MATTHE 2:6 - Cho Bible Common Language 2016

⁶ ‘Judea kho ung om ciah Bethlehem gawnu, Nang cu Judea kho gawnu gui ung, Ak yaw pibäih ah kä na kyak ci nei, Ka chang Israel gui, lam shüm gui khai cu, Nang ungka dang lawk khai nei’ ciah om ci,” ci ne m’thein ba gui ci.

MATTHE 2:6 Referans Kwoze

MIKHAH 5:2

Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.

JOHAN 7:42

Messiah cu David Ghangpughang ah htang’shon, David Ghangpughang ah gawnu Bethlehem ung ng’tüi lawk khai ciah, cacim ung om ciah kä kyasei ang?” cik ci gui.

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

ISAIAH 40:11

Ani naw a htaw gui cu htoshäm ah mäih ah m’htei gui khai; Ani naw ktome hta gui cu k’bum gui ne, a kut awn bäm gui khai; Ami nu gui cu ang awigi ah lamshüm gui khai. Israel gui ah Khanpughi.

2 SAMUEL 5:2

Ayanä, Saul cu kami ghangpughang ah akiak yah ung phi, ng’tuk nak ung Israel chang gui ah ma na tawn ci, Bawipa ah a shaitak cu, nang naw achang gui cu na chuiso gui khai, ami uktu ah na kyak khai.”

KOLOSE 1:18

Ani cu apumsa ah kyak ciah Khrithabum ah lukhu ah kyak ci. Ani cu pumsa ah ghin nak ah ang yung ah kyak ci. Ani cu sih nak ung kaa tho ba ciah ng’tüi htük ciah Htapa ah kyak ci, ani bäng cu avan ung a om nak htük vai hmun om ci.

MATTHE 2:1

Bawi Jesuh cu Judea kho, Bethlehem gawu ah, Herod ghangpughang ah uk yah ung ami hta nak ah kyak ci. Cun yah ung hnilaw lam ah kaa, aisi läk lawk ciah hmuhmat chang gui cu, Jerusalem ah gawk law u netah,

EPHESIAN 1:22

Khanpughi naw ang nüng nüng cu Bawi Khrit ah khaw ka ah chah ne, khrithabum ung phi avan ah chunglu Bawipa ah ngoh sak ci.

1 SHONTÄP NAK 5:2

Judah pakhui cu a khüighat pikbäih ah kyasei, pakhui avan uk khai ah ani am ami pek ah kyak ci.

KHEI NAK 24:19

Israel pakhui naw ngami cu ng’thüng sak gui khai nei. Ak hnu ah pawih ba ci gui cu tuthat gui khai gui nei.”

JOHAN 21:16

Ak hnih vai nak ah Bawipa Jesuh naw, “Johan ah hta Simon, kei na nam hni ci ang” cine ng’shi ba mä ci. Peter naw, “Ä ya Bawipa, kei naw ka ning m’hni cu nang naw na hmat ci nei” ci ba ci. Bawipa Jesuh naw, “Ka htome gui nam htei vai nei bäi” ci ba ci.

EZRA 2:21

Shin ah gawnu gui ung ami pupa gui om man ciah chang gui phi law ba ci gui: Bethlehem — 123 Netopha — 56 Anathoth — 128 Azmaveth — 42 Kiriath, Jearim, Chephirah, and Beeroth — 743 Ramah la Keba — 621 Michmash — 122 Bethela and Ai — 223 Nebo — 52 Mak’bish — 156 Ahei Elam — 1, 254 Harim — 320 Lod, Hadid la Ono — 725 Jerikho — 345 Senaah — 3, 630

HEBRU 7:14

Bawipa Judah pakhui ung ang tüi law cu ak dei ang dang ah kiak ci. Moses naw taigü gui ah mawng a pyein nak ung, Judah pakhui cu kä pyein man ci.

THU PHLAAN 7:17

A i ah kyasei ci ung mangkiaang ah lai ung om ciah Htomehta naw, ngami cu ngung gui ne, ghin nak tui k’gei ah khawng nak ah khah püi gui khai. Khanpughi naw phi ngami ah mik ungka ng’phli tui phung cu ghu pe gui khai” cine pyein ci.

1 SHONTÄP NAK 2:51

Ani ah a hnih nak ah a hta Salma naw Bethlehem gawnu k’süm ci, ak thum nak ah a htapa Hareph naw Bethkadera gawnu k’süm ci.