MATTHE 20:5 - Cho Bible Common Language 2016

⁵ Cun ah chang gui cun phi hteit ne bi tuk ci gui. Ani cu kho hnüüp lung ung phi bäi, kho k’awi lam ah phi bäi, acun ah sumlei hmun ah hteit ne ng’ghüh ci.

MATTHE 20:5 Referans Kwoze

LAMKTU 10:9

Ngami cu hteit gäk gäk u ne, a ngawi ung Joppa gawnu pei ah gawk law ci gui. Cun yah cu kho hnüüp lung yah ah kya sei Peter cu taigü khai ah im kiungah hang kai ci.

LAMKTU 10:3

Kho k’awi ät nayi thum akhin ung Khanpughi ah khankho chang cu kyum law ne, “Konelius” cine khü sei hmu ng’yak ci.

LAMKTU 3:1

Khaw hnüüp ät ung Peter lah Johan cu kho k’awinu, k’taigü nak khin ung pum im ah hteit ci gawi.

JOHAN 11:9

Bawipa Jesuh naw, “Hnüüp ät ung nayi gha-lei-goi om ciah kä kia ne ang? Kho hnüüp ung hteit cicu akdei hmuk ci kya ne, kä m’thuih shawng ne akni ah hteit ci.

JOHAN 4:6

A cun ung Jakob ah tui shawk om ci. Bawipa Jesuh cu lam a hteh nak bawngbai netah, tui shawk pei ah ngok ci. Cun yah cu hnüüp lunglai ah kyak ci.

JOHAN 1:39

Bawipa Jesuh naw, “Law ne teng law niä,” ci sei, a hnu ah hteit tu ne, a om nak ah gawk tu ni netah, mü ne om tuk ci goi.

MATTHE 27:45

Kho hnüüp lung ung tün ne nayi thum lüng khai ah kho ah khan avan cu mü ne hmüp yawp ci.

MATTHE 20:4

Cun gui-am, ‘Sapyit lo ah hteit ne bi bi tu vä, akhin vai ah ka ning cheng gui khai nei,’ cik ci.

MATTHE 20:6

Mühun k’awi nayi hma ung hteit ne ng’ghüh ba sei phi cun ah chang gui cu anang düi ba u sei hmu gui netah, ‘Nangmi a i ah kyasei a i kä bi ah mü ne nami om ang?’ cine ng’shi gui ci.