MATTHE 20:34 - Cho Bible Common Language 2016

³⁴ Bawipa Jesuh naw, ngani cu m’gein goi netah, ani mik cu a kut awn tawk goi ci. Ngani cu acun vai-am ani mik m’dei law sei, Bawipa Jesuh ah hnu ah läk tuk ci goi.

MATTHE 20:34 Referans Kwoze

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

1 PETER 3:8

Ak hnu ah ka pyein hlü cu, nangmi cu m’lung ät, ngaih ät ne nami om vai; phäi nau ah mäih ah ng’yumhni tu u ne, m’lung neim nak la chimgein nak awn nami om vai.

LUKA 22:51

Bawipa Jesuh naw, “A cän bäng ah” ci netah, acun ah hnga cu akut awn tawk ne m’htei tu sei khan ba ci.

LUKA 7:13

Bawipa Jesuh naw cun ah hmeinu cu hmuh ne m’gein aih netah, “Kä kyap ä” cine pyen nak ci.

MAKUH 7:33

Bawipa Jesuh naw chang gui ah ng’lung ah kaacun ah chang cu chang ah kä om nak ah khü netah, ak hnga khui ah a kut m’dawng awn hei tawk ci. Am shi awn m’thawh ne am lei phi tawk pek ci.

MATTHE 15:32

Bawi Jesuh naw ang düihpüi gui cu khü gui netah, “Shin ah chang gui kei awn a täng ah ami om tu cu hnüüp thum lüng lawk ci nei, Ngami ung ei vai kä om ci, kam gein gui ci nei. A i kä tumbei gui ung ami hteh ba ung lamah ami thagui maih khai nei,” cine kyak na gui ci.

MATTHE 14:14

Bawipa Jesuh naw hleiko ung a kai kawn ah chang gui cu teng gui ne m’gein gui netah gawpai ci gui cu gai sak gui ci.

MATTHE 9:29

Bawipa Jesuh naw, ani mik tawk goi netah, “Nani yum ah mäih ah kia sä,” cine kyak na goi khätah,

MATTHE 8:15

Bawipa naw cun ah hnumi ah kut cu tawn khätah, ani cu acun vai-am gai ba ne, Bawipa Jesuh cu khin nak ci.

SAM 145:8

Bawipa cu m’hni nak la chimgein nak ah kyak ci, kä m’lungshe yäi ci, ng’täi ciah m’hni nak awn be ci.

SAM 119:71

Na na m’kyuk nak cu bä ci nei, a i ah kyasei ci ung, a cun naw na thumkhän cu na ng’thei sak ci.

SAM 119:67

Nang naw kä na na m’kyuk pha ung kei cu ka cheishoh lä ci, cun ung phi tuhbäi na thu ka ngai ci nei.

LUKA 18:43

A cun vai-am ani cu amik m’dei lawk ci Cun kawn ah Khanpughi ah bämang nak m’hlüngtai ne, Bawipa Jesuh ah hnu ah läk tuk ci. A cun gui cu hmu tuk ciah chang gui ami van cu Khanpughi ah ming m’hlüngtai ci gui.

MATTHE 9:36

Chang gui cu htoshäm kä om ciah htome gui ah mäih ah, ami ngaih u vai kä om sei, ami ng’ä ai cu hmuh gui netah, chang gui cu m’gein gui ci.

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

MATTHE 20:33

Ngani naw, “Bawipa, Kani mik na nam dei sak goi vai, kani ng’ya hlük ci nei,” cine pyein ci goi.

MATTHE 21:1

Bawipa Jesuh la ang düihpüi gui cu Jerusalem k’et lawk ciah Olives khomhtung pei Bethphage gawnu ah gawk law ci gui. Bawipa Jesuh naw ang düihpüi hnih cu khü goi netah,