MATTHE 19:27 - Cho Bible Common Language 2016

²⁷ Cun kawn ah Peter naw, “Keimi naw a päng avan nawng shüt ne na hnu ah kami ning läk ci, keimi a i kami gah khai ang?” ci ne ng’shik ci.

MATTHE 19:27 Referans Kwoze

PHILIPPIAN 3:8

Cun bäng ah kä kyak ciah Bawipa Khrit Jesuh ka hmat nak tu cu apäng avan ah küikyang pi ci kya sei, ayan kaa gui cu kei na ghawi sak ci gui ah ka hmat ci. Kei naw Bawipa ah hmawk ah apäng avan cu ka ghawt shüt ci. Bawi Khrit kei ung a gawk law vai la

LUKA 5:11

Ngami cu ami ng’hleiko tui kam ah m’hnawng ba u netah, ami khawh nüng nawng shüt u ne Bawipa Jesuh ah hnu ah läk ci gui.

LUKA 18:28

Cun kawn ah Peter naw, “Bawipa, keimi cu kami pyu im nawng shüt ne kami ning läk pyi ci nei” ci khätah,

LUKA 15:29

A hta ng’vaipi naw, “Kei cu khokum akda ung nang pa ah pyein ah om ne bi ka bik ci. Nang pa ah ng’thu hngü ät phi kä ka heng man ci. Cun ung phi ka teihpüi gui awn yeikyai ne kami ei vai ah mehta tumat phi kä na na ngawn pe man ci.

MAKUH 10:28

Cun ci khätah Peter naw, “Keimi naw ang tüi avan nawng shüt u netah na hnu ah kami ning läk ci nei” cine pyein tu ba ci.

MAKUH 2:14

Cun kawn ah Bawipa Jesuh naw a hteh nak ba ah khon ami loh nak ah yung ung ngok ciah Alphaeus ah hta Levi cu hmu netah, “Ka hnu ah na läk ä” cine khü khätah, Levi naw ng’düi law ne a hnu ah läk ci.

THULÄÄN NAK 33:9

Ngami naw ami pupa, phäi nau, hta nau gui ah ta, dämduh pi ciah bekhüt nak cu nang ung m’dang ci gui. Ngami naw nang thumkhän gui cu läk ci gui. Nang ah thukhän ung bekhüt ci gui.

LUKA 14:33

Acun ah mäih ah nangmi ungka a u phi amät ung om ci nüng kä nawng shüt yawp hlawt ci cu, kei ah ng’düihpüi ah kä kia hlawt khai” cine m’cäi gui ci.

MATTHE 9:9

Bawipa Jesuh naw cun ungka a hteh nak ba lam ah, ayung kyong ah ngok ciah, akhawn look ciah Matthe cu hmu netah, “Ka hnu ah na läk ä,” cine kyak na sei, Matthe cu tho law ne a hnu ah läk tuk ci.

1 KORIN 4:7

A u naw nangmi cu chang hei ah nami hang tai pi khai ah ning piang gui khai ang? Nangmi ung om ci phung avan cu Khanpughi ah ning peit tui ah kä kya na ang! Nami gah taang gui avan Khanpughi ah kä ning peit gui ah ngaih vai ah nami khähghah nak cu, a i hawkchaa ah ang?

1 KORIN 1:29

Cun ah kyasei Khanpughi ah maa ah a u chang phi a khähghah vai amawng kä om ci.

MATTHE 19:26

Bawipa Jesuh naw ngami cu kheing ne teng gui netah, “Chang naw a i phi käm khüt näng ci, cun ung phi Khanpughi naw a päng avan m’khüt näng ci,” cine m’thein gui ci.

MATTHE 19:28

Bawipa Jesuh naw, “Kei naw akcang ka pyein cu, kho akthai a gawk law hnüüp ung chang ah Htapa cu, bämang nak awn kümbe ciah mang ah kiang ung ngok khai, Cun yah ung kei ah kang düihpüi ah nami kyak ciah nangmi cu, mang ah kiang gha-lei-goi ung ngoh u ne, Israel pakhui gha-lei-goi cu nami uk khai.