MATTHE 2:4 - Cho Bible Common Language 2016

⁴ Herod ghangpughang naw taigüpa gui la thukhän saya gui cu khü gui netah, “Messiah cu a hawi ah ng’tüi khai ang?” cine ng’shi gui ci.

MATTHE 2:4 Referans Kwoze

LAMKTU 23:9

Ami ng’vookshan ah k’aw cu ng’shawng law pi k’täi khätah, Pharisee pati ungka thukhän saya gui cu ng’düi law u ne, “Shin ah chang ung hmakat nak i kä om ci, khankho chang naw baw, mümcha naw baw ng’thu m’sak ci ah kyak khai” ci ne ng’küükneet ne ng’cuh ci gui.

LAMKTU 6:12

Cun ah bi u neh chang akda gui, ami ng’vai gui lah ng’thu m’khä saya gui cu k’tü k’phlawh gui u sei, ngami naw Stephen cu phah neh kawngsi yung ah hteh püi ci gui.

MATTHE 21:23

Bawipa Jesuh naw pum im ah law ba ne am theithang gui yah ung taigüpa gui la ang vai gui cu Bawipa Jesuh ah pei ah law u netah, “Nang naw shin gui cu a i m’khüt näng nak awn na bi ang? Cun ah m’khüt näng nak cu a u naw a ning peit ang?” cine ng’shik ci gui.

MATTHE 7:29

A i ah kyasei ci ung ani naw thukhän saya gui ah mäih düt ah kä kyak ciah ah huham mah ne am theithang ah hmawk ah kyak ci.

LAMKTU 4:5

Angawi ung Judah ng’vai gui, agham gui lah ng’thu m’khän saya gui cu Jerusalem ah ng’bum ci gui.

JOHAN 18:3

Cun ah kyasei hnukuk Judas naw, Roman gakap gui la, taigüpa gui la Pharisee gui ngäng gui ciah chang gui cu thäm ne law püi gui ci. Ngami cu mei im ni mei k’däi ni, sehnet gui ni kawt ci gui.

JOHAN 8:3

Thukhän saya gui la pharise gui naw, hnumi tumat cu pami awn ani ng’yaw yah ung hmu u netah pha ne law püi ci gui. Ngami naw cun ah hnumi cu ami ma ah m’düih u netah;

JOHAN 7:32

Cun ah chang gui naw, Bawipa Jesuh ah mawng ami pyein cu ng’ya u netah, pharise gui la taigüpa gui naw, gakap gui cu tüi ne Bawipa Jesuh cu phaa sak gui ci gui.

JOHAN 3:10

Bawipa Jesuh naw, “Nang cu Israel chang gui ah saya ng’vai ah kia lang ne, cun ka cicu kä na hmat ci ma?

LUKA 23:10

Taigüpa gui la thukhän saya gui naw, Bawipa Jesuh cu akgai ah k’uum ne huut taap ci gui.

LUKA 20:19

Thukhän saya gui la taigü ng’vai gui cu, Bawipa Jesuh naw ngami-am ci gui ah amtumtäng cu hmat u netah, Bawipa Jesuh cu pha hlük ci gui. Cun ung phi chang gui cu kyih gui ci gui.

JEREMIAH 8:8

Nangmi naw a i hawkcha ah kei ah ka thukhän hmat ne, nami cüivai ciah nami pyen khai ang? Teng vä, thukhän gui cu kä ng’düng ciah cacim saya gui naw m’thawng pyi ci gui nei.

MAKUH 8:31

Cun kawn ah Bawipa Jesuh naw ang düihpüi gui-am, “Chang ah Htapa cu yaica nak akda bui awt khai, chang ng’vaigui, taigüpa gui la thukhän saya gui naw hnu ng’tuk püi khai gui. Ani cu ngawn khai gui, cun ung phi ak hnüüp thum hnüüp ung tho ba ne ghing ba khai” cine m’thein thang gui ci.

MATTHE 27:1

Kho ngawi hta sik ah taigüpa gui la ami ng’vai gui cu Bawipa Jesuh ngawn vai ah ng’ge ci gui.

