MATTHE 20:11 - Cho Bible Common Language 2016

¹¹ Cun ung phi, ngami phi tangka aphe ci bä gah tuk ci gui.

MATTHE 20:11 Referans Kwoze

1 THESSALONIAN 2:16

Keimi naw hun nak ah mawng changpakhui hei gui-am ng’thu kami m’thein phi tha na ne na ma na gui ci gui. Cun ah ami kyak cu ang täi sei ami cheishoh nak ami kümbe sak nak ah kyak ci. Cun ah kiasei tuhbäi ak hnu ah Khanpughi ah m’lungshe nak cu ngami ah khan ah gawk pyi ci nei.

LUKA 19:7

Acun gui hmu u netah, chang gui naw, “shin ah chang cu kat nak bik ciah im ah kai khai ah hteit ci nei” cine ng’htau ci gui.

JUDE 1:16

Cun ah chang gui cu angtäi sei nawmpang u ne, katnak phi chang am m’suh m’noh ci gui; ngami naw ami mät ah ng’yak hlü ah ak shekha cu läk ci gui; ami mät ah mawng pyein ne khäghah u ne, ami mät hmawk ah chang phi m’hlüngtai ci gui.

LAMKTU 13:45

Cun ung phi Judah chang gui naw chang khli cu hmu u netah, m’thüi na u ne, Paul ah ng’thu pyein cu ng’cuh püi ci gui.

LUKA 15:2

Pharisee gui la ng’thukhän saya gui naw, “Shin ah chang cu changshe gui dou gui ne, a täng ah ei awk püi gui ci nei” cine pyeinsak ci gui.

LUKA 5:30

Pharisee gui la Thukhän saya gui naw, “A i ah kyasei a khon look ci gui la changshe gui awn a täng ah nami ei awk ang?” ci ne k’she na gui ci gui.

MATTHE 20:10

Ak htük bäih ah bi lawk ci gui ah ghüh gui ah khin gawk law khätah, nangmi cu a hmün gui ah däm pi sei gah khai gui ah ngai ci gui.

MATTHE 20:12

Cun ah kya khätah ami ghüh gui naw, shin ah chang gui cu nayi ät ashäng hta vah bi bi tuk ci gui, keimi mü ne khohni ling ung kami bik ci. Cun ung phi nang naw ngami awn a täng düt ah na na cheng gui ci nei,’ cine lo mah ah pyein ba ci gui.

MAKUH 14:5

Shin ah tui ng’ui cu ngui pit thum ah yoi ne, ghawi pyam ci gui-am peit gui vai ah kha te ci nei” cine ami mät gui ng’htau u ne, cun ah hnumi cu m’kat ci gui.

JOHAN 6:41

Bawipa Jesuh naw, “Kei cu khankho ah kaa kya lawk ciah m’htut ah ka kyak ci” cik ci. Cun a cicu chang gui naw ngai khit u netah,

JOHAN 6:61

Cun ah ami ngaih khit cu a u naw kä am thein ah, Bawipa Jesuh naw hmat netah, “Shin ah ng’thu ah hmawk ah nami m’lungk’si ne ma?