MATTHE 20:21 - Cho Bible Common Language 2016

²¹ Bawipa Jesuh naw, “A i nang ya hlük ci ang?” cine ng’shi khätah; Cun ah hnumi naw, “Nang Bawipa Ghangpughang ah na kyak law ung shin ah ka hta goi cu, nak eng lam lah nak pat lam ah ngoh sak goi ä,” cine ng’huipaa ne pyein ci.

MATTHE 20:21 Referans Kwoze

MATTHE 19:28

Bawipa Jesuh naw, “Kei naw akcang ka pyein cu, kho akthai a gawk law hnüüp ung chang ah Htapa cu, bämang nak awn kümbe ciah mang ah kiang ung ngok khai, Cun yah ung kei ah kang düihpüi ah nami kyak ciah nangmi cu, mang ah kiang gha-lei-goi ung ngoh u ne, Israel pakhui gha-lei-goi cu nami uk khai.

ESTA 5:3

Ghangpughang naw, “Ghangpughangnu, amawng a i ang a om? Na ng’yak hlü cu na m’thein ä, na gah khai nei — ka uknak khaw ah a teih phi ka ning pek khai nei” cik ci.

MATTHE 18:1

Cun kawn ah ang düihpüi gui cu Bawipa Jesuh ah pei ah hteit u netah, “Khankho uknak ung ak hlüngtai pibäih cu a u ang?” ci ne ng’shik ci gui.

SAM 110:1

Bawipa naw ka bawipa am, “Ka patlam ah shin ung ngaw ä, Na ga gui cu na kho ka ah kä ka ngon sak pha ah chuih ngaw ä” pyen nak ci.

LAMKTU 1:6

Ang düihpüi gui cu ng’bum law u ne tah, “Bawipa, shin ah khin cu Israel chang gui am ami khaw na ap nak ba gui vai ah akhin ah kiah ne ang?” cine ng’shik ci gui.

MAKUH 6:22

Cun ah mü-ei ami ei nak ung, Herodias ah hta hnumi cu law ne akni akiom ah ng’lam ci. Cun ah kyasei Herod la akhin gui cu ang htei ah yeikyai u netah, ghangpughang naw cun ah hnumihta-am, “Nam hni a i phi nang yoih vai, kei naw ka ning pek khai nei,

MATTHE 20:32

Bawipa Jesuh naw, ng’düi ne cun ah chang goi cu a pei ah khü goi netah, “A i ka ning bi peit goi vai ang, nani ng’yak hlü,” cine ng’shi goi ci.

1 GHANGPUGHANG GUI 3:5

A cu mü ang mang ung Bawipa cu ng’dang law neta ani cu ng’shik ci, “Kei naw a i ka ning pek vai ang na ng’yak hlü?”

KOLOSE 3:1

Nangmi cu Bawi Khrit awn nami ghing khai ah nami tho pyi ci, Cun ah kyasei, nami m’lung cu khankho ding ung nami ng’lin vai. Cun ah kho cu Bawi Khrit naw a ghui mangkiang ung a ngoh nak ah Khanpughi ah k’patlam ah kyak ci.

ROMAN 12:10

Nang mi cu tumat la tumat khritha phäi nau ah mäih ah nami ng’khawtsheng vai, tumat la tumat chang m’sui nak tu cu ang ghit ah nami bi vai.

JOHAN 15:7

Nangmi cu kei ung om uk ci sei, kei ah ng’thu cu nangmi ung a om ah a kyak ung, nangmi naw nami ng’yoih hlü phung ng’yoi ne nami gah khai.

LUKA 22:24

Ang düihpüi gui naw, ami mät ungka a u hlüngtai pi ciah ng’cuhcan u khätah,

LUKA 19:11

Cun yah ung Bawipa Jesuh cu Jerusalem gawnu pei ah gawk lawk ci. Chang gui naw Khanpughi ah uknak kho cu atuhbäi dang lawk khai ci ne ngai ci gui.

LUKA 18:41

Bawipa Jesuh naw, “Nang ah hmawk ah a i ka ning bi peit vai ang?” cine ng’shik ci. Amik m’dauh naw, “Bawipa, ka mik ma ne m’dei sak ä” cik ci.

MAKUH 10:51

Bawipa Jesuh naw, “Nang ah phäh ah a i ka ning bi peit vai ang nang yak hlü” ci ne ng’shik ci. A mik m’dauh ciah chang naw, “Bawipa, ka mik nam dei ba sak ä” cine pyein ci.

JEREMIAH 45:5

Nami mät naw nami mät aktung ah bi nak cu nami shui ne ma? Kä nami ci vai. Kei naw hnicim chang avan ah khan ah leigai ka law püi ci, cun ung phi nangmi nami ghin nak läi cu a hawi nami hteh ung phi phyawng khai. Kei, Bawipa naw ka pyen ci.

SAM 45:9

Na m’tai kyang ung ng’lamihta gui ah ng’lung ah ka cu, ghangpughang gui ah hta hnumi gui ah kyak ci. Na mang kyang ah k’pat lam ung mangnu ng’düi ci, ani naw Onamen ghui pyü sui awi ci.

ROMAN 8:34

Cun ah kya sei ngami cu a u naw kä m’kat gui hlawt ci. Sih nak bäng ah kä kyak ciah sih nak ungka tho ba ciah Jesuh Khrit naw Khanpughi ah ak pat lam ah ngoh netah, mikmi ah hmawk ah ng’hui ng’paa ne om ci.

1 GHANGPUGHANG GUI 2:19

Cun ah kyasei Bathsheba cu Adonijah ah phäh ah ghangpughang ng’thu püi khai ah hteit ci. Ghangpughang cu ng’düi law ne, anu cu yavaih na neta ama ah kawp ci. Cun kawn ah ani cu amangkiaang ung ngo neta, akpat täng ung anu ah ngoh nak vai ah a hei tumat law pui sak gui ci.

MAKUH 16:19

Cun ah Bawipa Jesuh cu ang düihpüi gui ang thu püi gui, kawn ah khankho ah kai püi ba u sei Khanpughi ah k’pat lam ung hang yong ne ngok ci.

MATTHE 20:22

Bawipa Jesuh naw, “Nangmi a i nami ng’yoih ah nami mät naw kä nami hmat ci, Kei ah awk nak yaica nak ah khap cu, nami aw tu hlawt khai ang?” cine a hta goi cu ng’shi goi ci. Ngani naw, “Kani aw tu hlawt khai nei,” cik ci goi.