MATTHE 19:5 - Cho Bible Common Language 2016

⁵ Cun ah kyasei Khanpughi ah thu pyein cu, ‘Shin ah a mawng ung pami naw anu apa cu nawng shüt ne ak chu awn ng’puikhap ci goi, ngah ni cu sisa tumat ah kya ci goi.

MATTHE 19:5 Referans Kwoze

1 KORIN 7:4

Ak chu naw amät ah pumsa cu kä khäm ci, acei naw khäm ci; acun ah mäih ah acei naw amät ah pumsa cu kä khäm ci, ak chu naw khäm ci.

1 KORIN 7:2

Cun ung phi pletbeng nak ada aih ah hmawk ah pami päng ak chu om ne hnumi päng a cei om sä.

EPHESIAN 5:31

Cacim theing ung a pyein ah mäih ah, “Pami cu anu la apa nawng shüt ne, ak chu awn ng’puikhap ni sei, ngahni hnih cu tumat ah kya lawk khai goi nei,” cicu bä ci.

1 KORIN 6:16

Chang thuiplet awn ng’yaw ng’pawm ci goi ah chang cu, acun ah chang awn pumsa tumat ah kyak ci goi cicu kä nami hmat ci maa! Cacim naw ang dang ah a pyein cu, “Cun ah chang hnih cu pumsa tumat ah kyak khai goi nei” ciah kyak ci.

SAM 45:10

Ghangpughang ah mang hta, ka thu na ngai ä — Na chang gui la na mätyah gui cu m’hnih gui ä.

ROMAN 12:9

M’hni nak cu akcang ah yumhni nak ah a kyak vai nei. Shetkat nak cu thüi na u ne, ni kyom nak cu k’pang khüp vä.

SAM 63:8

Kei cu nang ung ak htek ah ng’pang ngä sei, Na kut naw kei cu na k’phyawn ci.

1 SAMUEL 18:1

Saul la David cu ng’htau yawp ci goi. Cun kawn ah Saul ah hta Jonathan naw David cu yei na aih neta, amät naw amät am hni ah mäih ah David cu m’hni ci.

THULÄÄN NAK 11:22

“Kei naw ka ning pek gui thukhän avan cu bekhüt ne nami läk vai. Bawipa nami Khanpughi cu nami m’hni vai, ang thumkhän nami bi vai. Ani ung nami bekhüt vai.

THULÄÄN NAK 10:20

Bawipa nami Khanpughi ah ng’thu bäng läk ne, ani bäng khawihnah vä. Ani ung bekhüt ne ani ah ming bäng ung nami shaitak nak bi vä.

THULÄÄN NAK 4:4

Cun ung phi Bawipa nami Khanpughi ung nami bekhüt cicu tuh güt nami ghing ci.

ATÜNNAK 34:3

Cun ung phi hnumi hta cu kyom ciah hmu law neta ani cu m’hni lawk ci.

1 GHANGPUGHANG GUI 11:2

Bawipa naw Israel gui cu shin ah chang gui awn kä ami ng’chungla vai ah thumkhän gui sei phi ani naw chu na gui ci, a i ah kyasei ci ung cun gui naw Israel gui a ami bekhüt nak cu a hei khanpughi gui täng ah ng’hlah püi sak ci.

2 SAMUEL 1:26

“Nang ah phäh ah ka thüi ci nei, ka phäi Jonathan; Nang naw a i hlawk ah na na m’hni ci ang? Nang ah na m’hni cu i hlawk ah cäi vai ah kyak ci ang, Cun cu hnumi ah m’hni ah ta bä pi ci nei.

MALAKHI 2:15

Ani awn pum ät, mümcha ät ah Khanpughi naw ning tüi pyang ciah kä kya ne ang? Shin ung Khanpughi ah ng’bü nak cu a i ang? Cun cu Khanpughi ah chang akcang ah kyak ciah nami hta nau vai ah hmawk ah kyak ci. Cun ah kyasei nangmi ungka a u naw phi a chu ah khan ah a shaitak kä am shet en vai ah nami bi vai nei.

MATTHE 19:6

Cun ah kyasei ngahni cu hnih ah kä kya ba ci, tumat ah kyak ci. Khanpughi naw ang puikhah sak cu chang naw kä am chaa-en vai nei’ ciah cacim cu kä nami phat man ne ma?” cine kyak na gui ci.

1 SAMUEL 25:43

David naw Jeyreela ah ka Ahinoam cu chu nak ci, tuhbäi Abigail phi chu na ba ci.