MATTHE 20:22 - Cho Bible Common Language 2016

²² Bawipa Jesuh naw, “Nangmi a i nami ng’yoih ah nami mät naw kä nami hmat ci, Kei ah awk nak yaica nak ah khap cu, nami aw tu hlawt khai ang?” cine a hta goi cu ng’shi goi ci. Ngani naw, “Kani aw tu hlawt khai nei,” cik ci goi.

MATTHE 20:22 Referans Kwoze

LUKA 22:42

Aw Kapa, nang yak hlü a om ung shin ah yaica nak ah khap cu kei ung nang shawng sak ä, cun ung phi kei ah ng’yak hlü ah kä kya ne, na mät ah ng’yak hlü ah kya sä” cine taigü ci.

MATTHE 26:42

Bawipa Jesuh cu ang hnih vei nak ah hteit ba mä netah, “Oh Kapa shin ah yaica nak ah khap cu kei naw kä ka awk ung käng phlän khai ah a kyak ung, nang ah ng’yak hlü ah kyak sä,” cine taigü ci.

JOHAN 18:11

Bawipa Jesuh naw, “Na chim cu bun ba ä, Kapa naw ana peit ah yaica nak ah khap cu kei naw kä ka awk khai ah na ngai ne ma? ci ne Peter cu m’cäi ci.

MAKUH 14:36

“Kapa Khanpughi, nang cu angtäi avan nam khüt hning ci kiasei, shin ah yaica nak ah khap cu na phiawn ah sak ä. Cun ung phi kei ah ng’yak hlü ah kä kia-en ne, na mät ah ng’yak hlü ah kya sä” ci ne ani naw a bui awt law vai ah yaica nak cu, bä khai a kyak ung a phiawn nak hning vai ah taigü ci.

MATTHE 26:39

Cun kawn ah ama lam ah api vang nawn ne, khomdek ung ng’bawk netah, “Oh, Kapa bäpi khai a kyak ung shin ah yaica nak ah khap cu na hen pe ba ä, cun ung phi kei ah ng’yak hlü ah kä kyak ci, na mät ah ng’yak hlü ah kya sä,” cine taigü ci.

ROMAN 8:26

Acun sang ung Mumcha naw ak tha ken ciah mikmi cu nam htei gui khai ah gawk lawk ci. Mikmi naw a i chaa taigü vai kä mi hmat ci; m’gawng shai awn kä pyein thei vai ah ak aw awn, Mumcha amät naw, mikmi ah hmawk ah Khanpughi ah na ng’yoih pe gui ci.

ISAIAH 51:22

Bawipa nami khanpughi naw ning shungshet gui neta a pyen cu, “Kei naw ka m’lungshe nak ah khap ka ning pek gui cu ka la ba ci nei, Nangmi ning k’phiui gui ciah zu nami awk vai kä om ba ci nei.

JAMES 4:3

Nami ng’yoih ung phi kä nami gah ah mawng cu, akshe ah nami ng’bü nak la nami mät ah hlimtui nak vai düt ah nami mang nak hlü ah hmawk ah kyak ci.

LUKA 12:50

Kei naw tuihnim nak ka lak vai om ci, cun ah bi cu kä ka pyi pha ah chuih kei ah m’lung cu yaica ci.

JEREMIAH 49:12

“M’kyuk vai ah kä kyak ciah chang gui hman naw m’kyuk nak ah khap ami awk ah a kyak ung, nangmi cu kä m’kyuk ah nami hteit khai ah nami ngai ne ma? Ka nei, nangmi cu awn ah khap ung nami awk khai nei!

MATTHE 26:56

Cun ung phi shin ah a mawng gui a kyak law nak cu cacim ung profet gui ah pyein ah mäih ah ang dang law vai ah hmawk ah kyak ci nei,” cine pyein ci. Cun yah ung ang düihpüi gui ami van cu Bawipa Jesuh nawng shüt ne dawng yawp ci gui.

NG'THU K'THUUK~ 16:18

Chang ah ng’shei nak cu di nak ah kyak ci, chang yoshe nak cu shum nak ah kyak ci.

SAM 75:3

Ak ghing gui avan ng’thüng u ne, khomdek amät thüng sei phi, a phung ang yung cu kei naw ka htek sak khai nei.

MATTHE 26:35

Peter naw, “Kei cu nang awn a täng ah ka sih vai ung phi kä ka ning hmat ciah pyein ne kä ka ning mak khai nei,” cine pyein ci. Ahei ang düihpüi gui cun naw phi, acun bäng bäng ah pyein tuk ci gui.

ISAIAH 51:17

Jerusalem, ng’shüm law? Na mät naw namät m’tho ne, let law! Bawipa na a m’lungshe nak, na awk vai ah a ning pek ah m’kyuk nak ah khap cu na aw pyi ci nei; Nang naw na yuk awk te, a cun naw ning phiui ci nei!