MATTHE 2:13 - Cho Bible Common Language 2016

¹³ Hmuhmat chang gui ami hteh ba kawn ah Khanpughi ah khankho chang cu Josef ah ih mang ung dang law netah, “Herod naw ak hmaw cu ngawn vai ah shui lawk khai nei, tho law ne ak hmaw la anu cu Ejip kho ah dawng püi goi ä, Kei naw ‘Law ba vä,’ kä ka ci pha ah chuih a cu ah na om püi goi vai nei,” cine pyein ci.

MATTHE 2:13 Referans Kwoze

LAMKTU 12:11

Peter cu ang shüm law ba kawn ah, “Khanpughi naw a khankho chang cu tüi law ne, Herod ah kut ungka la Judah chang gui naw kei ah khan ah ami bi law vai ah yaica nak ungka a na phiawn cu tuk bäi ka hmat pyi ci nei” cik ci.

LAMKTU 10:7

Khankho chang hteit ba khäh tah Konelius naw ak changshäm hnih la yum nak om ciah ang ngaih u ah gaakap tumat khü gui netah,

LAMKTU 5:19

Cun ung phi khaw mü ah Khanpughi ah khankhaw chang naw, thawng m’kawt cu hmawng ne, ang düihpüi gui cu ak pung ah m’hlaut gui netah,

MATTHE 2:12

Herod ghangpughang ah om nak lam ah kä ami hteh ba vai ah Khanpughi naw ami ng’mang ung m’thein gui khätah, ngami cu alam hei ung ami kho ah hteit ba ci gui.

MATTHE 1:20

Cun ah a ngaih-tüh sang ung Khanpughi ah khankho chang naw, a ih mang ung, “David ah hta ng’shon Josef aw, Mari nakchu nak vai ah mawng cu kä na ng’ä ng’ai vai nei, ani cu Mumcha Theing naw vang na sei, käü mah ciah kyak ci.

PHYAWN NAK 1:22

Ak hnu ah ghangpughang naw a chang gui am, “Ng’thumkhän ne a pek gui cu, “Hebru chang gui ami hta ung pami phung cu, Nile tuinu ung nami shum vai, hnumi hta gui cu nami ghin sak gui vai” ciah kyak ci.

MATTHE 2:16

Herod cu hmuhmat chang gui naw ami theileh nak hmat netah ang htei ah m’lungshe ci. Cun ah kyasei ngami ah m’thein tu ah aisi ang dang nak ah khin cu m’khin ba netah, Bethlehem gawnu la apei ung pigaw gui ung kaa, a khokum kum goi la kum goi ah k’hmaw ba ciah ak hmaw gui cu avan ngawn sak gui ci.

JOB 33:15

Mü ah chang gui ami ih yah ung Khanpughi naw, ng’mang la muimang ung thu pyen ci.

JOB 33:17

Ami katnak ami m’düm vai la chang ah ami ng’shei nak ungka hun gui vai ah Khanpughi naw ng’thu pyen ci.

JOSHUA 4:18

taigü gui tuikam ah ami gawk law kawn ah tuinu cu long ba ne tuikam avan plüm ba ci.

THU PHLAAN 12:14

Cun ah hnumi cu khaw k’häu ung a yawn nak thei vai ah vanbuk hmu ah ng’phia hnih cu gah ci. Ani cu acu ah kum thum la avang ung shawk kphyunu ah gaa phiawn nak khai ah m’hteihtang khai gui ah kiak ci.

LAMKTU 16:36

Cun ah kyasei thawng bawi naw, Paul am, “Bawi naw, nang la Silas cu ning chah ba gui vai ah k’bäi ci nei, cun ah kyasei dimdeeih nak awn hteit ba nä” cine m’thein ci.

LAMKTU 10:22

Cun ah chang gui naw, “Keimi cu kaptain Konelius naw ana tüih law gui nei, Ani cu chang k’ni, Khanpughi yum ci, Jew chang gui naw ami kyih aa ah chang ah kyak ci nei. Khankho chang naw ani ah ma ah nang ning khü ne, na thu a ngaih vai ah pyein ci nei” cine pyein ci gui.

LAMKTU 7:19

Cun ah ghangpughang naw mi pughi gui cu m’khawi hnga gui neh shedam nah gui ci. Ami hmaw hta gui ami sih vai ah imah ak pung ah hta sak gui ci.

MATTHE 10:23

Pigaw tumat ung ami ning shedam nak gui ung, a hei pigaw ah nami dawng vai. Kei naw akcang ka pyein cu, Israel kho pigaw päng ung bilawh vai kä nami bi yawp pha ung, chang ah Htapa cu kyum lawk khai nei.

JOSHUA 3:17

Chang gui ng’lei ak hu ung ami hteh yah ung, Bawipa ah Thukhän M’küm kawt ciah taigü gui cu, Jordan tuinu ah ang lung ng’lei hu ung changh avan naw ami hei kah güt ung ng’düi ci gui.

THU PHLAAN 12:6

Hnuminu cu bunghmu ah Khanpughi naw a pyan nak peitah hteit ci. A cu ah hnüüp 1, 260 ung ani cu ami m’hteihtang ah kyak ci.

JOSHUA 4:10

Chang gui naw ami bi vai am thein gui vai ah Bawipa naw Joshua am ang thukbäi a päng kä ang pyi pha ah chuih, taigü gui cu Jordan tuinu ah anglung ung düi ci gui. Cun cu Moses naw ang thumkhän ah kyak ci. Chang gui naw ang ghit ah tuinu cu kat ci gui.

JOSHUA 3:13

Khomdek avan ah Bawipa ah Thukhän M’küm kawt ciah taigü gui naw ami khaw awn tui ung ami ng’leh ah a kyak ung, Jordan tui a lon cu düm khai, long ciuah tui cu vangtäng ah ng’bum yawp khai.”

THU PHLAAN 12:4

Ani naw khankho mik ah aisi gui bumthum bum ät cu ang mei awn hang kui ne m’dek ah yuk chah gui ci. Cun ah shawk sennu cu hnuminu ah maa ah ng’düi ne, a hta law nak ge vai ah ak hmaw cu, ei khai ah ngäng ci.

MATTHE 2:22

Cun ung phi Judea kho ung Archelaus cu apa Herod ah hnün ung ghangpughang ah ngoh ba ne om ci. Acun cu ng’ya netah Josef cu Judea kho ah a hteh ba vai ah kyik ci. Cun ah kyasei ani cu Khanpughi naw ang mang ung ak phlan ah mäih ah Kalile kho ah hteit ne,

1 GHANGPUGHANG GUI 3:5

A cu mü ang mang ung Bawipa cu ng’dang law neta ani cu ng’shik ci, “Kei naw a i ka ning pek vai ang na ng’yak hlü?”

MATTHE 2:14

Josef cu tho law ne, ak hmaw la anu cu khomü ung Ejip kho ah hteh püi gou netah, Herod a sih güt a cu ah om püi goi ci.

LAMKTU 12:7

Khanpughi ah khankho chang cu ang ghit ah Peter ah pei ah ng’düi law sei, thawng im kyong cu dei ne khang ci. Khankho chang naw Peter cu ak phleing ung pang ne, “Ang ghit ah tho law” ci ne m’tho ci. Acun vai am Peter ah kut ung m’si gui gui cu ng’phian ne yu kya vü yawp ci.

1 GHANGPUGHANG GUI 11:17

Hadad la apa ah Edomit changshäm gui, Egypt ah dawng ci gui bäng phyawng ci gui. Cun sangung Haded cu a hmaw hta ah kyak ci.