MATTHE 21:23 - Cho Bible Common Language 2016

²³ Bawipa Jesuh naw pum im ah law ba ne am theithang gui yah ung taigüpa gui la ang vai gui cu Bawipa Jesuh ah pei ah law u netah, “Nang naw shin gui cu a i m’khüt näng nak awn na bi ang? Cun ah m’khüt näng nak cu a u naw a ning peit ang?” cine ng’shik ci gui.

MATTHE 21:23 Referans Kwoze

LAMKTU 4:7

Ngah mi naw ang düihpüi hnih cu ami ma ah m’düih u ne tah, “Nang ni naw a i cha shin na ni bi ang? a i hlüng tai nak, a u ah ng’ming awn na ni bi ang?” cine ng’ng’shi gawi ci gui.

LUKA 19:47

Bawipa Jesuh naw ak hnüüp tä Taigüim ah m’theithang gui ci. Cun ung phi taigü ng’vai gui, Thukhän saya gui la, Jew chang ng’vai gui naw Bawipa Jesuh cu, ami ngawn vai ah k’tha nak ci gui.

MATTHE 26:55

Cun kawn ah Bawipa Jesuh naw, chang gui-am, “Nangmi cu m’gut ei pha ah mäih ah kei nami na phak khai ah, htung tawn ni khim ni kawt ne nami lawk ci ma? Kei naw ak hnüüp tä pum im ung ngo ne kam theithang yah ung nangmi naw kei kä nami na phak ci maw?

PHYAWN NAK 2:14

Cun ah chang naw, “A u naw ang nang cu uktu la suki ah a ning hmoh? Egypt chang na ngawn ah mäih ah kei na na ngawn hlük ci ma?” cik ci. Moses cu kyi neta amät ng’htau ne, “Kei ah ka bi cu chang gui naw hmat ci gui kyak ci nei” cik ci.

LAMKTU 7:27

Cun ung phi ak she ah bik ciah chang naw Moses cu buh neh kit netah “Keimi na uk gui neh na na m’khoichaa gui khai ah, a u naw a ning m’düih ang?

MATTHE 21:24

Bawipa Jesuh naw, “Kei naw tumat ka ning shi gui khai, Cun cu nami m’hlan ba hning ah a kyak ung shin ah a mawng gui cu, a i m’khüt näng nak awn ka bi ah ka ning m’thein gui khai.

MATTHE 24:1

Bawipa Jesuh cu pum im ungka a luh law ba yah ung ang düihpüi gui naw a pei ah law u netah, “Pum im ami cawh cu m’hnuh tuk ci gui.

LUKA 20:1

Kho hnüüp ät ung Bawipa Jesuh naw chang gui m’cäi gui ne ng’Thu Ni am thein gui yah ung taigü ng’vai gui ni, thukhän saya gui ni, Jew chang ng’vai gui ni cu law u netah;

MATTHE 20:4

Cun gui-am, ‘Sapyit lo ah hteit ne bi bi tu vä, akhin vai ah ka ning cheng gui khai nei,’ cik ci.