MATTHE 20:8 - Cho Bible Common Language 2016

⁸ Kho mühun law khätah lo mah naw ak chang vai cu khü netah, ‘Aghü gui cu khü gui netah, ak hnu ah bi law tuk ci ung tün ne, bi law ma ci gui ung khüt khai ah ng’cheng cu pe gui ä’ cine m’cäi ci.

MATTHE 20:8 Referans Kwoze

THULÄÄN NAK 24:15

A hnüüp tä khaw hni kä a hang kyak pha ung, a cu hnüüp a bi ah phäh nami pek vai; ani cu ngai ng’ya hlük ci kya ne a gah vai cu khei ge ci. Nang naw kä na pek ah a kyak ung, ani cu nang ning hnu tuk püi ne, Bawipa ah kyap khai, cun ung nang cu katnak na bik ciah kyak khai.

1 PETER 4:10

Nangmi tumat täi cu Khanpughi ah m’shumphyuk nak a hnga hnga nami gah ci. Cun ah Khanpughi ah m’shumphyuk ak küikyang ah gah ci naw a paw chang ah ni kyom nak vai ah a mang vai nei.

HEBRU 9:28

Acun ah mäih ah Bawi Khrit cun phi, chang gui ah cheishoh nak phiawn khai ah, hnü ät bäng küikyan ne ng’ap ci. Ani cu cheishoh nak nawt täm ba khai ah kä kyak ciah, ngäng ci gui ah chang gui hun gui khai ah ak hnih vei nak ah kyum law ba khai nei.

TITUS 1:7

Khritha k’tahnga cu Khanpughi ah khuut kutshum ne bik ciah kyasei m’kat vai kä om-en ciah chang ah kyak khai. Ani cu m’ghämce ci, m’lungshe ci, awktat ci, ng’tuk ghüh ci, ngui ng’ya hlü aih ciah kä kia-en khai.

2 KORIN 5:10

Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.

LUKA 12:42

Bawipa Naw, “Bekhüt ne cüivai ciah changshäm cu a u ang? Khuimah tumat naw akchangshäm gui khawngmang gui ne, uk gui ne, ei-awk phi tei gui khai ah changshäm tumat cu ghü ne m’düih khai.

LUKA 10:7

Nami om nak tu ah im ung ami ning m’bei m’awk tu gui nami ei awk tu vai, a i ah kyasei ci ung bi bik ci naw ng’cheng gah khai ah kyak ci. Nami om nak tu htük ah im ungka naw, a hei im ah kä nami ng’plon-en vai.

LUKA 8:3

Herod ah mangkyong ung bawi ah kyak ciah Chuya ah chu Joanna; Susanna la Bawipa Jesuh la ang düihpüi gui-am tu m’bei gui vai ah ami mät ah ei awk phui ne law tuk ci gui ah a hei hnumi akda gui ah kyak ci.

MATTHE 25:31

“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.

MATTHE 25:19

“Shou hta khätah ami bawi cu law ba ne ak changshäm gui cu k’tä gui ci.

TAIGÜTHUM 19:13

Chang ah kaa kä lak pek düt vai, kä guttep vai. Na ghüh ah chang ah ng’cheng cu kä na shum pek vai, mü ät phi kä na tha pek vai.

ATÜNNAK 43:19

Cun ah kyasei im kawt pei ah ami gawk law ung,

ATÜNNAK 15:2

Abram naw, “Uk ciah Bawipa, a i m’cümhnah ang, kei am na na pek kaw, kei cu ka hta kä om sei, Damaskas ah kaa Eliezer naw ka pakhui m’düng ci nei.

MATTHE 20:7

Ngami naw, ‘A u naw kä na ghüh gui sei nei,’ cine kyak ci gui. Cun kawn ah lo mah naw, ‘Ka sapyit lo ah hteit ne bi tu vä,’ cine kyak na gui ci.

MATTHE 20:9

Cun ah ak chang vai naw mühun nayi hma ung bi law tuk ci gui ah ghüh gui-am tangka aphe ci pe gui ci.

RUT 2:6

Cun ah chang naw, “Ani cu a khawhei chang, Moab khaw ah ka Naomi awn ng’gui lawk ci goi nei.