MATTHE 20:24 - Cho Bible Common Language 2016

²⁴ Cun ah a mawng gui cu ang düihpüi gui chang ghaa naw ng’ya u netah, cun ah phäi nau goi ah khan ah m’lung k’she ci gui.

MATTHE 20:24 Referans Kwoze

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

JAMES 3:14

Cun ung phi nami m’lung kyong ah m’thüikhang nak, khaa nak, m’yawmhau nak gui om khätah nami cüivai nak awn nami khähghah ah a kyak ung, thudüng cu nami hnu ng’tuk püi ciah kyak ci nei.

PHILIPPIAN 2:3

Khäghah nak hlü la mät ah ng’yak hlü shui nak awn a i phi kä nami bi vai, chang cu mät ah mä, bä tu ba ci, ciah ngaih tüh ne, nami m’lung nami ng’neim sak vai nei.

1 KORIN 13:4

M’Hni nak cu hniimgei nak, ng’awi ng’gi nak ah kyak ci; m’thüi m’khang nak, khähghah nak, chang ah ng’shei nak kä om ci.

MAKUH 10:41

Cun ah a mawng cu a hei ang düihpüi chang sing gha naw ng’ya u netah, ngani ah khan ah m’lung she ci gui.

NG'THU K'THUUK~ 13:10

Chang shedam nak ci naw a i kä gah ci, cun ung phi yaica ci. Chang ah m’cäi ngai cicu cüivai pi ci.

MATTHE 20:23

Bawipa Jesuh naw, “Nangni cu kei ah khap ung akcang ah nani awk khai, cun ung phi kei ah k’eng la k’pat ah nani ngoh vai cu, kei naw kä ka ning pe goi hning ci, cun ah ngoh nak gui vai cu Kapa naw a pyan gui ah chang gui ah hmawk ah kyak ci,” cine kyak nagoi ci.

MATTHE 20:25

Bawipa Jesuh naw, ang düihpüi gui ami van khü gui netah, “Ghangpughang gui cu chang gui ah khan ah ami hlüngtai nak ang dang ah mawng la chang vai gui cu ami chang gui ah khan ah khüt näng nak abe ah mawng cu, nami hmat pyi ci.

MAKUH 10:14

Bawipa Jesuh naw hmu gui netah, m’lung she ne, “Akhmaw hta gui cu kei ah law u sä, kä ma na gui vä, Khanpughi ah uknak kho cu ngami ah kho ah kyak ci nei.

LUKA 13:14

Cun ah Bawipa Jesuh naw pum hnüüp ung ak gaw am gai ba ah, phäh ah pum im ngäng cicu m’lung k’she netah, “Bi bi nak vai kho hnüüp chuk om ci. Acun yah ung law ne gai nak nami ng’yoih law vai, Pum hnüüp ung kä nami law-en vai,” cine chang gui am pyen na gui ci.