MATTHE 2:5 - Cho Bible Common Language 2016

⁵ Ngahmi naw, “Judea kho, Bethlehem gawnu ah ng’tüi khai nei, Profet ah guk ah cacim ung:

MATTHE 2:5 Referans Kwoze

JOHAN 7:42

Messiah cu David Ghangpughang ah htang’shon, David Ghangpughang ah gawnu Bethlehem ung ng’tüi lawk khai ciah, cacim ung om ciah kä kyasei ang?” cik ci gui.

RUT 1:1

Suki gui naw ami uk sangung, cun ah kho ah kho yaw ci, Judah khaw Bethlehem ah ka chang tumat cu Moab khaw ah im tuk khai ah hteit ci, amät, akchu la a hta goi ni hteit ci gui.

1 SAMUEL 16:1

Bawipa naw Samuel am, “Saul ah phäh ah a i güt na cäi ng’ä khai ang? Israel ghangpughang ung ka, kei naw ka hnu na pyi ci nei. Cun ung phi tuhbäi oliv-situi la ne Bethlehem ah hteit ä, Jesse ming nak ciah hteit ä, a i ah kyasei ci ung, ani ah hta gui ung ka tumat cu ghangpughang vai ah kei naw ka ghü ci nei” cik ci.

RUT 2:4

Api shou hta khäta Baoz amät naw Bethlehem ah ka gawk law neb ii bik ci gui cu yavaih na gui ne, “Bawipa naw ning om püi gui sä” cik ci. Ngami naw, “Bawipa naw hriham ning pe sä” cik ci gui.

RUT 4:11

Cun ung angvai gui la chang gui naw, “Ä, keimi cu saksi ah kami kyak khai nei. Bawipa naw na chu cu, Rachela la Leah cu Jakob awn akda ah ami hta ah mäih ah akda ah hta sak sä. Nang cu Ephrath pahta ung bühmang ne Bethlehem ung na mingthang sä.

RUT 1:19

Ngani cu Bethlehem güt ung a täng ah law nine, gawk law ni khä ta, gawnu avan caicat ci gui, a cu ah om ciah hnumi gui naw, “Shin cu Naomi ang?” Cik ci gui.

JOSHUA 19:15

Acun ung pa ci gui cu, Kattath, Nahalala, Shimron, Idalah la Bethlehem ah kyak ci; mang gaw gha lei goi lawk ci, angveing ung ah gawnu gui mah ah kyak ci.

ATÜNNAK 35:19

Rachela cu si sei, Ephrath ah hteh nak lam pei ung k’phuh ci gui, cun cu tuhbäi Bethlehem ah kyak ci.

MATTHE 2:1

Bawi Jesuh cu Judea kho, Bethlehem gawu ah, Herod ghangpughang ah uk yah ung ami hta nak ah kyak ci. Cun yah ung hnilaw lam ah kaa, aisi läk lawk ciah hmuhmat chang gui cu, Jerusalem ah gawk law u netah,

MATTHE 2:4

Herod ghangpughang naw taigüpa gui la thukhän saya gui cu khü gui netah, “Messiah cu a hawi ah ng’tüi khai ang?” cine ng’shi gui ci.

SUKI GUI 17:7

Cun yah ung Judah khaw Bethlehem gawnu ung Levit chang nong tumat om ci.