MATTHE 21:15 - Cho Bible Common Language 2016

¹⁵ Taigüpa gui la thukhän saya gui cu cäicat vai kyak ciah Bawipa Jesuh ah bi lawh gui cu hmu u ne, pum im kyong ah ak hmaw gui naw, “David ah Htapa cu m’hlüngtai vä,” cine a ming ng’shäu cu yak u netah, ang htei ah m’lungshe ci gui.

MATTHE 21:15 Referans Kwoze

MATTHE 21:9

Bawipa Jesuh ah a hnu ama ung ana dou law ne läk lawk ciah chang gui cu, “David ah Htapa cu m’hlüngtai vä! Bawipa ang ming awn kyum lawk cicu Khanpughi naw yeikyai nak pe sä! Khanpughi cu m’hlüngtai vä,” cine m’lau ci gui.

JOHAN 12:19

Pharisee gui naw, “Mikmi a i phi mi näng nak kä om ci, teng tu vä, khomdek khan avan naw ani ah hnu ah läk law pyi ci gui nei,” cine ami mät ng’cecäk ci gui.

JOHAN 11:57

Taigüpa gui la ang vaipi gui naw, “Jesuh cu pha vai kya sei, ani ah om nak hmat ciah chang naw a pyein law vai nei” ci ne ng’thu ami m’shäk yawp pyi ah kyak ci.

JOHAN 7:42

Messiah cu David Ghangpughang ah htang’shon, David Ghangpughang ah gawnu Bethlehem ung ng’tüi lawk khai ciah, cacim ung om ciah kä kyasei ang?” cik ci gui.

JOHAN 4:1

Bawipa Jesuh naw Johan ah peit ah da pi khai ah yum ci gui-am tuihnim nak a peit gui cu, pharise gui naw ng’yak ci gui.

LUKA 22:66

Kho thai law khätah Jew chang ng’vai gui ah kyak ciah taigüpa gui la thukhän saya gui cu ng’cut u netah Bawipa Jesuh cu Kongci yung ah hteh püi ci gui.

LUKA 22:2

Taigü ng’vai gui la thukhän saya gui cu, chang gui kyih u netah, Bawipa Jesuh ngawn nak vai ah lam cu adüm ah shui ci gui.

LUKA 20:1

Kho hnüüp ät ung Bawipa Jesuh naw chang gui m’cäi gui ne ng’Thu Ni am thein gui yah ung taigü ng’vai gui ni, thukhän saya gui ni, Jew chang ng’vai gui ni cu law u netah;

MAKUH 11:18

Taigü ng’vai gui la thukhän saya gui naw, acun a ci cu ng’ya u netah, Bawipa Jesuh ngawn nak vai ah lam cu shui ci gui. Chang gui naw cun ah am theithang gui cu cäicat ne ngai khit u netah Bawipa Jesuh cu kyihkyawk ci gui.

MATTHE 27:20

Taigüpa gui la aming vai gui naw, “Barabbas cu k’phiawn ne Jesuh cu ngawn vä” cine ami m’lau vai ah, chang gui cu m’cäi gui ci gui.

MATTHE 27:1

Kho ngawi hta sik ah taigüpa gui la ami ng’vai gui cu Bawipa Jesuh ngawn vai ah ng’ge ci gui.

MATTHE 26:59

Taigüpa gui la kawngsi ng’vai gui naw Bawipa Jesuh ngawn nak hning vai ah käng düng ciah saksi cu shui ci gui.

MATTHE 26:3

Cun yah ung taigüpa gui la chang vai gui cu taigütung Kaiaphas ah mang im ah ng’bum ci gui.

MATTHE 21:23

Bawipa Jesuh naw pum im ah law ba ne am theithang gui yah ung taigüpa gui la ang vai gui cu Bawipa Jesuh ah pei ah law u netah, “Nang naw shin gui cu a i m’khüt näng nak awn na bi ang? Cun ah m’khüt näng nak cu a u naw a ning peit ang?” cine ng’shik ci gui.

MATTHE 9:27

Bawipa Jesuh cu cun ungka hteit ba khätah, amik m’dauh ciah chang pakhnih naw läk law ni netah, “David ah Htapa nam htei goi ä,” cine m’lau ci goi.

ISAIAH 26:11

Nang naw na m’kyuk gui vai cu na ga gui naw kä hmat ci gui nei. Bawipa, ngami cu lü ng’a sak gui ä, yaica sak gui ä; Nang naw na pawng püi ah m’kyuk nak awn ngami cu yaica sak gui ä. Na chang gui a i hlawk ah na m’hni gui cu m’dang gui ä.

MATTHE 20:24

Cun ah a mawng gui cu ang düihpüi gui chang ghaa naw ng’ya u netah, cun ah phäi nau goi ah khan ah m’lung k’she ci gui.