MATTHE 19:14 - Cho Bible Common Language 2016

¹⁴ Bawipa Jesuh naw, “Akhmaw hta gui cu kei ah law u sä, kä ma na gui vä, khankho uknak cu shin ah mäih ah ak hmaw hta gui ah kho ah kyak ci nei,” cine pyen na gui ci.

MATTHE 19:14 Referans Kwoze

MATTHE 18:3

“Kei naw akcang ka pyein cu, nangmi cu ak hmawhta ah mäih ah nami m’lung kä nami m’thawng ung, khankho uknak ung kä nami gawk khai.

1 KORIN 14:20

Phäinau gui aw, ak hmawhta gui ah mäih ah kä nami kyak vai nei; ak hmawhta gui ah mäih ah shetkat nak phiawn tah u ne, ang vai pyi ah mäih ah nami ngaih-tüh vai.

MAKUH 10:14

Bawipa Jesuh naw hmu gui netah, m’lung she ne, “Akhmaw hta gui cu kei ah law u sä, kä ma na gui vä, Khanpughi ah uknak kho cu ngami ah kho ah kyak ci nei.

MATTHE 11:25

Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

1 SAMUEL 1:11

Hannah naw akthuuk ah shaitak ci: “Ak hlüngtai Bawipa, na teng ä, na changshäm! Ka khüikha nak cu na hmuh pe ne, na shüm ä! Kä na m’hnih ä! Htapa na na pek ah a kyak ung, a ghin nak avan cu nang am ka ning ap khai ah shai ka tak ci nei, ani naw a lusam cu kä at phung khai nei.

SUKI GUI 13:7

Cun ung phi kei käumah ne k’pami ah ka hta lawk khai ah pyen ne ani naw na m’thein ci. Ani naw yu phi, sapyit tui phi kä ka awk en vvai, hlawi ah ei kä ka ei en vai ah na m’thein ci, a i ah kyasei ci ung ak hmaw cu a ghin ah chuih Nazirit ah k’bäi ne Khanpughi am ap vai ah kyak ci.”

1 SAMUEL 2:18

Cun yah ung ak hmaw Samuel cu Bawipa ah bi bi gäk gäk ci. Ani naw theing ciah

1 SAMUEL 1:24

Ani naw tui tui kä a tu ba kawn ah Shilon ah hteh püi ci, kum thum lawk ciah seipat, m’htut den phawi gha la yu tui um ät phi hteh püi ci. Ani naw ak hmaw hta Samuel cu Shilon ah Bawipa ah im ung hteh püi ci.

ATÜNNAK 21:4

Isaak cu hnüüp cheit lüng pha sei, Khanpughi ah thukhän ah mäih ah Abraham naw vun-ah nak bi pek ci.

1 SAMUEL 1:22

Cun ung phi cun ung Hannah kä hteit tuk ci. Ani naw a cei am, “Ak hmaw tui tui kä a awk ba vai am, ani cu Bawipa ah im ah ka hteh püi khai, a ghin ah chuih a ca om khai,” cik ci.

MATTHE 5:3

“Mumcha geinvai ah mawng hmat ciah chang gui yeikyai vä; Khankho cu nangmi ah kho ah kyak ci!

MATTHE 5:10

“Khanpughi ah düng nak abi nak awn, Shedam nak gah ciah chang gui yeikyai vä; Khankho cu nangmi ah kho ah kyak khai!

MATTHE 19:15

Bawipa Jesuh naw ak hmaw hta gui cu ami khan ah a kut taih ne, hrilham pe gui netah, a hei lam ah hteit ba ci.

MAKUH 10:15

Kei naw akcang ka pyein cu, ak hmaw hta gui ah mäih ah Khanpughi ah uknak kä dou ciah chang cu khankho ah kä gawk tuk khai” cine pyen na gui ci.