MATTHE 20:26 - Cho Bible Common Language 2016

²⁶ Nangmi läi ung cun ah mäih kä a om-en vai nei. Nangmi ungka ng’vai pibäih ciah chang cu nami changshäm ah kyak khai.

MATTHE 20:26 Referans Kwoze

MAKUH 10:43

Nangmi läi ung cun ah mäih kä om-en sä. Nangmi ung kaa ng’vai pi hlük ciah chang cu nami van ah ngaih u vai ah a kiak vai nei.

MAKUH 10:45

Chang ah Htapacun phi chang tüitäk khai ah lawk ciah kä kiak ci, chang ah tüihtäk vai la amät ah hnun gui pe ne chang khli hun m’htei khai ah kyum lawk ciah kyak ci” ci ne m’thein gui ci.

MAKUH 9:35

Bawipa Jesuh cu ngoh netah, ang düihpüi gha-lei-goi cu khü gui ne, “Ak hlüng pi ung gawk hlük ciah chang cu, ang neim pi ung om khai, chang avan naw atäk phan pi ah phi kyak khai” cine kyak na gui ci.

1 PETER 5:3

Nami kut ung ng’ap ci gui uk vai ah kä nami tha nak vai, htomebum ah thei tu vai ah nami om vai.

LUKA 18:14

Kei naw ka ning m’thein gui cu, cun ah akhawnlook cu akat nak k’phiawn sei a im ah hteit ba ci, pharisee läi cu akat nak kä k’phiawn ci. A i ah kyasei ci ung, amät naw amät m’hlüngtai ci cu neim saknak gah khai, amät naw amät neim sak ci cu m’hlüngtai nak gah khai” cine m’cäi gui ci.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.

MATTHE 25:44

“Cun ah chang gui naw, ‘Bawipa, nang ei na cawi, tui na gha khin ah na kiak, sui ah nak kheei, na gawpai, thawng ung na kium cu ning hmu lang ne. A i yah ung ang kä ning tu m’bei, kä ning m’hteihtang ah kami om’ cine pyein tu ba khai gui.

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

PHILIMON 1:13

Thuni ah hmawk ah thawng ung ka kium yah ung, nang ah hnün ung om ne nam htei khai ah, ani cu ka om sak hlü te ci nei.

2 TIMOTHI 1:18

Ephasus gawnu ah ani naw kei a i hlawk ah anam htei cu nang naw na hmat ci nei. Cun ah Hnüüp ung ani ah khan ah Bawipa ah chimgein nak om sä.

2 KORIN 1:24

Nangmi naw a i nami yum vai ah ning k’bäi gui ah kä kyak ci, nangmi ah yum nak cu khäng ciah kami hmat ci. Keimi naw nangmi ah yeikyai nak vai ah nangmi awn a täng ah kami bi ah kyak ci.

LAMKTU 13:5

Ngahni cu Salamis ah gawk ni netah Judah gui ah pum im ung Khanpughi ah thu pyein ci goi. Johan Makuh cun phi ani bi bi lawh püi gui ne ng’gui tuk ci.

JOHAN 18:36

Bawipa Jesuh naw, “Kei ah uknak kho cu shin ah m’dek khan awn kä shigaa ci; kei ah uknak kho cu shin ah m’dek khan awn ashigaa vai sü ung, Jew chang gui ah kut ung kä ka gawk khai ah ka ng’khah püi gui naw ng’tuk bik khai gui süte. Kei ah uknak kho cu shin ah m’dek khan awn kä shigaa ci nei” cine pyein ci.

MATTHE 27:55

Acun yah ung shawng ne dan ci gui ah hnumi gui phi om ci gui. Ngami cu Kalile ah tün ne Bawipa Jesuh cu läk u ne, m’htei htang ci gui ah kyak ci gui.

EZEKIEL 24:13

Jerusalem, na mät ah omshe hnunthawh nak naw ning lelawi sak ci nei. Kei naw ka ning theingthap sak khai ah ka tha nak ung phi nang na lelawi ba lä ci. Kei ah ka m’lungshe nak ah k’tut nak akbe ah kä nami gah pha ah chuih nangmi kä nami theingthap ba khai.

THU PHLAAN 17:6

Cun ah hnumi nu naw Khanpughi ah chang gui ah si la Bawipa Jesuh ung bekhüt u sei, ami ngawn gui ah chang gui ah si cu aw ne, awktat sei ka hmuk ci. Ani hmu netah kei cu ang htei ah cäi ne ka tu ci.

MATTHE 20:27

Ak hlüngtai pi ah kya hlük ciah chang cu nangmi ah chang shäm ah kyak khai.

LUKA 22:26

Cun ung phi nangmi naw cun ah kä nami ngaih vai. Nangmi ung hlüngtai pi ci cu, ak hmaw pi ah mäih ah om sei, ng’vai pi ci cu changshäm ah mäih ah a om vai.