MATTHE 20:1 - Cho Bible Common Language 2016

¹ “Khankho uknak cu shin ah mäih ah kyak ci. Kho hnüüp ät ung sapyit lo tak ciah chang tumat cu lo bi ah ng’ghüh khai ah kho ngawi hta ah hteit ngawi ci.

MATTHE 20:1 Referans Kwoze

MATTHE 13:47

“Cun kawn ah phi Khanpughi ah uknak kho cu shin ah mäih ah kyak ci. Nga shui ci gui cu tuili ung ng’vai ami vawih ung nga a hlü hlü uk ne phak ci gui.

MATTHE 13:24

Bawipa Jesuh naw a hei tumat awn m’tumtäng ne am thein ba gui cu, “Khankho uknak cu shin ah mäih ah kyak ci. Chang tumat naw aloma ah m’shi k’ni cu geit ci.

HEBRU 13:21

Nangmi naw dimdeeih nak ah Bawi, Khanpughi ah ang yak hlü nami läk nak hning vai ah, nik ci phung avan ning m’shumphyuk gui sä. Bawipa naw a mät ah ng’yak hlü ah mäih ah mikmi cu, Bawipa Jesuh Khrit awn na piangtham gui sä. Bawi Khrit cu Ngawiyä ang’täi sei Bawi mang ne om sä, Amen.

1 KORIN 15:58

Cun ah kyasei phäinau gui aw, khüi ne ng’düi ne ghaat ne ng’bi vä. Khanpughi ah khuut bi cu a i yah ung phi a kholä ah kä kyak ci, cicu hmuhmat u ne, angtäi sei khüighaat vä.

JOHAN 15:1

“Kei cu sapyit phung akcang ah ka kyak ci, Kapa cu kho ng’lei k’ngäng ah kyak ci.

MATTHE 25:1

“Cun ah akhin ung Khanpughi ah uknak kho cu shin ah mäih ah kyak khai. Hnü ät ung lamihta singhga cu chumah khai ah pamihta dou khai gui ah mei im kawt sek sek ne hteit ci gui.

MATTHE 22:2

“Khanpughi ah uknak kho cu shin ah mäih ah kya ci. Hngü ät ung ghangpughang tumat cu, a hta ah chu la ne m’um khai ah pawng hteim ci.

MATTHE 13:33

Bawipa Jesuh naw a hei awn m’tumtäng ne am thein ba mä gui cu, “Khanpughi ah uknak kho cu shin ah mäih ah kyak ci. Hnumi tumat naw k’co cu la netah, m’htut den pyii taang ät ung k’caw sei, m’htut den avan cu tho ne pai ci,” ciah kyak ci.

MATTHE 13:31

Bawipa Jesuh naw a hei tumat awn m’tumtäng ne a pyein cu, “Khanpughi ah uknak ah kho cu shin ah mäih ah kyak ci. Chang tumat naw anhta ui cu la ne aloma ah geit ci.

MATTHE 25:14

“Cun ah khin ung khankho uknak cu shin ah mäih ah kyak khai. Hnüp ät ung chang tumat cu lam hteit khai ah pawng m’hteim ci, ani naw ak changshäm gui khü gui netah, a khawh cu ap gui ci.

MAKUH 13:34

Cun ah mawng cu shin ah m’tumtäng nak awn täng ci; Chang tumat cu a kho hei ah hteit vai netah, a im cu ak chang shäm gui-am ap gui shüt ci. Ngami-am ami bi phäh phäh vai ah bi cu phäh m’sak gui ne ap gui shüt ci. M’kawt ngäng ci-am phi geing na ne a ngäng vai ah m’cäi shüt ci.

MATTHE 3:2

“Nami shetkat nak ng’nü ung ng’yu ba vä, Khanpughi ah uknak kho cu ng’et law pyii ci nei” cine ng’thu pyein ci.

MATTHE 23:37

“Aw Jerusalem! nang naw profet gui cu ngawn ne Khanpughi ah ng’shä tüih gui cu lung awn na vawi ci nei, ainu naw ang phiaa awn aihta gui ak boop gui ah mäih ah nak chang gui kei naw ka kut ng’hnim ung ka koi nak gui cu sho law aih ci nei, cun ung phi nang naw kei cu kä na na dou ci.

MATTHE 21:28

Cun kawn ah Bawipa Jesuh naw, “Nangmi naw a i hawkcha ah nami ngai ci ang? Chang tumat ung a htapa pahnih om ci. Ani cu a hta ng’vai ba ah hteit netah, ‘Ka hta tuhngawi sapyit lo ah hteit ne bi na bi vai,’ ci nak ci.

MATTHE 20:2

Ghüh ah ng’cheng man ah hnüüp ät ung tangka aphe ci awn cheng gui vai ah ghüh gui ne lo ah tüi gui ci.