MATTHE 20:19 - Cho Bible Common Language 2016

¹⁹ Ngami naw ani cu ngawn vai ah k’bäi u netah changpakhui hei gui-am ap khai gui. Chang pakhui hei gui naw ani cu päipih u ne, htung awn that u netah, kutlam tung ung tai ne ngawn khai gui nei. Cun ung phi chang ah Htapa cu ak hnüüp thum hnüüp ung sih nak ungka tho ba khai nei,” cine pyein ci.

MATTHE 20:19 Referans Kwoze

MATTHE 16:21

Cun ah akhin ung tün ne Bawipa Jesuh naw ang düihpüi gui am akdei angdang ah am thein gui cu, “Kei cu Jerusalem ah hteit ne, pum im ung ang vai gui, taigüpa gui la thukhän saya gui ah kut ung dukdeiu nak ka gah khai, cun kawn ah sih nak ung na gawksak khai gui, cun ung phi ak hnüüp thum hnüüp sih nak ung kaa ka tho ba khai,” ciah kyak ci.

LAMKTU 2:23

Khanpughi naw pyein neh ak bäi pyi ah mäih ah Bawipa Jesuh cu, nami kut ung ning ap gui pyi ci; nang mi naw ani cu chang k’she gui am kutlam’tung ung na mi ngawn sak gui pyi ci.

HOSEA 6:2

A hnüüp goi thum ung ani naw na dou ba sak gui khai. Ani ah ma ah mikmi cu ghing ne mi om khai.

ISAIAH 53:3

Mik mi naw mi päipih ne mi hnu nak ci; Ani cu yaica ne m’neh m’awh ci. Ani teng khai tumat phi kä om ci — Ani cu akholä ah mäih ah mikmi naw mi nawng ci.

ISAIAH 26:19

Keimi ah kami chang cu a sih ung phi, ghing ba khai! Ngami ah ami pumsa cu ghing law ba khai. Ng’phuh hmun ung ip ci gui ami van tho ba u ne, yei ne ng’äi m’cu khai gui. K’daam tui naw khomdek ak chin sak ah mäih ah, khaw k’sho ung sik ciah chang gui cu Bawipa naw ghin ba sak gui khai.

SAM 35:16

Shum khem ci ami gaih tu ah chang ah mäih ah ami hahtui ne, na gen ci gui nei.

LAMKTU 21:11

Ani cu keimi ah om nak ah law ne, Paul ah khei khih nak la ne, akut a khaw cu pin netah, “Shin ah kheikhih nak ka nak ciah chang cu, Jerusalem ah Judah chang gui naw, a shin ah mäih ah khit ne pin u netah, changpakhui hei gui am ap khai gui nei, ci ne Mumcha Theing naw pyein ci nei” cine pyein ci.

LAMKTU 4:27

A cun ah mäih ah Herod lah Pontius Pilate cu, chang pa hei gui lah Israel chang gui awn a täng ah Messiah ah nam düih, na chang shäm ah Bawipa Jesuh cu hnu ng’tuk püi vai ah ng’bum man ci gui nei.

LUKA 24:46

Bawipa Jesuh naw, “Cacim ung, Messiah cu sihnak awt khai, cun kawn ah ak hnüüp thum hnüüp sihnak ungka tho ba khai.

LUKA 23:11

Herod la agakap gui naw phi, Bawipa Jesuh cu, päipih ne shedam nak ci gui. Cun kawn ah aktung ah m’sui m’sak netah Pilat bawi ah tüi ba ci.

MAKUH 15:1

A ngawi ung khongawi htaksiik ah taigüpa gui cu, Jew chang ng’vai gui, thukhän saya gui la, kawngsi yung bawi gui awn ng’hmu ne ng’ge u netah, Bawipa Jesuh cu khit u ne Pilat bawi ah hteh püi ci gui.

MAKUH 14:65

Chang amshah gui naw Bawipa Jesuh cu ami m’shi awn m’thui ci gui. A hmai uk ne tuthat u netah, “A u ning tuthat ci ang pyein shüm ä” cine kyak nak ci gui. Taigütung ngäng ciah gakap gui naw a hmai cu k’beeih ci gui.

MATTHE 12:40

Jonah cu nganu ah puk khui ah hnüüp thum la mü thum a om ah mäih ah, chang ah Htapacun phi m’dek khui ah hnüüp thum la mü thum om khai nei.

JOB 30:8

Ngami cu chang m’ghämce kä chang man gui ah kya sei ami kho ungka naw ami k’täm gui ah kya ci.

MATTHE 17:23

Ani cu ngawn khai gui, cun ung phi ak hnüüp thum hnüüp ung sih nak ungka tho law ba khai,” cine m’thein gui ci. Ang düihpüi gui cu ang htei ah cäi ng’ä ci gui.

MATTHE 27:26

Cun kawn ah Pilat naw, Barabbas cu k’phiawn ne Bawipa Jesuh cu tuthat netah, kutlamtung ung tai ne ami ngawn vai ah ap gui ci.

MATTHE 27:63

“Bawi aw, cän ah hleei ciah chang a ghin yah ung ‘Kei ak hnüüp thum hnüüp sih nak ungka ka tho ba khai,’ a cicu kami shüm ba ci nei.

MAKUH 15:15

Pilat naw, amät cu chang gui naw ami yum vai ng’ya hlü netah Barabbas cu k’phiawn ne Bawipa Jesuh cu tuhthat netah, kutlam tung ung tai ne ami ngawn vai ah ap gui ci.

LUKA 18:32

Chang ah Htapa cu changpakhui hei ah kut ung ap khai gui, päipih khai gui, ami m’shi awn m’thui khai gui;