MATTHE 2:23 - Cho Bible Common Language 2016

²³ Nazaret gawnu ah om tuk ci. Cun cu profet gui ah ng’thu pyein ung, “Ani cu Nazaret chang ah kyak khai nei” ciah om ci cu aküm nak ah kyak ci.

MATTHE 2:23 Referans Kwoze

SUKI GUI 13:5

Pami ah na hta kawn ah a lu kä k’teiu en pek vai, a i ah kyasei ci ung, ani cu hta nak ge ung tün ne Nazirit cine Khanpughi am ap ah kyak ci. Ani naw Israel gui Philistin gui ah kut ung gun nak gui vai cu tün ne bik khai.”

MAKUH 1:24

Cun ah chang naw, “Nazaret chang Jesuh Bawipa, nang naw keimi a i ah na na ci gui hlük ci ang? Keimi na nam di gui khai ah na lawk ci ang? Nang a u ah na kyak cu ka ning hmat ci nei, nang cu Khanpughi ah Theingcim ciah shä tüih ah na kyak ci nei” cine m’lau ci.

MATTHE 26:71

Ahei ami changshäm hnumi hta naw mä hmu netah, cun ung om ciah chang gui ah ma ah shin ah chang cu Nazaret chang Jesuh ah paw nei,” cik ci.

MATTHE 1:22

Shin ah amawngma gui cu profet gui-am Khanpughi naw am cäi nak gui ah ng’thu a khüm nak ah kyak ci.

LAMKTU 24:5

Shin ah chang cu k’tüphlawh thei ciah kyihkyawk vai ah chang ah kami hmuk ci nei. Ani naw khom’dek khan ung Judah chang gui thüngphyong khai gui ah tüihtok gui ci nei. Ani cu Nazaret chang ah pati ung ng’vai tumat ah kyak ci nei.

LAMKTU 2:22

“Israel chang gui kei ah ng’thu cu ngai yawp vä, Khanpughi naw cäi aih gui vai lah ngaih khit gui vai ah Nazaret chang Bawipa Jesuh ah m’khüt näng nak cu ani awn m’dang pyi ci nei. Cun ah amawng gui cu nami ng’lung ah ng’dang pyi ci kiah seih nami van naw nami hmat yawp pyi ci.

JOHAN 19:19

Pilat naw ca gu ne Bawipa Jesuh ah kutlamtung ung tai sak gui ci. Cun ah ca cu, “Jew chang gui ah ghangpughang Nazaret Jesuh” ciah kyak ci.

JOHAN 18:7

Bawipa Jesuh naw, “A u nei nami shui” cine ng’shi ba gui mä ci. Ngami naw, “Nazareth Jesuh nei” cine pyein ba ci gui.

JOHAN 18:5

Ngami naw, “Nazareth Jesuh nei” cik ci gui. Bawipa Jesuh naw, “Kei cu ani nei” cik ci. Hnukuk Judas cu ngami awn a täng ah ng’düi tuk ci.

LUKA 2:39

Josef la Mari cu Bawipa ah thukhän ami bi kawn ah ami pigaw Kalile kho Nazaret ah hteit ba ci gui.

LUKA 1:26

Eliyabeth am gai nak ak cha chuk nak ung, Khanpughi naw khankho chang Gabriel cu Kalile kho Nazaret gawnu ah tüi lawk ci.

KHEI NAK 6:13

Nazirit ah kyak ci naw shaitak a khüm law ah akiak ung ani naw thungyo cu abi vai. Ani cu Phung valuh nak ung a hteh vai.

1 SAMUEL 1:11

Hannah naw akthuuk ah shaitak ci: “Ak hlüngtai Bawipa, na teng ä, na changshäm! Ka khüikha nak cu na hmuh pe ne, na shüm ä! Kä na m’hnih ä! Htapa na na pek ah a kyak ung, a ghin nak avan cu nang am ka ning ap khai ah shai ka tak ci nei, ani naw a lusam cu kä at phung khai nei.

MATTHE 21:11

Chang khli gui naw, “Shin ah chang cu Kalile kho, Nazaret gawnu ah kaa profet Jesuh nei” cine ng’shäu ci gui.

MAKUH 1:9

Kä shou pha sei Bawipa Jesuh cu kalile kho, Nazaret gawnu ungka law ne, Jordan tuinu ung Johan ah tuihnim nak cu lak ci.

LUKA 18:37

Chang gui naw, Nazaret ah kaa Bawipa Jesuh a law ah mawng m’thein tuk ci gui.