MATTHE 20:4 - Cho Bible Common Language 2016

⁴ Cun gui-am, ‘Sapyit lo ah hteit ne bi bi tu vä, akhin vai ah ka ning cheng gui khai nei,’ cik ci.

MATTHE 20:4 Referans Kwoze

1 PETER 1:13

Cun ah kyasei nangmi cu ng’düihthawh ge vai ah om vä. Bawi Jesuh a kyum law ba hnüüp anam shum phyuk gui vai cu kümbe sei ngaih u ne lunglaang ne om vä.

TITUS 3:8

Shin cu ng’düng ciah thu ah kyak ci. Shin ah a mawng gui cu nang naw ak tung ah nam thein gui vai ah kei naw ka ng’ya hlük ci nei. Cun ung Khanpughi ngaih u ci gui cun naw, ak ni ah hnün thawh nak vai ung akhin pe u ne, chang phung ah phäh ah nik khai la bä khai cu, bi thei khai gui nei.

KOLOSE 4:1

Bawi gui aw, nami changshäm gui cu nami täkphan nak ung hmai kiang nak la düng nak om sä. Nami mät phi khankho ah nami Bawi a om cu nami shüm ba vai nei.

1 KORIN 6:11

Nangmi amshah gui cu a cu k’chaa ah nami kya man ci, cun ung phi nami katnak cu ning theing cim sak gui pyi ci: Nangmi cu Khanpughi ung nami ng’ap pyi ci; Bawipa Jesuh Khrih ah ming awn la mi Khanpughi ah Mumcha awn nangmi cu Khanpughi ung düng nak nami gah pyi ci.

MATTHE 9:9

Bawipa Jesuh naw cun ungka a hteh nak ba lam ah, ayung kyong ah ngok ciah, akhawn look ciah Matthe cu hmu netah, “Ka hnu ah na läk ä,” cine kyak na sei, Matthe cu tho law ne a hnu ah läk tuk ci.

MATTHE 20:3

Ani cu khoplang taai, nayi kaw ung sumlei hmun ah hteit netah, a i kä bi ah düi shüi ciah chang gui cu hmu gui ci.

MATTHE 20:5

Cun ah chang gui cun phi hteit ne bi tuk ci gui. Ani cu kho hnüüp lung ung phi bäi, kho k’awi lam ah phi bäi, acun ah sumlei hmun ah hteit ne ng’ghüh ci.