng’ya hlük ci.

2 KORIN 8:9

Nangmi naw mi Bawipa Jesuh Khrih ah m’gein nak cu nami hmat ci; Ani cu bühmang ciah Bawipa ah a kyak ung phi, nangmi ah hmawk ah pyam ci. A pyaamthaam nak awn ning bühmang sak gui ci.

JOHAN 3:35

Apa Khanpughi naw A Htapa cu m’hni aih netah, bämang nak avan cu akut ung ap ci.

JOHAN 17:2

Na Htapa ah kut ung na ap ah chang gui-am angtäi ghin nak a peit gui hning vai ah, nang naw Na Htapa-am chang nüng m’khüt nak ah hlüngtai nak cu na pe pyi ci nei.

SAM 24:1

Khomdek khan la a cun ung om ci phung cu Bawipa ah kaa ah kyak ci; Khomdek la akhan ah om ci pung cu ani ah kaa ah kyak ci.

EZRA 7:27

Ezra naw, “Mi pupa gui ah Khanpughi Bawipa cu m’hlüngtai nei. Jerusalem ah Bawipa ah a Taigüim shicha ah ghangpughang naw am tamkhah hlü vai ah ani naw bik ci nei.

EZRA 1:5

Cun kawn ah Judah la Benjamin pakhui ung ami pahta ng’vai gui, Taigü gui, Levit gui la Khanpughi naw ami m’lungkyong ung ang dang na gui cu hteit ge u ne, Bawipa ah Taigüim cu Jerusalem ung co khai gui.

2 KORIN 8:16

Keimi naw kami ning m’hteihtang gui hlü ah mäih ah Titus cu kyak sak ciah Khanpughi cu m’hlünttai nei.

EZRA 1:1

Sairus cu Persia Uktubawi ah a kyak nak akum htük nak ung prophet Jeremiah ung Bawipa naw a pyen ah ng’thu cu bäi lawk ci. Ani naw Sairus cu a shin ah thumkhän ang ng’shäu vai ah thawh let sak ci. Ca awn gu neta ani ah uknak khaw nü ung m’lau ne phat vai ah tüi gui ci.

1 GHANGPUGHANG GUI 17:9

“Tuhbäi Sidon ah pei, Zarephath gawnu ah hteit ne om ä. A cu ah kaa hmeinu naw nang a ning m’bei vai ah kei naw ka thumkhän ci nei.”

1 SAMUEL 10:26

Saul cun phih Gibeah a im ah hteit ba ci. Huham ah ciah chang amshah gui cu Khanpughi naw ami m’lung tawn pe gui sei, ani awn atänga hteit tuk ci gui.

JAMES 1:17

Nikiom ciah m’shumphyuk nak la kümbe ciah m’cümhnah nak cu, khankho ah kaa lawk ci; Cun cu käng khukhlat ci, hmüp nak kä law püi ci, khankho dei tüisho ciah Khanpughi ungka lawk cia kyak ci.

MATTHE 21:2

“mi hei ma ah om ciah pigaw ah ma ne na ni na hteh vai, a cu ah ng’se hta awn a täng ah ami pawn ah ng’senu cu na ni hmuk khai. Gui k’phian ne cun ah ng’se goi cu na ni law püi vai.

MATTHE 21:4

Shin ah a mawng gui cu profet ah thu pyein abä nak ah kya ci. Cun ah thu cu;