MATTHE 2:12 - Cho Bible Common Language 2016

¹² Herod ghangpughang ah om nak lam ah kä ami hteh ba vai ah Khanpughi naw ami ng’mang ung m’thein gui khätah, ngami cu alam hei ung ami kho ah hteit ba ci gui.

MATTHE 2:12 Referans Kwoze

MATTHE 2:22

Cun ung phi Judea kho ung Archelaus cu apa Herod ah hnün ung ghangpughang ah ngoh ba ne om ci. Acun cu ng’ya netah Josef cu Judea kho ah a hteh ba vai ah kyik ci. Cun ah kyasei ani cu Khanpughi naw ang mang ung ak phlan ah mäih ah Kalile kho ah hteit ne,

MATTHE 2:19

Herod asih kawn ah Khanpughi ah khankho chang naw, Ejip kho ah Josef ah ih mang ung,

MATTHE 2:13

Hmuhmat chang gui ami hteh ba kawn ah Khanpughi ah khankho chang cu Josef ah ih mang ung dang law netah, “Herod naw ak hmaw cu ngawn vai ah shui lawk khai nei, tho law ne ak hmaw la anu cu Ejip kho ah dawng püi goi ä, Kei naw ‘Law ba vä,’ kä ka ci pha ah chuih a cu ah na om püi goi vai nei,” cine pyein ci.

MATTHE 27:19

Pilat cu ng’thumcha nak yung ah a ngoh yah ung akchu naw chang tumat tüi law ne, “Cun ah katnak kä bik ciah chang cu, a i ah phi kä na ci-en vai nei, yanmü kang mang ung ani ah phäh ah kam lung kyong ang htei ah yaica ci nei,” cine pyein law sak ci.

MATTHE 1:20

Cun ah a ngaih-tüh sang ung Khanpughi ah khankho chang naw, a ih mang ung, “David ah hta ng’shon Josef aw, Mari nakchu nak vai ah mawng cu kä na ng’ä ng’ai vai nei, ani cu Mumcha Theing naw vang na sei, käü mah ciah kyak ci.

PHYAWN NAK 1:17

Sayama gui cu Khanpughi kyih aa ci gui ah kya ne, ghangpughang ah ng’thu cu kä ngai ci gui, pami hta gui cu ghin sak ci gui.

ATÜNNAK 31:24

A cun ah mü ung Khanpughi cu Laban ah ih mang ung law neta, “Na geing nak vai nei, Jakob cu a i ah kä na ci en vai nei” cine pyen nak ci.

HEBRU 11:7

A ngawi ah gawk lawk khai ah kä hmu hning ah a mawng gui, Khanpughi naw khän ne am cäi nak Noah naw ang yak cu a yum nak awn ah kyak ci. Ani naw Khanpughi ah thu ngai ne amät ah kiong khui ah phiawn nak ah hteinpaw im cu co ci. Cun ah khomdek chang gui ah shetkat nak cu dang sak ne, ani cu a yum nak awn Khanpughi ung düng nak cu gah ci.

LAMKTU 5:29

Peter la apaw gui naw, “Keimi ah ngaih vai cu Khanpughi ah kiak ci, chang ah kä kyak ci.

LAMKTU 4:19

Cun ung phi Peter la Johan naw, “Nang mi ah ng’thu ngaih vai lah Khanpughi ah ng’thu ngaih vai cu, Khanpughi lam ah ngaih ung a i, ang düng pi ah na mi mät naw m’khoi chah vä;

DANIEL 2:19

Acun ah mu “Ung cun ah thuuk ciah mang cu Daniela ah muimang ung dang law khäta, ani naw khankho Khanpughi cu m’tamkhah ci:

1 KORIN 3:19

Khomdek chang gui naw cüivai nak ah ami ngaih cu Khanpughi ah maa ah akholä ah kyak ci. Cacim ung, “Khanpughi naw hmuhmat ciah chang gui cu ami mät ah theileh nak awn pha ba gui ci” ciah om ci.

LUKA 2:26

Mumcha Theing cu ani awn a täng ah om ne, “Nang cu Khanpughi ah shaitaak ah Messiah kä na hmuh pha ung kä na sik khai” ci ne am cäi ah kyak ci.

LAMKTU 10:22

Cun ah chang gui naw, “Keimi cu kaptain Konelius naw ana tüih law gui nei, Ani cu chang k’ni, Khanpughi yum ci, Jew chang gui naw ami kyih aa ah chang ah kyak ci nei. Khankho chang naw ani ah ma ah nang ning khü ne, na thu a ngaih vai ah pyein ci nei” cine pyein ci gui.

HEBRU 8:5

Taigü gui ah bilawh nak cu khankho ah khawihnah nak ah a müi ah ang hniim ah kyak ci. Moses ah bilawh gui cun phi acun ah mäih ah kyak ci. Moses naw thukhän kho phung a cawh law vai ung, Khanpughi naw, “M’htung khan ah ka ning m’hnuh ah mäih ah apäng avan cu käm hnih en ne, na pyan vai nei,” cine am cäi ah hmawk ah kyak ci.