A u chang ah khan ah phi phu kä na tuk vai, käcung kä na thüi nak lä vai. Cun ung phi na paw chang cu na mät na m’hni ah mäih ah na m’hni vai. Kei cu Bawipa nei.
“Na nu la na pa na chang m’sui vai. Kei, Bawipa na Khanpughi naw ka ning thumkhän ci. Cun ung nang ung avan bä nak om khai. Kei naw ka ning pek ah khaw ung ghing shou ne na om khai.
Khanpughi ah uknak ah thukhän cu nami läk ciah a kyak ung düng cicu nami bi vai nei: Cun ah thukhän cacim ung om ci cu; “Na chang paw cu na mät awn m’täng ne nam hni vai nei,” ciah kiak ci.
Acun ah chang naw, “Na Khanpughi na Bawipa cu, na m’lung kyong avan, na hmuhmat nak avan, na k’thagui avan la na ngaih-tüh nak avan nawn na m’hni vai; na ng’kho chang cu na mät awn m’täng ne nam hni vai” ciah om ci nei cik ci.
Nangmi a chang sing naw nami nu la nami pa cu nami chang m’sui vai. Kyin hnüüp cu nami k’pan khek vai. Cun cu thumkhän ka ning pek gui ah kyak ci. Kei cu Bawipa nami Khanpughi nei.
A i ah kya sei ci ung, “Chang ah k’chuhta kä na kat püi vai, chang kä na ngawn vai, kä na m’guuk vai, chang ah khawh kä na ng’yak hlü düt vai,” ciah thukhän gui la a hei thukhän avan cu, “Na chang paw cu na mät awn m’täng ne nam hni vai,” ciah thukhän naw avan a khüm yawp ah kyak ci.
Cun ah changnong naw, “Shin ah thukhän gui cu kei naw ka hmaw yah ung tün ne ka läk ci nei, cun kawn ah kei naw ka bi ba vai a i ang a hlü ba kaw,” cine ng’shi ba ci.