MATTHE 21:11 - Cho Bible Common Language 2016

¹¹ Chang khli gui naw, “Shin ah chang cu Kalile kho, Nazaret gawnu ah kaa profet Jesuh nei” cine ng’shäu ci gui.

MATTHE 21:11 Referans Kwoze

JOHAN 6:14

Cun ah Bawipa Jesuh naw cäi aih vai abi gui hmu tuk ciah chang gui naw, “Shin ah chang cu khomdek khan ah gawk lawk khai ami ciah, profet akcang ah kyak ci nei” cik ci gui.

JOHAN 7:40

Chang khli ungka chang akda naw Bawipa Jesuh ah ng’shäu cu ng’ya u netah, “Shin ah chang cu profet akcang ah kyak ci nei” cik ci gui.

LUKA 7:16

Chang gui cäicat u netah mikmi ung profet mang tumat dang law pyi ci nei, Khanpughi cu akchang gui hun khai ah law pyi ci nei” cine Khanpughi cu m’hlüngtai ci gui.

LAMKTU 7:37

Khanpughi naw ami mät pakhui ung ka, Profet tumat cu, kei a na tüih law ah mäih ah tüi lawk khai nei” ci neh Moses naw Israel chang ghu am pyen na gui ci.

JOHAN 9:17

Pharise gui naw, amik m’dauh te ciah chang-am, “Na mik ning m’dei ba sak cicu a u chang ang?” cine ng’shi ba ci gui. Cun ah chang naw, “Ani cu profet nei” cine m’thein ba gui ci.

MATTHE 2:23

Nazaret gawnu ah om tuk ci. Cun cu profet gui ah ng’thu pyein ung, “Ani cu Nazaret chang ah kyak khai nei” ciah om ci cu aküm nak ah kyak ci.

JOHAN 4:19

Cun ah hnumi naw, “Bawipa, nang cu profet ah na kyak ci.

JOHAN 1:21

Ngami naw, “Cun ung nang a u ang? Nang Eliah ma?” cine ng’shi ba ci gui. Johan naw, “Kei cu Eliah ah kä ka kya ci nei” ci ba ci. Cun ung nang profet ma cine ng’shi ba mä u sei phi, “Ka nei” ci ba ci.

MAKUH 6:15

Chang am shah naw ani cu, “Elijah nei” cik ci gui. Chang am shah naw, “Ani cu, cäu profet gui man ah mäih ah kyak ciah profet nei” cik ci gui.

LUKA 24:19

Bawipa Jesuh naw, “A i ah a mawng gui ang?” cine ng’shi goi ci. Ngani naw, “Nazaret ah kaa Jesuh ah a mawng gui nei. Ani cu Khanpughi la chang ah ma ah ang thu ng’htau a bilawh ung hlüngtai thamah nak awn be ciah profet ah kyak ci nei.

JOHAN 1:25

Elijah ah phi kä na kyak ung, profet ah phi kä na kyak ung, a i vai tuihnim nak na peit ang?” cik ci gui.

LUKA 13:33

Cun ung phi tuhngawi, ngawi ung la cituh cu, ka lam ung ka hteit gäk gäk khai. Profet nak cicu Jerusalem ah kawn ah a hawi phi chang naw a ngawn vai ah kä ng’hlawi ci nei” cine pyein ci.

LUKA 7:39

Pharisee Simon naw cun cu hmu netah, “Shin ah chang shi profet akcang ah a kyak läi ung, a khaw k’pan pek ciah hnumi cu a u ah a kiak, a i katnak bik ciah a kyak ah hmat khai süte” cine ngai ci.

MATTHE 21:10

Jerusalem gawnu kyong ah Bawipa Jesuh gawk law khätah, a gawnu pum chang gui cu thüngkyüng yawp ci gui. Cun ah kya khätah chang gui naw, “Shin ah chang cu a u ang?” cine ng’shi tuk ci gui.

MATTHE 21:26

Chang ah peit ah m’khüt näng nak awn pek ci mi ciah a kyak ung chang gui naw Zohan cu profet tumat ah yum ci gui kya ne, cun ah chang gui cu kyih gui vai kyak ci,” cine ami mät ng’cecäk ci gui.

MATTHE 21:46

Cun ah kyasei ngami naw Bawipa Jesuh cu phaa vai ah k’tha nak ci gui. Cun ung phi ngami naw, “Bawipa Jesuh cu profet nei,’ cine yum ciah chang gui cu kyih gui ci gui.