MATTHE 19:9 - Cho Bible Common Language 2016

⁹ Kei naw akcang ka pyein cu, pami naw ak chu cu, ak pami hei awn ani shetkat nak kä a om ah khawi ung, a i katnak a om ung phi kä ang chaa-en püi vai, ak chu ng’chaa püi ne, a hei chu na tu ba ci cu, ak chu ah khan ah katnak bik ciah kyak ci,” ci ne m’thein gui ci.

MATTHE 19:9 Referans Kwoze

MATTHE 5:32

Cun ung phi chang tumat naw akchu cu, a hei awn akat nak kä om ciah ang chaa püi ah a kyak ung akchu ah khan ah katnak bik ciah kyak ci. Acun ah hnumi chu na tu ba ci cun phi, chang ah chu kat püi ciah kyak ci’ cicu ka ning m’thein gui ci.

LUKA 16:18

Akchu nawng ne a hei chu na tu ba ciah pami cu, akchu ah khan ah kat nak bik ciah kyak ci. Chang ah ng’chaa püi ah hnumi chu nak ci cu chang ah chu kat püi ciah kyak ci.

1 KORIN 7:39

Ceimah ciah hnumi cu acei a ghin yah ah chuih khihpawn nak om ci; Cun ung phi acei a sih kawn ah a u pami phi amät ah m’hni cei na tuba hning ci, acei tuba cu khriatian bäbä ah a kyak nai.

1 KORIN 5:1

Khritha ah kä kyak ci gui hngaw naw shetkat ciah ami ngaih ah ng’yaw ng’pawm pletbeng nak cu nang mi ung om ciah ka ng’yak ci. Chang tumat cu anu chui awn ng’yaw ne ip ci goi ciah ka ng’yak ci nei.

JEREMIAH 3:8

Judah naw phi hmuk ci, kei naw Israel cu ng’cha püi ne, ahei ah ka k’täm ci, a i ah kyasei ci ung ani naw kei na ng’hla ta ne pawmya chang ah ani cu kya lawk ci, cun ung phi Judah, Israel ah kä bekhüt ciah abe, ani cu kä kyik ci, ani phi pawmya ah kyak ci,

ATÜNNAK 20:3

Mü ät ung Khanpughi cu ang mang ung dang law neta, “Nang cu shin ah hnumi na k’chu nak ah phäh ah na sik khai, shin cu ami chu ah kyak ci” cine pyen nak ci.

EZEKIEL 16:29

Nang cu sumlei ciah kawh ah kyak ciah Babilonian ah paum zau Chang ah phi nakiak ci, cun ung phi cun awn nang cu kä na ng’büh ci.”

EZEKIEL 16:15

“Cun ung phi nang naw na kyom nak la na ming thang nak cu anglat ah mang ne, lawk ciah chang phung awn atäng ah na ni ip ci.

JEREMIAH 3:1

Bawipa naw pyen ci, “pami naw a chu angtha püi ah a kyak ung, cun ah hnumi naw ani htet ta neta, ahei pami a cei nak ba ah a kyak ung, ani naw cun ah hnumi cukä cu na ba hning ci. Acun ah khan avan lelawi sak khai nei. Cung ung phi Israel, nang ung na m’hni da aih ci, nang tuhbäi kei ah na law ba hlük ci!

1 KORIN 7:4

Ak chu naw amät ah pumsa cu kä khäm ci, acei naw khäm ci; acun ah mäih ah acei naw amät ah pumsa cu kä khäm ci, ak chu naw khäm ci.

EZEKIEL 16:8

“Kei naw ka ning sun law bam ä ung, nang cu yumhni vai ah akhin ah na gawk law cu ka ning hmuk ci. Kei naw ka suinu awn na pumsa cu ning shung neta ka ning m’hni vai ah shaitak ba bik ci. Cun kawn ah nang awn ng’pui khah vai ah thukhän cu ka bik ci, cun ah kyasei nang cu kei ah chu ah na kya lawk ci.” Shin cu Uktu Bawipa naw a pyen ah kyak ci.

2 SHONTÄP NAK 21:11

Ani naw Judean khawgui hlüng ung kho she khawihnah nak hmun gui phi co ne, Judah la Jerusalem chang gui am Bawipa hnungtuk ne katnak bi sak gui ci.

MATTHE 19:8

Bawipa Jesuh naw, “Nangmi cu pyein kä nami ng’yak ciah chang gui ah kya uk ci sei, Moses naw nami chu awn nami ng’chaa hning ciah a pyein ah kyak ci, cun ung phi ng’tüi law htük yah ung cun ah kä kya man te ci.

MATTHE 19:10

Ang düihpüi gui naw, “Chungla goi ah ng’lak cun ah a kyak läi ung käng chula ne om ung bä tu ba khai,” cine pyein ci gui.