MATTHE 2:2 - Cho Bible Common Language 2016

² “Tuhbäi ng’tüi lawk ciah Jew chang gui ah ghangpughang cu a hawi ang? Hnilaw lam ah ani ah aisi dang sei hmu u ne, ani cu khawihnah vai ah kami lawk ci nei,” cine ng’shi gui ci gui.

MATTHE 2:2 Referans Kwoze

KHEI NAK 24:17

Kei naw ngawi ah kaa vai ka teng ci, Israel pakhui cu ka hmuk ci. A cun ah pakhui ung ng’shü ciah aisi ah mäih ghangpughang tho lawk khai nei. Ani cu Israel chang ungka aisipa ah mäih lawk khai nei. Ani naw Moab ng’vaihta gui cu dep gui khai nei. Seth pakhui chang avan cu that gui khai nei.

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.

THU PHLAAN 22:16

“Kei Jesuh naw nangmi Khrithabum gui-am shin ah a mawng gui cu shäu ne ning m’thein gui khai ah ka khankho chang cu ka tüi lawk ci nei. Kei cu David ah hta ng’shon ah ka kyak ci, ng’shü ne khang ciah thaihke aisi ah phi ka kyak ci.”

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

ISAIAH 60:3

Chang pakhui gui cu nang ah akdei ung lut khai gui nei. Ghangpughong gui cu nang ah kho hnüüp thai, kho k’thai ung gawk lawk khai gui. Khai.

JOHAN 18:37

Pilat naw, “Cun ung nang cu ghangpughang ma?” cine ng’shi ba ci. Bawipa Jesuh naw, “Nang naw kei cu ghangpughang ah na na pyein ci, kei cu düngnak bäng ka pyein khai ah ng’tüi ne m’dek khan ah ka lawk ci. Düngnak awn om ciah chang phung naw kei ah ng’thu cu ngai ci gui” ci nak ci.

HEBRU 1:6

Cun ung phi Khanpughi naw ng’tüi htük ciah A Htapa cu m’dekhan ah a tüih law vai ung, “Khanpughi ah khanchang avan naw, Ani cu ami khawihnah vai nei”, ci ne pyein ci.

LUKA 23:38

Bawipa Jesuh ah alu khan ah phi, “Shin cu Jew chang gui ah Ghangpughang nei” cine ca gu ne tai ci gui.

LUKA 23:3

Pilat bawi naw, Bawipa Jesuh-am nang cu Jew Ghangpughang ah na kyak ci ma?” cine ng’shik ci. Bawipa Jesuh naw, “Na pyein ah mäih ah kyak ci nei” cik ci.

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

JOHAN 5:23

Cun ah kyak sei Apa kyih-aa ah mäih ah A Htapa phi chang van naw a kyih aa vai nei. A Htapa kä kyih aa ci cu, tüi lawk ciah Apa kä kyih-aa ciah kyak ci.

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

LUKA 19:38

Ngami naw, “Khanpughi ah ming awn kyum lawk ciah, Ghangpughang ung Khanpughi ah yeikyai nak om sä. Khankho ung ding gei nak om sä; Khanpughi ah bämang nak cu Khankho ung be sä” cine m’lau ci gui.

LUKA 2:11

Tuhngawi David ah gawnu ung Khrit Bawipa, nami Hunbawi cu ng’tüi pyi ci nei.

JEREMIAH 30:9

Cunnak vaisü ung ngami naw Bawipa ami Khanpughi la David ah htangshon, kei naw ghangpughang ah ka hmoh law vai ah abii cu loik khai gui.

SAM 45:11

Nang ah na kyom cu ghangpughang naw m’hni khai nei; Ani cu na bawi ah kyak ci, cun ah kyasei na ngaih vai.

JOHAN 9:38

Amik m’dauh te ciah chang naw, “Bawipa, ka ning yum ci nei” ci ne Bawipa Jesuh ah ma m’khu khudong ne kyap ci.

JOHAN 19:19

Pilat naw ca gu ne Bawipa Jesuh ah kutlamtung ung tai sak gui ci. Cun ah ca cu, “Jew chang gui ah ghangpughang Nazaret Jesuh” ciah kyak ci.

JOHAN 12:13

Ngami cu hliip hnah, m’chum hnah gui kawt ne law u netah, “Khanpughi ah bämang nak cu m’hlüngtai vä! Khanpughi ah ang ming awn kyum lawk ciah Bawipa ah khan ah hlüngtai nak om sä! Israel Ghangpughang ah khan ah Khanpughi ah m’shumphyuk nak om sä!” cine m’lau ne Bawipa Jesuh cu ana dou ci gui.

MATTHE 27:11

Bawipa Jesuh cu Roman bawi ah ma ah gawk law khätah, ani naw, “Nang cu Jew chang gui ah ghangpughang ah na kyak ci ma?” cine ng’shik ci.

JOHAN 20:28

Thomas naw, “Ka Bawipa La Ka Khanpughi ah na kyak ci nei” cine pyein ci.

MATTHE 21:5

“Zion mang gaw-am thu nami m’thein vai cu, ‘Teng tu vä, nami ghangpughang cu nami om nak ah gawk law ci nei! Ani cu hniphnoi ng’awi gi ne, Phuih näng ciah a hta ng’sehta ung cun ci nei,” ciah kya ci.

MATTHE 2:3

Acun ng’ya u netah Herod ghangpughang la Jerusalem ah chang gui cu cäicat yawp ci gui.