MATTHE 19:4 - Cho Bible Common Language 2016

⁴ Bawipa Jesuh naw, “Ak htük ge ung Pushipi naw pami la hnumi cu tüi pyang goi ci.

MATTHE 19:4 Referans Kwoze

ATÜNNAK 2:23

Pami naw, “Shin cu ka mät ah mäih tumat ah kyak ci. Ka guh ungka guh, ka sa ungka sa ah kyak ci; Pami ungka la ne pyan ah kyasei, A ming cu ‘Hnumi’ ah kyak khai nei” cik ci.

ATÜNNAK 1:27

Cun ah kyasei Khanpughi naw hniciim chang cu amät ah müi ah mäih ah tüisho ci. Ani naw pami la hnumi cu tüisho goi ci.

ATÜNNAK 5:2

Pami la hnumi cu tüisho ne phyisä neta, Hniciim chang ah ang ming a sui ah kyak ci.)

MALAKHI 2:15

Ani awn pum ät, mümcha ät ah Khanpughi naw ning tüi pyang ciah kä kya ne ang? Shin ung Khanpughi ah ng’bü nak cu a i ang? Cun cu Khanpughi ah chang akcang ah kyak ciah nami hta nau vai ah hmawk ah kyak ci. Cun ah kyasei nangmi ungka a u naw phi a chu ah khan ah a shaitak kä am shet en vai ah nami bi vai nei.

LUKA 10:26

Bawipa Jesuh naw, “Cacim ung a i ah nei a om? Nang naw a i ah nei na hmat?” cine ng’shi tu ba ci.

ATÜNNAK 2:18

Bawipa Khanpughi naw, “Chang pami a mät bäng a om cu kä bä ci, hnünthawh püi khai ah a paw cu ka pyang khai” cik ci.

MATTHE 22:31

Sih nak ungka thawh nak ba vai ah mawng Khanpughi ah thu cu kä nami phat man ne maa?

MATTHE 12:3

Bawipa Jesuh naw, “David ghangpughang naw, amät la ak chang gui ei cawi law u netah, bi abi cu kä nami phat tu man ci ma?

MAKUH 12:26

Sih nak ungka thawh nak ba ah mawng Moses ah cacim cu kä nami phat man ne ma? Cun ah cacim, mei ah däi ciah cap-plum ah a mawng ung, Khanpughi naw, “Kei cu Abraham ah nak Khanpughi, Isaak ah nak Khanpughi, Jakob ah nak Khanpughi nei” cine Moses ah ma ah thu pyein ci.

MAKUH 12:10

Cacim ung om cicu nami phat man khai nei; ‘Lung im co ci gui naw, ami nawng düt ah lung cu, Ak küikyang pibäih ah lungtung ah kya lawk ci nei.

MAKUH 2:25

Bawipa Jesuh naw, “David naw amät la ak chang gui cawigha law aih u netah a bilawh ah mawng cu kä nami hmat tu man ne ma?

MATTHE 21:42

Bawipa Jesuh naw, “Shin ah cacim cu kä nami phat tu man ci kya ne maa? “Lung im co ci gui naw ghü ne ami ghäih ah lung cu, Ak tung pibäih ung düi ciah lung ah kya lawk ci. Cun cu Bawipa ah bi ah kya ne, ang htei ah cäicat vai ah kya ci.

LUKA 6:3

Bawipa Jesuh naw, “David la ak chang gui naw ei ah cawi u netah ami bilawh gui cu kä nami phat tu man ne ma?

MATTHE 21:6

Ang düihpüi goi cu ana ma ni ne Bawipa Jesuh ah am cäi goi ah mäih ah bik ci goi.

2 SHONTÄP NAK 24:3

Jehoiada naw ghangpughang Joash ah chu vai hnih ghü pek ci, ngani cu hta pami, hta hnumi gui ah hta ci goi.