MATTHE 2:1 - Cho Bible Common Language 2016

¹ Bawi Jesuh cu Judea kho, Bethlehem gawu ah, Herod ghangpughang ah uk yah ung ami hta nak ah kyak ci. Cun yah ung hnilaw lam ah kaa, aisi läk lawk ciah hmuhmat chang gui cu, Jerusalem ah gawk law u netah,

MATTHE 2:1 Referans Kwoze

MIKHAH 5:2

Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.

JOHAN 7:42

Messiah cu David Ghangpughang ah htang’shon, David Ghangpughang ah gawnu Bethlehem ung ng’tüi lawk khai ciah, cacim ung om ciah kä kyasei ang?” cik ci gui.

LUKA 2:11

Tuhngawi David ah gawnu ung Khrit Bawipa, nami Hunbawi cu ng’tüi pyi ci nei.

ISAIAH 11:10

David ah uknak ng’shon ungka, pakhui gui m’hnüt nak vai ah ghangpughang akthai cu ani ah uknak mang gaw ung ng’bum u neta, ani cu m’tamkhah khai gui.

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

MATTHE 2:5

Ngahmi naw, “Judea kho, Bethlehem gawnu ah ng’tüi khai nei, Profet ah guk ah cacim ung:

MATTHE 1:25

Cun ung phi Mari kä a hta pha ah chuih Josef naw kä ih om püi ci. Cun ah hta cu Josef naw Jesuh ah ang ming sui ci.

LUKA 2:15

Khankho chang gui khankho ah ami hteh ba kawn ah, htoshäm gui cu ami mät ng’htau u ne, “Mikmi Bethlehem ah mi hteit khai, Khanpughi naw ana m’thein gui cu hteit ne mi teng khai” cine ng’ge u netah Bethlehem ah hteit ci gui.

LUKA 1:5

Judea kho ung Herod ghangpughang naw a uk sang ung Taigü kyong chang Zechariah ming nak ciah taigü om ci. Ak chu cun phi taigü kyong ungka Eliyabeth ming nak ciah kyak ci.

1 GHANGPUGHANG GUI 4:30

Akyangtäng ung cüivai chang gui la Egypt khaw ung cüivai chang gui avan nata Slolomon cu cüivai pi ci.

ATÜNNAK 25:6

Cun ung phi ani cu ghing yah ci kya neta, a hei ak chu gui awn ami hta gui am phi a khawh cu pe gui ci. Cun ah a hta gui cu Isaak awn ng’shawng ne om khai gui ah hni law lam ah tüi gui ci.

MATTHE 2:19

Herod asih kawn ah Khanpughi ah khankho chang naw, Ejip kho ah Josef ah ih mang ung,

MATTHE 2:3

Acun ng’ya u netah Herod ghangpughang la Jerusalem ah chang gui cu cäicat yawp ci gui.

ATÜNNAK 10:30

Ngami naw ami khaw cu Mesha gawnu ungka naw Shepha, hni law täng khaw gui khüt khai ah ng’shawng ci.

JOB 1:3

Ani ung htome phya chih kip, kalauk phya thum kip, seipat phya gha la ng’sela phya hma om ci. Anu ung a changshäm phi akda om ci, Ani cu ak kyang täng ung ang bühmang pi ah kyak ci.

ATÜNNAK 41:8

Ghangpughang cu ang’ä ai neta, a ngawi ung kho ngawi, puikaih gui la chang vai gui cu khü gui ne, ang mang cu m’thein gui ci. Cun ung phi a u naw kä k’phlan thei ci.

SUKI GUI 17:7

Cun yah ung Judah khaw Bethlehem gawnu ung Levit chang nong tumat om ci.

MATTHE 2:7

Cun kawn ah Herod ghangpughang naw hmuhmat chang gui cu a düm ah khü gui netah, aisi ah ang dang law nak ah akhin cu, ang khai ah ng’shi gui ci.

MATTHE 2:16

Herod cu hmuhmat chang gui naw ami theileh nak hmat netah ang htei ah m’lungshe ci. Cun ah kyasei ngami ah m’thein tu ah aisi ang dang nak ah khin cu m’khin ba netah, Bethlehem gawnu la apei ung pigaw gui ung kaa, a khokum kum goi la kum goi ah k’hmaw ba ciah ak hmaw gui cu avan ngawn sak gui ci.

1 SHONTÄP NAK 2:51

Ani ah a hnih nak ah a hta Salma naw Bethlehem gawnu k’süm ci, ak thum nak ah a htapa Hareph naw Bethkadera gawnu k’süm ci.