MATTHE 20:15 - Cho Bible Common Language 2016

¹⁵ Ka mät ah ngui cu ka mät ah m’hni ah kä ka mang vai maa! Kei ah kang khai-lang ah phäh ah nam thüi ci maa!’ cine kyak nak ci,” cine m’cäi gui ci.

MATTHE 20:15 Referans Kwoze

THULÄÄN NAK 15:9

A i baw chang am k’pu tu vai ah kä nami maa en vai. A i ah kyasei ci ung chang am k’pu nawng pek nak vai ah kho kum cu ng’et lawk ci nei. Shin ah mäih ak she ah ngaih-tüh nak nam lung kyong ung kä na luh en sak vai nei. Chang am k’pu tu vai ah na maa ah a kyak ung ani cu Bawipa ah kyap ne ng’pa ne, nang ning hnungtuk püi khai nei, cun ung nang cu katnak na bik ciah kyak khai.

MAKUH 7:22

chang ah chu chang ah hta kat püi nak, ng’yak hlü aih nak, nget ngawng nak, hleei hlak nak, ng’yak hlü düt ah om nak, m’thüimkhang nak, chang ah ming m’shet nak, chang ah ng’shei nak, gu-ang nak, gui ah kyak ci.

MATTHE 6:23

Nami mik ui a mü ung nami pumsa avan hmüp yawp khai. Cun ah kia sei nangmi ung om ciah akdei cu, ak hmüp ah a kyak lä ung, cun ah hmüp cu anghtei ah mü ne hmüp khai nei.

JOHAN 17:2

Na Htapa ah kut ung na ap ah chang gui-am angtäi ghin nak a peit gui hning vai ah, nang naw Na Htapa-am chang nüng m’khüt nak ah hlüngtai nak cu na pe pyi ci nei.

EPHESIAN 2:1

Yanä nang mi cu ngaih she nak la shetkat nak ung mümcha aksi ah nami kyak ci.

EPHESIAN 1:11

Apäng avan cu Khanpughi naw am hnüt ak bäi ah mäih ah om kyak ci gui. Khanpughi naw cäu ä ge tün ne a mät ah k’bäi ah ng’bü nak awn, mikmi cu Bawi Khrit ung na kawng ät sak gui ne ak chang ah ana ghü gui hnga ah kyak ci.

1 KORIN 4:7

A u naw nangmi cu chang hei ah nami hang tai pi khai ah ning piang gui khai ang? Nangmi ung om ci phung avan cu Khanpughi ah ning peit tui ah kä kya na ang! Nami gah taang gui avan Khanpughi ah kä ning peit gui ah ngaih vai ah nami khähghah nak cu, a i hawkchaa ah ang?

LAMKTU 13:45

Cun ung phi Judah chang gui naw chang khli cu hmu u netah, m’thüi na u ne, Paul ah ng’thu pyein cu ng’cuh püi ci gui.

MATTHE 11:25

Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

NG'THU K'THUUK~ 28:22

Amät bäng ang bühmang vai tha nak ciah chang naw dukhaih nak naw a thah law vai cu kä hmat ci.

NG'THU K'THUUK~ 23:6

Sing hnaw ciah chang ah tawnglang ung kä na ei tu vai. Ani ah ning m’bei ah ei akni cu kä na ei hlü aih vai.

THULÄÄN NAK 28:54

Ng’awigii pi ne aknipi ah ng’tüi ciah pami cu ami khaai gui yah ung ei cawi aih neta amät ah hta amshah cu ei khai, a i ah kyasei ci ung ani ung a ei vai kä om ci. Ani naw cun cu a phäi nau am, amhni ah akchu am, pawih ba ciah a hta gui am phi kä m’bei tu gui khai.

PHYAWN NAK 33:19

Bawipa naw, “Kei naw ka bäkhäk nak avan cu na ma ah ka hteh sak khai, ka ming theing cu na ma ah ka ng’shäu khai. Kei cu Bawipa nei, ka ghü ah chang am ka m’gein nak la ka m’hni nak cu ka m’dang khai nei.

JAMES 5:9

Ka phäinau gui aw, tumat la tumat shetkat nak kä nami ng’lon nen tu vai, cun ung Khanpughi naw kä ning m’khoichaa gui khai. Thu m’chak khai cu gawk law ne ng’düi law pyi ci nei.

JAMES 1:18

Khanpughi naw amät ah ng’yak hlü ah, ang thudüng awn chang ghing ah nang dang sak gui ci, cun ah kyasei mikmi cu a tüisho gui nüng ung ak bä pi ah mi kyak ci.

EPHESIAN 2:5

ang thu kä ngaih nak awn mi mümcha a sih nak ung ka, Bawi Khrit awn a täng ah na ghin ba sak gui ci. Nang mi cu Khanpughi ah a gein nak bäng awn hun nak nami gah ciah kyak ci.

JEREMIAH 18:6

“Am shep ci naw amdek a pyan ah mäih ah Israel chang gui cu kei naw ka ning pyang gui hning ciah kä kya ne ma? Am shep ciah kut ung amdek a om ah mäih ah kei ah kut ung nangmi nami om ci nei.

MATTHE 20:14

Nang cheng cu dou ne hteit ba ä. Ak hnu ah ka ghüh gui cun phi nang awn täng ne kak cheng gui hlük ci nei.