MATTHE 26:47

Cun ah Bawipa Jesuh naw thu a pyein yah ung, ang düihpüi gha-lei-goi ung kaa, Judas cu, htung tawn ni, khim ni, kawt ci gui ah chang khli awn a täng ah gawk lawk ci gui. Cun ah chang gui cu taigüpa gui la ami ng’vai gui naw ami tüih law gui ah kyak ci.

MATTHE 26:3

Cun yah ung taigüpa gui la chang vai gui cu taigütung Kaiaphas ah mang im ah ng’bum ci gui.

MATTHE 21:15

Taigüpa gui la thukhän saya gui cu cäicat vai kyak ciah Bawipa Jesuh ah bi lawh gui cu hmu u ne, pum im kyong ah ak hmaw gui naw, “David ah Htapa cu m’hlüngtai vä,” cine a ming ng’shäu cu yak u netah, ang htei ah m’lungshe ci gui.

MATTHE 13:52

Cun ah kyasei Bawi Jesuh naw, “Khankho uknak kho ung düihpüi tumat ah kya lawk ciah chang phung cu, a im khei ung kaa, akhawh ak phyim akthai k’plawk ne law püi ciah, imah awn täng ci,” cine m’thein gui ci.

MALAKHI 2:7

Khanpughi ah akcang ah hmuhmat nak m’thei vai cu taigü gui ah bi vai ah kyak ci. Kei ah ng’yak hlü ng’thei tuk khai gui ah chang gui cu ngami ah hteit khai gui, A i ah kyasei ci ung ngami cu hlüngtai ciah Bawipa ah ng’shä tüih ah kyak ci gui.

SAM 2:2

Ami ghangpughang gui ng’tuk so u ne, uk ciah chang gui ng’sük u ne, Bawipa hnu ng’tuk püi ci gui, A ghü ah ghangpughang cu hnung’tuk püi ci gui.

EZRA 10:5

Cun ah kyasei Ezra naw tün ne taigü gui la Levit gui ah ami ng’vai gui la k’pawih ciah chang avan am, Shekaniah ah pyen ah mäih ah kami bik khai nei, ciah thukhän sak gui ci.

EZRA 7:6

Ezra cu Israel Khanpughi Bawipa naw Moses am a pek ah thukhän hmuhmat yüm yüm ciah hmuhmat cüivai chang ah kyak ci. A i ah kyasei ci ung Bawipa a Khanpughi naw hriham a pek ah kya ne, ghangpughang naw ani naw ak thäh phung cu pek ci. Artaxerxes ah uk nak akum chih nak ung Ezra cu Babilonia ah ka Jerusalem ah Taigü gui, Levit gui, Taigüim ung ng’äi awm ci gui, Taigüim ngäng ci gui la Bii bi gui ah kyak ciah Israel amshah ng’bum gui awn atäng ah law tuk ci gui.

2 SHONTÄP NAK 36:14

Cun kawn ah Judah ng’vai gui, taigü gui la chang gui naw ami peileng ah chang pakhui gui ah katnak om ih cu läk u ne, a gup khawihnah u ne Bawipa naw a theingcim sak Taigüim cu lelawi sak ci.

2 SHONTÄP NAK 34:15

Ani naw Shaphan am, “Kei naw thukhän ca-uk cu shin ah Taigüim kyong ah ka hmuk ci nei” cine pyen neta, ani naw ca-uk cu Shaphan am pek ci.

2 SHONTÄP NAK 34:13

A hei Levit gui cu khawh m’kawn m’hteh nak ung tängpang ci gui, bilawh nak päng ung bi bik ciah chang gui khawng mang ci gui. Amshah gui naw ca guk ci gui, amshah gui naw ngäng ci gui.

MATTHE 2:3

Acun ng’ya u netah Herod ghangpughang la Jerusalem ah chang gui cu cäicat yawp ci gui.

MATTHE 2:5

Ngahmi naw, “Judea kho, Bethlehem gawnu ah ng’tüi khai nei, Profet ah guk ah cacim ung: