MATTHE 20:2 - Cho Bible Common Language 2016

² Ghüh ah ng’cheng man ah hnüüp ät ung tangka aphe ci awn cheng gui vai ah ghüh gui ne lo ah tüi gui ci.

MATTHE 20:2 Referans Kwoze

THU PHLAAN 6:6

Khiküi paphli ah ng’lung ungka lut lawk ciah k’aw tumat cu kei naw ka ng’yak ci. Cun ah k’aw naw, “htang a them cu hnüüp ät ng’cheng nak, püm them thum cu hnüüp ät ng’cheng nak ah kiak ci. Cun ung phi olive sing chaam la sapyit chaam cu kä m’di en vä” cine pyein ci.

2 TIMOTHI 3:15

Na hmaw sang ung tün ne, cüivai nak ning pe ne, Bawi Khrit Jesuh yum nak awn hun nak gah vai ah lam shüm ciah, Cacim Theing na hmat ah mawng cu na shüm ba vai nei.

LUKA 10:35

A ngawi ung hteit law ba vai netah, im mah-am ngui phe m’ku pe shüt ne, “shin ah a leim cu akni ah m’htei tu vä, ng’pyi ciah a phu avan ka law ba lam ah ka ning pe gui khai nei” cik ci.

LUKA 1:15

Ani cu Khanpughi lam ah chang m’gäi ah kya ci. Awktat man phung kä ei awk khai, anu puk ge ung Mumcha Theing awn kümbe khai.

MATTHE 22:19

Khon nami loh vai ah tangka tumat cä nam hnuh law vä,” cik ci. Cun ah kyasei ngami naw tangka tumat law püi u khätah,

MATTHE 20:13

Lo mah naw a ghüh gui ungka tumat-am, ‘Teihpüi aw, kei naw nang ka ning she nak ah kä kyak ci, hnüüp ät ung tangka aphe ah ng’cheng vai ah na yum cite can ah maw.

MATTHE 18:28

“Cun ung phi ani cu phyawng ne a hteh ba kawn ah, lam ah ngui api ak pu tu ah ak changshäm paw cu hmu ne, a gawn ung pha ne k’pang netah, ‘Ka ngui na pu tu cu a tuhbäi na thung law ba ä,’ ci ne k’ceet ci.

THUSHÄUTU 12:1

Nami hmaw chang yah ung, kä yei nak vai ah khohnüüp la kho kum gui kä ah gawk law pha ung, ning tüisho gui cicu shüm vä, a cun a gawk law ung nangmi naw, “Kä ka yeikyai ci nei” nami cik khai.

2 SHONTÄP NAK 34:3

Josiah cu a khokum kum cheit ung ghangpughang ah kya lawk ci kya ne hmaw sang ci, ani naw apughi David Ghangpughang ah Khanpughi cu tün ne khawihnah ci. Kum phli a lüng kawn ah ani naw tün ne, khogam khawihnah nak ah hmun gui, Khanpughinu Asherah ah a gup gui, la a hei a gup gui avan cu m’di yawp ci.

1 GHANGPUGHANG GUI 18:12

Kei naw ka ning hteh tak kei yah ung, Bawipa ah mümcha naw nang cu kä hmat nak ah hmun ah a ning hteh ei püi ah a kyak ung, kei a i ah ka kyak khai aw? Nang shin ung na om cu kei naw Ahab am ka m’thein khai, ani naw law ne kä a ning hmuh ah a kyak ung, ani naw kei cu na ngawn khai nei. Na shüm vai cu, kei cu ka hmaw hta sang ge ung akcang ah Bawipa ka khawihnah ci nei.

1 SAMUEL 3:21

Bawipa naw Samuel ah ma ah ng’dang law neh ang’thu püi nak ah Shilon ung amät naw amät m’dang ba ci. Cun kawn ah Samuel naw thu a pyen ung Israel chang van naw ngai ci gui.

1 SAMUEL 3:1

Cun yah ung ak hmaw Samuel cu Eli ah ka ung om ne Bawipa ah bi bik ci, a cu ah Bawipa ung ka lawk ciah ng’thu ken ci, ani ung ka lawk ciah muimang phi apihta ah kyak ci.

1 SAMUEL 2:26

Ak hmaw Samuela cu däm ng’vai law ne Bawipa ah ma la chang gui ah ma ah hmai kiang nak gah ne om ci.

1 SAMUEL 2:18

Cun yah ung ak hmaw Samuel cu Bawipa ah bi bi gäk gäk ci. Ani naw theing ciah

MATTHE 9:37

Cun ah kyasei Bawipa Jesuh naw, “Khäm vai htangmguh da pang sei phi, khäm ciah chang gui cu ken aih ci gui.

MATTHE 20:1

“Khankho uknak cu shin ah mäih ah kyak ci. Kho hnüüp ät ung sapyit lo tak ciah chang tumat cu lo bi ah ng’ghüh khai ah kho ngawi hta ah hteit ngawi ci.

MATTHE 20:3

Ani cu khoplang taai, nayi kaw ung sumlei hmun ah hteit netah, a i kä bi ah düi shüi ciah chang gui cu hmu gui ci.

MAKUH 12:15

Bawipa Jesuh naw ngami ah phawtcam nak cu hmat netah, “Nang mi naw a i ah kyasei kei ka shetkat vai ah nami ng’yak hlü ang? Tangka tumat ka teng vai law püi vä” cine kyak na gui ci.

LUKA 20:24

“Tangka tumat na m’hnuh law vä, shin ah tangka ung a u ah gup la a u ah ming ang a om?” cine ng’shi gui ci. Ngami naw, “Roman ghangpughang ah gup la aming om ci nei” cik ci gui.

MATTHE 20:9

Cun ah ak chang vai naw mühun nayi hma ung bi law tuk ci gui ah ghüh gui-am tangka aphe ci pe gui ci.