MATTHE 2:11 - Cho Bible Common Language 2016

¹¹ Ngahmi cu im kyong ah va lut u netah, ak hmawhta cu anu Mari awn atäng ah hmuk ci gui. Cun kawn ah ngami cu m’khuukdoong ne kaup u netah, ami law püi ah ghui ni, Frankinsen tui ng’ui ni, mura tui ng’ui ni gui awn khawihnah ci gui.

MATTHE 2:11 Referans Kwoze

ISAIAH 60:6

Dämduh ciah kala-uk ng’nawng gui cu, Midian la Ephah khaw ah ka lawk khai gui nei. Ngami cu Sheba khaw ah ka law u ne, ghui la tui ng’ui law püi khai gui nei. Bawipa naw bi abi ah mawng thu ni cu chang gui naw pyen khai gui nei!

SAM 72:10

Spain la khohmun ghangpughang gui naw m’cümhnah nak pe lawk khai gui. Sheba la Seba ghangpughang gui naw khawihnah nak pe lawk khai gui.

LUKA 2:16

Gawk u netah, Mari la Josef la vantang ko ung ami m’ih ah ak hmawhta cu hmuk ci gui.

MATTHE 2:2

“Tuhbäi ng’tüi lawk ciah Jew chang gui ah ghangpughang cu a hawi ang? Hnilaw lam ah ani ah aisi dang sei hmu u ne, ani cu khawihnah vai ah kami lawk ci nei,” cine ng’shi gui ci gui.

SAM 95:6

Law vä, ama ah kawp ne mi khawihnah khai; Na tüisho gui ciah Bawipa ah ma ah mi m’khuukdong khai nei!

SAM 72:15

Ghangpughang cu ghi ne ghing sä! Arabia kho ah ghui cu pe law u sä; Ang täi sei taigü pe u sä; Khanpughi ah m’shumphyuk nak angtäi sei om sä!

1 GHANGPUGHANG GUI 10:2

Ani naw chang akda khah püi ne, ghui akda, pyülung gui la tui ng’ui gui akda ami phuih sak ah, kala-uk gui law püi ci.

THU PHLAAN 19:10

Cun ah kyasei kei naw a khaw pei ah kawp ne ka khawihnah khai pawng ngätah, khankho chang naw, “Kä na bi vai! Kei cu nangni, na phäi nau gui ni, Bawipa Jesuh ah m’dang ah ang thu düng läk ciah chang gui ni ah püipaw changshäm ah ka kyak ci, Khanpughi vah na khawhnah vai” cine na pyen nak ci. Bawipa Jesuh ah m’dang ah ng’thu düng awn vah purofet gui cu hnün thawh nak gah ci gui.

MATTHE 14:33

Hleiko khan ah om ciah ang düihpüi gui cu Bawipa Jesuh ah kawp ne ngüm yawp u netah, “Nang cu akcang ah Khanpughi ah Htapa ah na kyak ci nei,” cik ci gui.

THU PHLAAN 5:8

Cun ah a lak vai-am khiküi paphli la aghaampa m’ku-lei-phli cu, htomehta ah maa ah kawp yawp u ne, ak chang sing naw tingtäu bäng bäng la Khanpughi ah chang gui ah taigü nak ah kya ciah tui ng’uui awn be ciah ghui eikbei gui cu kawt sek sek u netah,

LUKA 2:38

Ak hmaw ami ap law sang ung cun ah hnumi cu gawk law netah, Khanpughi m’hlüngtai ci! Cun kawn ah Jerusalem cu hun lawk khai’ ciah ngäng ci gui ah chang gui-am, ak hmawhta ah mawng cu m’thein gui ci.

1 SAMUEL 10:27

Cun ung phi chang pyawipye gui naw, “Shin ah mi mät ah mäih chang naw a i hawi ah akni na bi pe gui hning khai aw?” cik ci gui. Ngami naw Saul cu päipih u ne, m’cümhnah nak a i phi kä law püi ci gui.

TAIGÜTHUM 6:15

Ani naw m’htut den shum ät la situi cu la ne, tui ng’ui awn sonkiang khan ah m’khih ci, cun cu Bawipa am avan douthak ah bi ah kyak ci. Cun ah douthak ah ang ui cu Bawipa naw yeikyai nak ci.

PHYAWN NAK 30:34

Bawipa naw Moses am, “Shin ah aka ung guk ah ang ui gui ungka, a täng täng ah na lak vai, ng’ui ciah m’long pli, ng’ui ciah nga phlep, kalabun sing pli, theing ciah lawpan sing pli,

ATÜNNAK 43:11

Ami pa naw ngami am, “Cun ah a kyak ung uk ciah bawi am nami pek vai ah, mi khaw ungka akni pi gui ah kyak ciah sing ui api, khoitui, cünggük, hei theih la sing theih gui hteh püi vä.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

SAM 45:8

Na suisak cu tui ng’ui la sing ng’ui ah ng’ui ci; Tum ng’lam ng’äi awm ci gui naw m’vui ha awn cawh ah mang im ung ning khin nak ci gui.

SAM 2:12

Kä cun ung ani ak yaang ah m’lung she law sei, Nangmi ang ghit ah nami si lawk khai. Am lungshe nak awn ang ghit ah nami maih khai, Ani ung yii ciah chang phung cu yeikyai nak om ci nei.

1 GHANGPUGHANG GUI 10:10

Ani naw a law püi ah m’cümhnah nak cu Ghangpughang Solomon am pek ci; phia phli kilokram ah däm ciah ghui la tui ng’ui la pyülung akda ah kyak ci. Cun ah hnumi ah pek ah tui ng’ui cu ani naw a gah man ni ciah dämduh pikbäih ci.

PHYAWN NAK 30:23

“Ni pikbäih ciah ang ui cu na lak vai. Mura tui pawng 12, tuihlim ciah sing ui pawng 6, tuihlim ciah m’htubei pawng 6,

SOLOMON NG’Ä~ 3:6

Bungpuk ah kaa meikhu ah mäih ah khu lawk cicu a i ang, tui ng’ui la mura ah ng’ui ci, sumlei ci gui ah ami yoih ah tui ng’ui ang?

MATTHE 1:18

Jesuh Khrit ang tüi law ah mawng cu shin ah kyak ci; Mari cu Josef ung ami beit kawn ah, kä ani ni om ng’chungla pha ung, Mumcha Theing awn käü mah lawk ci.

MATTHE 2:10

Cun ah aisi naw ngami cu lam shüm gui lä ne, ak hmawhta ah omnak ung gawk netah ng’düm ci.

MATTHE 12:46

Bawipa Jesuh naw chang gui am theithang gui yah ung, anu la anau gui cu gawk law u neh, ani awn ng’hmuh hlü u netah akpung ah ng’düi ne ak ngäng ci gui.

JOHAN 19:39

Ayan khomü ah Bawipa Jesuh hmu law te ciah Nikodemus cun phi, tui ng’ui a hlü hlü pit m’ku-lei-hma law püi ne, Josef cu läk tuk ci.