MATTHE 19:6 - Cho Bible Common Language 2016

⁶ Cun ah kyasei ngahni cu hnih ah kä kya ba ci, tumat ah kyak ci. Khanpughi naw ang puikhah sak cu chang naw kä am chaa-en vai nei’ ciah cacim cu kä nami phat man ne ma?” cine kyak na gui ci.

MATTHE 19:6 Referans Kwoze

MAKUH 10:9

Khanpughi naw ang puikhhah sak cu chang naw kä am chaa-en vai nei” cine m’cäi gui ci.

HEBRU 13:4

Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.

ROMAN 7:2

Ceimah pyi ciah hnumi tumat awn m’tumtäng ah a kyak ung, cun ah hnumi cu a cei a ghin yah ak chuih ng’chungla nak ah thukhän ah kaa ah om ci. Cun ung phi a cei a sih ah a kyak läi ung ng’chu laa nak thukhän phiawn nak ciah kyak ci.

EPHESIAN 5:28

Pami gui naw ami chu cu ami mät ah pumsa ami m’hni ah mäih ah ami m’hni vai. Ak chu m’hni ciah chang cu a mät naw amät phi m’hni ciah kyak ci.

MALAKHI 2:14

A i ah kyasei ani naw kä a dou ba cu nami ng’shi thäh ci. A i ah kyasei ci ung ani naw hmat ci, nami hmaw yah ung nami chu nak ah nami chu ah khan ah nami shaitak nami m’shet ah hmawk ah kyak ci. Ani cu na paw ah kyak ci, cun ung phi nang naw na shaitak nam shet ci. Khanpughi ah ma ah shai na tak ci kyasei, ani ah khan ah na bekhüt vai kyak ci.

NG'THU K'THUUK~ 2:17

Ani cu amät ah cei ung kä bekhüt ne ng’ciim ciah ang thukhän m’hnih ciah kyak ci.

MALAKHI 2:16

Israel Khanpughi Bawipa naw, “Ng’cha nak cu kei naw ka thüi nak ci, Nangmi ungka tumat mat naw shin ah mäih akshe cu, ak chu ah khan ah abi ung kei naw ka thüi nak ci. Nami chu ung bekhüt ne, shaitak kä nami m’shet en vai ah ng’htei cha ne nami om vai nei” cik ci.

MATTHE 19:5

Cun ah kyasei Khanpughi ah thu pyein cu, ‘Shin ah a mawng ung pami naw anu apa cu nawng shüt ne ak chu awn ng’puikhap ci goi, ngah ni cu sisa tumat ah kya ci goi.

MATTHE 19:7

Pharisee gui naw, “Cun ah a kyak ung a i ah kyasei, ‘Chang naw ak chu cu ca pe ne m’cha hning ci,’ ciah Moses naw thukhän abi ang?” cine ng’shik ci gui.