MATTHE 21:10 - Cho Bible Common Language 2016

¹⁰ Jerusalem gawnu kyong ah Bawipa Jesuh gawk law khätah, a gawnu pum chang gui cu thüngkyüng yawp ci gui. Cun ah kya khätah chang gui naw, “Shin ah chang cu a u ang?” cine ng’shi tuk ci gui.

MATTHE 21:10 Referans Kwoze

LAMKTU 9:5

Soul naw, “Bawipa Nang cu a u ang?” cine ng’shik ci.

LUKA 9:9

“Kei naw Johan ah lu ka m’chün pyi ci, tuhbäi a ming ka ng’yak ah chang cu a u ang?” ci ne Bawipa Jesuh cu a hmuh vai ah k’tha nak ci.

LUKA 7:49

Bawipa awn a täng ah ei ei ci gui ah chang gui naw, “Kat nak hngaw phiawn sak hning ci, shin ah chang cu a u ang?” cine ami mät ng’cecäk ci gui.

LUKA 5:21

Pharisee gui la Saya gui naw, “Khanpughi bäng naw vah shetkat nak phiawn hning ci, shin ah mäih ah ng’thu lawk ci, shin ah chang a u ang?” cine ngai ne ami mät ng’ce ng’cäk ci gui.

ISAIAH 63:1

“Edom khaw, Bozrah mang gaw ung lawk ciah chang cu a u ang? A sen ak kyom ah sui ne, huham la k’thamah nak awn ma tawn lawk cicu a u ang?” Hun nak vai awn be ne, a näng nak ng’shäu khai ah lawk ci cu, Bawipa nei.”

SOLOMON NG’Ä~ 3:6

Bungpuk ah kaa meikhu ah mäih ah khu lawk cicu a i ang, tui ng’ui la mura ah ng’ui ci, sumlei ci gui ah ami yoih ah tui ng’ui ang?

1 SAMUEL 16:4

Bawipa naw bi vai ah am thein ah mäih ah Samuel naw bik neta, Bethlehem ah hteit ci, a cu ah mang gaw ng’vai gui cu, hteit ne law ne, hmu law u neta, “Shin cu dimdeeih nak awn na om law tuk ci ma, mikhmu?” cik ci gui.

RUT 1:19

Ngani cu Bethlehem güt ung a täng ah law nine, gawk law ni khä ta, gawnu avan caicat ci gui, a cu ah om ciah hnumi gui naw, “Shin cu Naomi ang?” Cik ci gui.

JOHAN 2:18

Jew chang vai gui naw, “Nang naw shin gui na bi hning ah mawng kami hmat vai ah, cäicat vai a i ang nam dang hning kaw?” cine ng’shik ci gui.

LUKA 20:2

“Shin gui bi nak hning vai ah nang ung a i ang a om? Cun ah bi nak hning cu a u naw ang a ning peit? na pyein vai nei” cine ng’shik ci gui.

MATTHE 2:3

Acun ng’ya u netah Herod ghangpughang la Jerusalem ah chang gui cu cäicat yawp ci gui.

MATTHE 21:9

Bawipa Jesuh ah a hnu ama ung ana dou law ne läk lawk ciah chang gui cu, “David ah Htapa cu m’hlüngtai vä! Bawipa ang ming awn kyum lawk cicu Khanpughi naw yeikyai nak pe sä! Khanpughi cu m’hlüngtai vä,” cine m’lau ci gui.

MATTHE 21:11

Chang khli gui naw, “Shin ah chang cu Kalile kho, Nazaret gawnu ah kaa profet Jesuh nei” cine ng’shäu ci gui.