MATTHE 2:7 - Cho Bible Common Language 2016

⁷ Cun kawn ah Herod ghangpughang naw hmuhmat chang gui cu a düm ah khü gui netah, aisi ah ang dang law nak ah akhin cu, ang khai ah ng’shi gui ci.

MATTHE 2:7 Referans Kwoze

SAM 55:21

Ani ah ang thu cu suuktui ah hnip pi ci, cun ung phi am lung kyong ah thüi nak om ci; Ani ah angthu cu situi mäih ah a dän ung phi, chim ah mäih ah ghat ci.

1 SAMUEL 18:21

Ani amät ng’htau ci, “Kei naw Michala cu David am ka pek khai; ka hta hnumi cu ani pha nak vai ah ka mang khai, cun ung ani cu Philistin gui naw ngawn khai gui.” Cun ah kyasei Saul naw a hnih vei nak ah David am, “Nang cu ka kawi ah na kyak khai” cik ci.

PHYAWN NAK 1:10

Ng’tuk nak a om law ung ngami cu mi ga gui ung ng’dawn tu u ne, na tu gui khai gui, cun kawn ah shin ah khaw ungka luat khai gui, Ngami ami da law ung phi mikmi naw mi shum nak gui vai mi shuui khai nei” cik ci gui.

THU PHLAAN 12:15

Shawk naw, cun ah hnumi cu tui naw a hteh vai ah am gawng awn tuinu ah ng’tat ne lawng khai ah muh ci.

KHEI NAK 24:17

Kei naw ngawi ah kaa vai ka teng ci, Israel pakhui cu ka hmuk ci. A cun ah pakhui ung ng’shü ciah aisi ah mäih ghangpughang tho lawk khai nei. Ani cu Israel chang ungka aisipa ah mäih lawk khai nei. Ani naw Moab ng’vaihta gui cu dep gui khai nei. Seth pakhui chang avan cu that gui khai nei.

MATTHE 2:1

Bawi Jesuh cu Judea kho, Bethlehem gawu ah, Herod ghangpughang ah uk yah ung ami hta nak ah kyak ci. Cun yah ung hnilaw lam ah kaa, aisi läk lawk ciah hmuhmat chang gui cu, Jerusalem ah gawk law u netah,

MATTHE 2:8

Cun ah ghangpughang naw, “Nangmi hteit ne ak hmaw cu nami hmuh vai ah nami shui vai, nami hmuh ung nami nam thein law ba vai, kei phi hteit ne ka khawihnah tuk khai,” cine m’cäi gui ci.

MATTHE 2:16

Herod cu hmuhmat chang gui naw ami theileh nak hmat netah ang htei ah m’lungshe ci. Cun ah kyasei ngami ah m’thein tu ah aisi ang dang nak ah khin cu m’khin ba netah, Bethlehem gawnu la apei ung pigaw gui ung kaa, a khokum kum goi la kum goi ah k’hmaw ba ciah ak hmaw gui cu avan ngawn sak gui ci.

LAMKTU 24:22

Felix cu a mawng a ma hmat ciah chang ah kya ne, ang shica nak gui cu ng’düm sak gui netah, “Gakap ng’vaipi Lisias gawk law khätah ning ng’thumcha peit gui vai nei” cine pyen na gui ci.